Chituwa 23:11 - Tonga Bible 1986

¹¹ Kweni chirimika cha chinkhonde ndi chiŵi mukayipumuzganga yambura kuyipanda; alinga kuti ŵasauchi ŵa ŵanthu ŵinu, ŵarghenge; ndipo vyo ŵakasiyangamo nyama zamu dondo zikarghanga. Minda yinu ya mphereska nayo mukachitanga nayo kwakukozgana, ndi minda yinu ya olive.

Chituwa 23:11 Referans Kwoze

ŴaLevi 25:22

Muchipanda mu chirimika cha chinkhonde ndi chitatu, mukarghanga vyakurgha vyakele; mpaka kufika ku chirimika cha chinkhonde ndi chinayi, muchilonga vipasi vyake, mukarghanga vyakale.

ŴaLevi 25:20

Ndipo asani mukambenge kuti, ‘Kumbi mu chirimika cha chinkhonde ndi chiŵi tirghengenji asani tikarekanga kupanda ndi kuvuna mbeu zidu?’

Chituwa 23:10

“Kwa virimika vinkhonde ndi chimoza mukapandanga mu minda yinu ndi kuronga kurgha kwake.

Chituwa 23:12

“Mazuŵa ghankhonde ndi limoza mukatatanga nchitu zinu, kweni pa zuŵa la chinkhonde ndi chiŵi mukapumuwanga; alinga kuti ng'ombe yinu ndi mbunda yinu zipumuwe, ndi mwana munthurumi wa muŵanda winu munthukazi, ndi mlendo, waronde nthazi.

Maŵerengedu 16:14

Posepose napo watondeka kutitore ku charu chakutaŵara mkaka ndi uchi, nanga nkhutipaska vihara vya viŵera ndi minda ya mphereska. Kumbi ukakolowonga maso gha ŵanthu yaŵa? Ifwe kuti tikazangako cha.”

Nehemiya 10:31

ndipo asani ŵanthu ŵa charu ichi ŵatuŵa ndi vinthu vya malonda pamwenga kurgha pa zuŵa la sabata kuguliska, kuti tikagulananga nawo cha pa sabata pamwenga pa zuŵa lakupaturika tikarekanga vyakurgha vya chirimika cha chinkhonde ndi chiŵi ndi kupana mangaŵa ghose.

Marangu 15:11

Chifukwa ŵakavu kuti ŵamarenge cha mu charu, viyo ndimulanguliyani kuti mumujuliye janja linu mbali winu, wakusauka ndi mukavu, mu charu.

Nehemiya 10:32

Tingujiyilika so ndi lamulu lakuti chirimika ndi chirimika tiperekenge chigaŵa cha chitatu cha shekelo ku nchitu ya nyumba yaku Chiuta widu;