Chituwa 23:13 - Tonga Bible 1986

¹³ Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Chituwa 23:13 Referans Kwoze

Yoswa 23:7

kuti mureke kusazgikana ndi mitundu iyi yasiyika mukati mwinu, pamwenga kuzumbuwa mazina gha ŵachiuta ŵawo nanga nkhurapiya mwaku wo, pamwenga kuŵatataliya, nanga nkhu ŵajikamiya,

1 Timote 4:16

Jichenjeriyenge wamweni, ndi so ku chisambizgu chako. Jaririyanga mwaku vyenivi; chifukwa pakuchita chenichi ujitaskenge wamweni ndi wo ŵatukuvwa.

Zekariya 13:2

“Ndipo kukaŵanga pa zuŵa lo, atiti Ambuya ŵa maŵanja, ndituzgengeko mazina gha ŵangoza ku charu; mwakuti ŵakakumbukikanga so cha; ndipo so ndituzgengemo mu charu ŵamchimi, ndi mzimu uheni.

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Hoseya 2:17

Chifukwa nkhatuzangamo mazina gha ŵaBala mu mlomo wake, ndipo kuti ghazumbulikenge so cha mazina ghawo muyaya.

Marangu 12:3

Mukabwanganduwe majochero ghawo gha sembe, kuwiska ndi kuswa mizati yawo ndi kocha ŵakavuŵa ndi moto. Mukadumuriye pasi vikozgu vyakusemeka vya ŵachiuta ŵawo, ndipo sisitani mazina ghawo, mu malo gho.

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

ŴaEfeso 5:15

Viyo na, lereskani kaunthu po mutende, nge mbambura zeru cha, kweni nge mbazeru,

Yeremiya 10:11

Viyo ndimu ukambiye kwaku wo: “Ŵachiuta ŵeniwo ŵengavi kulenga machanya ndi charu chapasi ŵakamaranga mu charu chapasi ndi kusi ku mitambo.”

Sumu 16:4

Wo ŵasankha ŵachiuta ŵamwenga kuti ndisanganenge nawo mu sembe zawo cha; kuti nkhasopanga ŵachiuta ŵawo cha.

Yoswa 23:11

Jiphwereni imwe mwaŵeni, kwanja Ambuya Chiuta winu.

Yoswa 22:5

Muphwere ukongwa kusunga langulu ndi dangu lo Mosese mteŵeti wa Ambuya wangulanguliya imwe, kwanja Ambuya Chiuta winu, ndi kwenda mu nthowa zake zose, kusunga malangulu ghake, kumeremete kwaku iyo, ndi ku mteŵete ndi mtima winu wose ndi ndi mzimu winu wose.”

ŴaEfeso 5:12

chifukwa nkhwalilengu chingana nkhukamba vyenivyo vichitika nawo mu ubisibisi.

Sumu 39:1

Ndinguti, “Ndikaphwerenga nthowa zangu, mwakuti ndireke kwananga ndi lilime langu; ndimangenge mlomo wangu ndi chakumangiya, penipo pose ŵaheni ŵe pamaso pangu.”

Marangu 4:15

“Pa chifukwa ichi muchenje ukongwa. Pakuti munguwona chikozgu cha, pa zuwa lenilo Chiuta wangukamba namwa mu Horebe kutuwa mukati mu moto,

Maŵerengedu 32:38

Nebo ndi Bala-meono (mazina ghawo ghakasinthikanga), ndi Sibima; ndipo misumba yo ŵanguzenga ŵanguyidana mazina ghanyake.

Chituwa 23:24

mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

Chituwa 23:32

Mukachitanga nawo phanganu cha, pamwenga ndi ŵachiuta ŵawo nawo cha.

Marangu 4:23

Mujichenjeremwaŵeni, vinu mungaruwa phanganu la Ambuya Chiuta winu lenilo wangupangana namwe, pakujichitiya chikozgu chakusemeka, pamwenga chikozgu cha kanthu kose keniko Ambuya Chiuta winu wamukanizgani.

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.