Chituwa 23:24 - Tonga Bible 1986

²⁴ mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

Chituwa 23:24 Referans Kwoze

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Maŵerengedu 33:52

mukadikiskanga wose ŵakuja mu charu paurongo pinu, ndipo muphwanye vikozgo vyawo vyose vyakuchongeka mu mya, mubwanganduwe ŵangoza ŵawo wose ŵakuchita kusongono, ndi kuwiskiya pasi malo ghawo ghose gha pachanya;

Marangu 12:3

Mukabwanganduwe majochero ghawo gha sembe, kuwiska ndi kuswa mizati yawo ndi kocha ŵakavuŵa ndi moto. Mukadumuriye pasi vikozgu vyakusemeka vya ŵachiuta ŵawo, ndipo sisitani mazina ghawo, mu malo gho.

Marangu 7:5

Kweni mukachite nawo viyo, mukabwanganduwe majochero ghawo ndi kuphwatiya pasi mizati yawo, ndi kudumuliya pasi ŵakavuwa ŵawo ndi kocha ndi moto vikozgu vyawo vyakusemeka.

2 Mikoka 33:9

Manase wangupuruska Yuda ndiwo ŵajanga mu Yerusalemu, wanguchita viheni kuruska ŵamitundu wo Chiuta wanguparghang'a pa maso ghaku Yisraele.

ŴaLevi 18:3

Mungachitanga uli ndimo ŵachitiya muno mu charu cha Kanani mo ndaza namwe cha. Mungavwiyanga marangu ghawo cha.

Chituwa 32:20

Ndipo wanguto thole lo la ng'ombe lenilo ŵanguchita, wangulocha ndi moto, ndi kulipera kuŵa fuvu, ndi wanguliwazga pa maji, ndi wangulimweska ŵaYisraele.

Ezekiele 16:47

Kweni kuti ungukhorwa cha kwenda mu nthowa zawo, pamwenga kuchita kwakuyana ndi maunyakazi ghawo; ndipo mu kanyengo kamanavi waka iwe unguvunda ukongwa kwakuruska iwo mu nthowa zako zose.

Sumu 101:3

kuti ndiŵikenge kanthu kaheni paurongo pa maso ghangu cha. Nditinkha nchitu zaku wo ŵapatukako kwaku Chiuta; kuti ndibatikanenge nawo nanga nkhamana cha.

2 Mikoka 33:2

Wanguchita cho chenga chiheni mu maso gha Ambuya kuringana ndi unyakazi wa ŵamitundu wo Ambuya anguŵadikiska paurongo pa ŵaYisraele.

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Chituwa 23:32

Mukachitanga nawo phanganu cha, pamwenga ndi ŵachiuta ŵawo nawo cha.

Chituwa 23:33

Kuti ŵakajanga mu charu chinu cha, vinu ŵangamulakwiskani kwaku ine; pakuti asani mukatataliyanga ŵachiuta ŵawo kwakuneneska chikaŵanga chiŵana kwinu.”

ŴaLevi 26:1

“Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

2 ŴaKaronga 3:2

Wanguchita cho chenga chiheni mu maso gha Ambuya, chingana wengavi kuyana ndi awiske ndi anyina, pakuti iyo wangutuzgamo mzati waku Bala wo ŵanguzenga awiske.

2 ŴaKaronga 18:4

Wangutuzgamo malo gha pachanya, ndi wanguguinuliya pasi vigaŵa ndi kudumuliya pasi Asera. Wangudumuwa tumanatumana njoka ya mkuŵa yo wangupanga Mosese, pakuti mpaka kufika ku mazuŵa gho ŵaYisraele ŵangoche vyachema kwaku yo, yadanikanga chimkuŵa.

Chituwa 20:3

“Kuti ukajanga ndi ŵachiuta ŵanyake pa maso pangu cha.

Maŵerengedu 25:2

Yaŵa ŵangudaniya ŵanthu ku sembe za ŵachiuta ŵawo, ŵanthu ŵangurgha ndi kugwadiya ŵachiuta ŵawo,

2 ŴaKaronga 17:8

ndipo ŵangwenda mu malusu gha mitundu yo ŵangudikiska paurongo pa ŵaYisraele, ndi mu malusu gho ŵakaronga ŵa ŵaYisraele ŵangwata.

2 ŴaKaronga 17:11

ndipo mwenimuwa ŵangocha vyachema pa malo gho ŵachitiyanga paurongo pawo. Ŵanguchita vinthu viheni, kusosomole Ambuya ku ukari,

2 Mikoka 14:2

Ndipo Asa wanguchita cho nchamampha ndi chakunyoroka paurongo pa Ambuya Chiuta wake.

2 Mikoka 25:14

Amaziya wanguti weweko kukubaya ŵaEdomu wanguza ndi ŵachiuta ŵa ŵanthu ŵaku Seiri, ndi wanguŵamika kuŵa ŵachiuta ŵake, ndi wanguŵasopa, wakupereka mpasku kwaku wo.

Hoseya 10:2

Mtima wawo ngutesi, sono ŵatenere kusanirika ndi kafukwa. Ambuya agumuliyenge pasi majochero ghawo, ndi kubwanganduwa vikozgo vyawo.