Chituwa 23:14 - Tonga Bible 1986

¹⁴ “Katatu mu chirimika chimoza mukandichitiyanga dghera ine.

Chituwa 23:14 Referans Kwoze

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

ŴaLevi 23:34

“Kamba ku ŵaYisraele, pa zuŵa la chumi ndi ghankhonde la mwezi uwu wa chinkhonde ndi chiŵi, kwa muzuŵa ghankhonde ndi ghaŵi, ndi dghera la misasa ku Ambuya.

ŴaLevi 23:16

kuŵerenga mazuŵa machumi ghankhonde (50), kufika ku mlenji pavuli pa sabata wa chinkhonde ndi chiŵi; penipo ndipo muperekenge sembe ya vipasi vifya ku Ambuya.

ŴaLevi 23:5

Mu mwezi wakudanga, pa zuŵa la chumi pachanya ghanayi, ku mazulo ndi phaska la Ambuya.

Chituwa 23:17

Katatu mu chirimika ŵanthurumi ŵinu ŵakajirongonga paurongo pa Ambuya Chiuta.

ŴaLevi 23:4

“Yagha ndigho madghera ghakulangurika gha Ambuya, kuwungana ndi kusopa kwakupaturika, gho mukamemezanga pa nyengo yake yakutemeka.

1 Samuele 1:3

Chirimika ndi chirimika Elkana warutanga kutuwa ku muzi wake kwachisopa ndi kupereka sembe ku Ambuya ŵa maŵanja pa Shilo, penipo ŵana ŵaŵi ŵaku Eli, Hofini ndi Finehasi ŵenga ŵazukuru ŵa Ambuya.

1 ŴaKaronga 9:25

Katatu pa chirimika Solomoni wanguziŵiriya kupereka sembe za chimangu pa guŵa lo wanguzenge Ambuya, kocha vyachema paurongo pa Ambuya. Viyo wangumarizga nyumba.

2 Mikoka 8:13

nge ndimo mlimu wa zuŵa ndi zuŵa weneriyanga, pakupereka mipasku kwakulingana ndi dangu laku Mosese pa masabata ndi pa myezi yifya ndi pa madghera ghakutemeka ghatatu mu chirimika, dghera la chiŵande chambura mtupu, dghera la sabata, ndi dghera la misasa.

Chituwa 34:17

“Mungajichitiyanga ŵachiuta ŵa mkuŵa nanga mba golide cha.

Chituwa 34:18

“Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Marangu 16:1

“Kumbukani cho mutenere kuchita mu mwezi wa Abibi, ndipo rghani dghera la phaska nge ndimo Ambuya akumulanguliyani. Pakuti mu mwezi wa Abibi Ambuya Chiuta winu wangumutuzgani ndi usiku mu Egipiti.

Ezekiele 46:9

“Penipo ŵeni charu ŵatuza pa maso pa Ambuya pa madghera ghakumikika, yo waserere pa likomo laku nkhonde kuzachisopa wakatuliyanga pa likomo laku malaŵi; ndipo yo waserere pa likomo laku malaŵi wakatuliyanga pa likomo laku nkhonde: pawulevi yumoza yo wakawerivanga pa nthowa ya likomo lo wangusereriyapo, kweni yose wakatuliyanga ko warazga maso.