Chituwa 23:15 - Tonga Bible 1986

¹⁵ Mukasunganga dghera la chiŵandi chambura mtupu, uli ndimo ndingukulanguliyani, mukarghanga chiŵandi chambura mtupu mazuŵa ghankhonde ndi ghaŵi panyengo yakutemeka mu mwezi wa Abibi, pakuti mwaku wo imwe mungutuwa mu Egipiti. Paulevi yumoza wakuzachiwoneka paurongo pangu manja ghaŵaka.

Chituwa 23:15 Referans Kwoze

Luka 22:7

Ndipo linguza lo zuŵa la vyambura mtupu, mwaku lenile kutenere kubayiya phaska.

Chituwa 34:20

Chakudanga cha mbunda mukawombonga ndi mwana mberere, asani mukawombouga cha mukafyonga khosi lake. Waumwali wose ŵa ŵana ŵinu ŵanthurumi mukawombonga. Palivi yumoza waku wo wakazanga paurongo pangu manja ghaŵaka.

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

Marko 14:12

Ndipo pa zuŵa lakudanga la chiŵande chambura chimera, penipo ŵabayanga phasku lo, ŵasambizi, ŵake ŵanguti kwaku iyo, “Mukhumba tikamrongosoleyeni nunkhu kuti mukarghe phaska?”

ŴaLevi 23:10

“Kamba ku ŵaYisraele kuti, mutakuti mwafika mu charu cho nditukupaskani, ndi kuvuna vuna yake, mukazanga ndi nchinda ya vipasi vyakudanga vya vuna yinu ku mzukuru;

Chituwa 34:18

“Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Chituwa 13:4

Zuŵa ili mukatuwanga, mu mwezi wa Abibi.

Luka 2:41

Ndipo ŵarutanga ŵapapi ŵake chirimika ndi chirimika ku Yerusalemu ku njonesku ya Phaska.

Machitidu gha Ŵakutumika 12:3

Ndipo wachiwona kuti kungukondweska ŵaYuda, wangutaruliya kumko Petro nayo. Ndipo kwenga mazuŵa gha vyambura-mtupu.

Chituwa 12:2

“Muchiti mwezi uwu kuŵa mwezi wakwamba kwa myezi; ukaŵanga mwezi wakudanga wa chirimika kwaku imwe.

Chituwa 22:29

“Ungaswereskanga kupereka vya uzari wa vuna wako ndi ku vyakukumphiya vya kufinya kwa mphereska zako. “Waumwali wa ŵana ŵako ŵanthurumi ukapaskanga ine.

1 Samuele 6:3

Iwo ŵanguti, “Asani mutuma bokosi laku Chiuta wa ŵaYisraele, mungalituma ŵaka kwambura kanthu cha, kweni muliwezge ndi mpasku wapa ulakwi. Sono ndipo mukachizgikanga, ndipo kukaziŵikwanga kwaku imwe chifukwa cho janja lake lirivi kutuzgikako kwinu.”

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Mika 6:6

“Nkhazanga ndi chine pa maso pa Ambuya, ndi kusindama pa maso paku Chiuta wa pachanya paku vyose? Kumbi nkhazanga pa maso pake ndi sembe yakocha, ndimatholi gha chirimika chimoza? Kumbi Ambuya akakondwanga ndi vikwi vya ŵana ŵa mberere ŵanthurumi, ndi vikwi chumi (10,000) vya misinji ya mafuta?