Chituwa 23:1 - Tonga Bible 1986

¹ “Mungatanga ukaboni utesi cha. Mungakoleranangaku ndi munthu muheni, kuŵa kaboni murwani.

Chituwa 23:1 Referans Kwoze

Sumu 101:5

Ndikaphwanyanga munthu mweniyo warongorore uheni pa muanasi wake ku ubende. Munthu wa maso ghakujitunthwa ndi mtima wa kujikuzga kuti ndimulekerezgenge waka cha.

Nthanthi 19:5

Kaboni mutesi kuti walekenge kulangika cha, ndipo mweniyo wakamba mautesi kuti wathaŵenge cha.

Chituwa 20:16

“Ungatoliyanga ukaboni wautesi pa munyako.

Sumu 35:11

Ŵakaboni ŵakari ŵayuka; ŵatindifumba vyo ine kuti nditiviziŵa cha.

Marangu 5:20

“ ‘Ungatiya chisimisimi cha utesi pa munyako.

ŴaLevi 19:16

Mungaŵanga ŵamwendanato cha mukati mu ŵanthu ŵinu, ndipo mungachitanga ukaboni wa kupusika cha pa umoyo wamuzengezgani winu. Ndine Ambuya.

Chivumbuzi 12:10

Ndipo ndinguvwa mazu ghakuru kuchanya, ghakuti, “Sono waŵapo utaski, ndi nthazi, ndi ufumu waku Chiuta widu, ndimtufu waku Kristu wake: pakuti wapong'eka pasi wakutundula yo wa ŵabali ŵidu, mweniyo watuŵatundula paurongo paku Chiuta widu msana ndi usiku.

ŴaRoma 3:8

Ndipo chifukwa chine tireka kukamba (nge ndimo titukikiya, ndi nge ndimo ŵanyake ŵatiti ifwe tikamba), tichitenge viheni, alinga vizenge vyamampha? Chisusa cha waviyo nchakurunjika.

Nthanthi 19:9

Kaboni mutesi kuti warekenge kulangika cha, ndipo mweniyo wakamba mautesi wakafwanga.

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

2 Timote 3:3

ŵambura matunizgika, ŵapharamulu, ŵambura kujitintha, ŵakari, ŵazira kwanja umampha,

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

Nthanthi 24:28

Ungachitiyanga ukaboni wakususkamuzengezgani wako kwambura kafukwa, ndipo ungapusikanga cha ndi milomo yako.

Nthanthi 21:28

Kaboni mutesi wakamaranga, kweni mazu gha munthu yo watuvwa ghakajaliriyanga.

Nthanthi 10:18

Mweniyo wabisirizga kutinkha wendi milomo yitesi, ndipo mweniyo watundula kwa utesi ngwa kupusa.

Nthanthi 6:19

kaboni mutesi mweniyo watuzga mautesi, ndi munthu mweniyo wakhuŵizga zindeu pakati pa ŵabali.

Sumu 15:3

yo kuti wapusika ndi lilime lake cha, ndipo kuti wachitiya uheni mbali wake cha, nanga nkhutombozga mwanasi wake cha;

ŴaLevi 19:11

“Mungabanga, chingana nkhuchita kwakupusika cha, chingana nkhunenerana ndi munyinu utesi.

Luka 19:8

Kweni Zakeyu wanguma, wanguti ku Mbuya, “Awonani Ambuya, chigaŵa cha viŵetu vyangu ndiŵapaska ŵakavu; ndipo asani ndamuphanga yumoza kanthu, ndimwerezgiyapo kanayi.”

Luka 3:14

Ndipo ŵamfumbanga ŵankhondo nawo, ŵakuti, “Nafwe so tikachitanga chine?” Ndipo wanguŵanene, “Mungenjezganga yumoza cha, chingana nkhumwatiya; ndipo mukorokenge ndi mphoto zinu.”

Mateyu 19:18

Wali kwaku iyo, “Nagha?” Yesu wanguti, “Ungabaya, ungareŵa, ungaba, ungatiya ukaboni utesi,

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Nthanthi 25:23

Mphepo yaku nkhonde yituza ndi vuwa, ndipo lilime lakusuza, lirereska kwa ukari.

Nthanthi 25:18

Munthu mweniyo watole chisimisimi cha utese pa muzengezgani wake, we uli ndi nthonga ya nkhondo, pamwenga lipanga pamwenga muvwi wakuthwa.

Nthanthi 19:28

Kaboni wambura kwene wanyoza cheruzgu chirunji, ndipo mlomo wa wamphulupulu uparuwa kwananga.

Nthanthi 17:4

Wakuchita uheni wategherezga kumilomo ya mphulupulu; ndipo mutesi wategherezga ku lilime lakusovya.

Nthanthi 12:17

Yo wakamba uneneska wapaska ukaboni wakuneneskadi, kweni kaboni mutesi wakamba kupusika.

Sumu 120:3

Kumbi kukapaskikanganji kwaku imwe? Kumbi kukasazgikiyangako kanthu uli kwaku imwe, mwakuŵa ndi lilime lakupusika?

Sumu 27:12

Rekani kundipereka ku khumbo la wakupindikana nane; pakuti ŵakaboni ŵatesi ŵandiyukiya ndipo ŵatuta chiwawa.

2 Samuele 19:27

Ndipo wangundipusikiya ndamteŵeti winu kwaku imwe mbuyangu karonga. Kweni mbuyangu karonga we nge ndi mthenga waku Chiuta; viyo chitani cho nchamampha kwaku imwe.

2 Samuele 16:3

Ndipo karonga wanguti, “Nanga mwana wambuyako wepani?” Ziba wanguti, “Awonani, wemu Yerusalemu; pakuti wanguti: ‘Msana wale nyumba yaku Yisraele yindiwezgiyenge ufumu wa ada.’ ”

Chituwa 23:7

Ndereni kutali ku mrandu wautesi ndipo mungabayanga wambura kafukwa ndi murunji cha, chifukwa ine kuti ndizomerezgenge cha muheni.

Yohane 7:51

“Kumbi langulu lidu literuzga munthu kwambura kuti lavwa danga kwaku iyo, ndi laziŵa cho wachita?”

Chiyambo 39:17

ndipo iyo wangumunene makani ghakukozgana, wanguti, “Yo muŵanda muHebere, mweniyo mukutole mukati mwidu, wangusere kwaku ine kuzachindiyuyuwa;

Nthanthi 14:5

Kaboni mukongolekwa kuti wanama cha, kweni kaboni mutesi wapingiya maboza kubwalo.