Chituwa 23:18 - Tonga Bible 1986

¹⁸ “Mungaperekanga ndopa za chisopo changu pamoza ndi chiŵandi cha mtupu cha, pamwenga kughasiya mafuta gha dghera langu mpaka mlenji cha.

Chituwa 23:18 Referans Kwoze

ŴaLevi 2:11

“Paulevi mpasku wakuchitika ndi mtupu wo mukatoliyanga ku Ambuya; pakuti mukawochangamtupu cha nanga ndi uchi nawo cha kuŵa mpasku wapa moto ku Ambuya.

Chituwa 34:25

“Mungapaskanga ndopa za chisopo changu pamoza ndi mtupu chingana nkhuti chisopo cha dghera la kujumphapo ŵaka lijeko mpaka mlenji.

Marangu 16:4

Mureke kusanirika ndi mtupu mu mazuŵa ghankhonde ndi ghaŵi mu charu chinu chose, nanga nkhuti nyama yo mwabayiya sembe ndi mazulo gha zuŵa lakudanga, yijeko usiku wose mpaka mlenji.

Chituwa 12:10

Ndipo mungasiyangako nanga njimanavi cha kuti yifike ku mlenji, kekose kakujariya mpaka mlenji mochenge.

ŴaLevi 7:15

Ndipo nyama ya sembe yakuwonge chimangu chake yikarghikanga pa zuŵa lo mpasku wake waperekeke; kuti wareke kusiyako kuti yifike ku mlenji.

Chituwa 12:8

Ŵakarghanga nyama ndi usiku weniwo yakocha pamoza ndi chiŵande chambura mtupu ndi munkhwani wachakuŵaŵa.

ŴaLevi 7:12

Asani wapereke chifukwa chakuwonga, tumakeke twambura mtupu twakupakika ndi mafuta, ndi tumakeke twa ufwa wamampha wakusazgika ukongwa ndi mafuta.

Chituwa 12:15

Mazuŵa ghankhonde ndi ghaŵi mukarghanga chiŵande chambura mtupu; pa zuŵa lakudanga mukatuzgangamo mtupu mu nyumba zinu, pakuti asani we yose wakarghanga cho ncha mtupu, kwamba zuŵa lakudanga mpaka zuŵa la chinkhonde ndi chiŵi, munthu yo wakadumulikangako kwaku Yisraele.

Chituwa 16:19

Ndipo Mosese wanguti kwaku wo, “Paulevi munthu wakusiyako kwachifika mlenji.”

Chituwa 29:34

Ndipo asani nyama ye yose ya pakumikika, pamwenga chiŵandi vijapo kufika mlenji, sono mukawochanga ndi moto vyakujapo vyo; vingarghikanga cha, pakuti vyakupaturika.