Chituwa 23:19 - Tonga Bible 1986

¹⁹ “Vyakundanga vya vipasi vya nyata yinu mukazanga navyo mu nyumba ya Ambuya Chiuta winu. Mungabikanga kana kambuzi mu mukaka wa nyina cha.

Chituwa 23:19 Referans Kwoze

Chituwa 34:26

Mukadanganga kuza ndi vipasi vyakudanga vya munda winu ku nyumba ya Ambuya Chiuta winu. Kuti mukabikanga kana kambuzi mu mukaka wa nyina cha.”

Marangu 14:21

“Mungarghanga cha kanthu kose ko kafwa kija. Mukapaske ku mlendo yo wemu mizi yinu, kuti warghe, pamwenga muguliske ku ŵalendo; pakuti imwe ndimwe ŵanthu ŵakupaturika ku Ambuya Chiuta winu. Mungabikanga mwana wa mbuzi mu mkaka wa nyina.

Marangu 26:10

Ndipo ehe, sono ndituza ndi vipasi vyakudanga vya mu munda wo imwe Ambuya mwandipaska.’ Ndipo mukaviŵikanga pasi paurongo pa Ambuya Chiuta winu;

Nehemiya 10:35

Tingujitole pakutaŵeni kaza ndi vipasi vyakudanga vya vipasi vyose vya muti we wose, chirimika ndi chirimika ku nyumba ya Ambuya;

Chituwa 22:29

“Ungaswereskanga kupereka vya uzari wa vuna wako ndi ku vyakukumphiya vya kufinya kwa mphereska zako. “Waumwali wa ŵana ŵako ŵanthurumi ukapaskanga ine.

Marangu 26:2

mwamutopo vipasi vinyake vyose vyakudanga vya dongu lo, vyo mukavunanga. Mukaviŵikanga mu sokora, ndipo mukarutanga ku malo gho Ambuya Chiuta winu wakasankhanga, kuti zina lake liŵenge penipa.

Chivumbuzi 14:4

Yaŵa mbeniwo ŵengavi kukazuzgika ndi ŵanthukazi; chifukwa ndi zimbeto. Yaŵa mbeniwo ŵarondo Mwana-mberere yo kweniko kose watiya. Yaŵa mbeniwo ŵakuwomboleka mu ŵanthu, kuŵa mruwuku kwaku Chiuta ndi ku Mwana-mberere yo.

1 ŴaKorinte 15:20

Kweni sono wayuskika Kristu ku ŵakufwa, mruwuku waku wo mbakura.

Yeremiya 10:3

pakuti malusu gha ŵanthu ngakupusika. Muti wamu lisuwa utemeke pasi, ndipo usemeka ndi mbavi, ndi manja gha misiri.

Nthanthi 12:10

Munthu murunji waphwere umoyo wa chiŵetu chake, kweni lisungu la wamphulupulu ndi nkhaza.

Nthanthi 3:9

Tumbikanga Ambuya ndi chuma chako ndi vipasi vyakudanga vya vyakurgha vyako vyose;

Chituwa 22:28

“Ungatukanga Chiuta cha, chingana nkhutemba mweruzgi wa ŵanthu ŵako.

Maŵerengedu 15:21

Mukapaskanga Ambuya mpasku wa nthimphwa yakudanga mu migonezi yinu yose.

Nehemiya 10:36

ndipo so kutole ku nyumba yaku Chiuta widu, ku ŵazukuru ŵeniwo mbakuteŵeta mu nyumba yaku Chiuta widu, ŵana ŵidu ŵanthurumi ŵa umwali ndi ŵa ng'ombe kwakuyana ndimo kukulembeke mu dangu, za umwali za viŵetu vidu ndi miskambu yidu;

Ezekiele 44:30

Vipasi vyamruwuku vyamitundu yose, ndi mpasku we wose wamtundu wose wa mipasku yinu, vikaŵanga vya ŵazukuru; mukapaskanga ŵazukuru nthimphwa yinu yakudanga ya mugayiwa, mwakuti chitumbiku chijenge pa nyumba yinu.

Ezekiele 48:13

Kupakana ndi charu cha ŵazukuru, ŵaLevi ŵakaŵanga ndi chigaŵa cha mikono vikwi machumi ghaŵi ndi vinkhonde (25,000) mu utali ndi vikwi chumi (10,000) usani. Utali wake wose chikaŵanga mikono vikwi machumi ghaŵi ndi vinkhonde ndi usani vikwi machumi ghaŵi.

Ezekiele 48:14

Ŵareke kuguliska pamwenga kusinthaniska kachigaŵa ke kose kaku ichi; ŵareke kupaska ŵalendo chigaŵa ichi chakusankhika cha charu, chifukwa nchakupaturika ku Ambuya.