Chituwa 23:12 - Tonga Bible 1986

¹² “Mazuŵa ghankhonde ndi limoza mukatatanga nchitu zinu, kweni pa zuŵa la chinkhonde ndi chiŵi mukapumuwanga; alinga kuti ng'ombe yinu ndi mbunda yinu zipumuwe, ndi mwana munthurumi wa muŵanda winu munthukazi, ndi mlendo, waronde nthazi.

Chituwa 23:12 Referans Kwoze

Luka 13:14

Kweni mura wa sinagoge, wakutundiya chifukwa Yesu wanguchizga pa Sabata, wangwamuka ndi wangunene mzinda wo, “Mazuŵa ghankhonde ndi limoza ghalipo, mwaku ghenigho kutenere kutakataka: mwaku ghenigho muzachichizgika, pa zuŵa la Sabata cha.”

Chituwa 35:3

kuti mukakozganga moto cha mu malo ghinu ghose pa zuŵa la sabata.”

Yesaya 58:3

‘Chifukwa chine tafunga, ndipo iwe kuti utichiwona cha? Chifukwa chine tajorovya ndipo iwe kuti uziŵa ichi cha?’ Ehe, mu zuŵa lakufunga kwinu mupenja vyakumukondwereskani vyakumwija, ndipo muyuzga ŵa nchitu ŵinu wose.

Chituwa 34:21

“Mazuŵa ghankhonde ndi limoza mukatatanga, kweni pa zuŵa la chinkhonde ndi chiŵi mukapumuwanga; mu nyengo yakupandiya ndi yakuvuniya mukapumuwanga.

Marko 2:27

Ndipo wanguti kwaku wo, “Sabata linguŵiya pa chifwa cha munthu, kuti, munthu pa chifwa cha Sabata cha:

Chituwa 16:23

iyo wanguti kwaku wo, “Ichi ndicho ŵalangula Ambuya. ‘La mawa ndi zuŵa lakuzirwa la chipumulo ndi Sabata lakupaturika ku Ambuya; wochani vyo mungawocha ndi bikani vyenivyo mungabika, ndipo vyo vyajako muŵike mpaka mlenji.’ ”

Chituwa 23:11

Kweni chirimika cha chinkhonde ndi chiŵi mukayipumuzganga yambura kuyipanda; alinga kuti ŵasauchi ŵa ŵanthu ŵinu, ŵarghenge; ndipo vyo ŵakasiyangamo nyama zamu dondo zikarghanga. Minda yinu ya mphereska nayo mukachitanga nayo kwakukozgana, ndi minda yinu ya olive.

Chituwa 35:2

Milimu yikachitikanga mazuŵa ghankhonde ndi limoza, kweni pa zuŵa la chinkhonde ndi chiŵi mukaŵanga ndi sabata lakupaturika lakupumuwa, ku Ambuya; we yose wakuchita mlimu mwaku lo wakabayikanga;

ŴaLevi 23:3

Mazuŵa ghankhonde ndi limoza ghakuchitiya nchitu: kweni pa zuŵa la chinkhonde ndi chiŵi ndi sabata la chipumulu chakupaturika, kuwungana pamoza kusopa; kuti mukachitanga nchitu cha; ndi sabata ku Ambuya mu malo ghinu ghose ghakujamo.

Nehemiya 13:16

Ŵanthurumi ŵaku Turo nawo so viyo ŵeniwo ŵajanga mu msumba wo, ŵazanga ndi somba ndi vyamalonda vya mitundu yose ndipo ŵaviguliskanga pa zuŵa lasabata ku ŵaYuda, mu Yerusalemu.