Chituwa 22:23 - Tonga Bible 1986

²³ Asani mukaŵayuzganga ndipo ŵatindiliriya ine, kwakuneneska ndikavwanga nkhuta yawo;

Chituwa 22:23 Referans Kwoze

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Sumu 18:6

Mu kufinyirizgika kwangu ndingudana ku Ambuya; kwaku Chiuta wangu ndinguliriya chovyo. Kutuliya ku nyumba yake yakupaturika wanguvwa mazu ghangu, ndipo nkhuta yangu yingufika mu makutu ghake.

Jobu 34:28

Viyo wanguchitiska kuti kuriya kwa ŵakavu kufike kwaku iyo, ndipo wanguvwa kuriya kwa ŵakusuzgika.

Marangu 15:9

Chenjini vinu mungaŵa ghanoghono lakuyeya mu mtima yinu ndipo mungati, ‘Chirimika cha chinkhonde ndi chiŵi, chirimika cha chigowoke che pafupi,’ ndipo jiso linu liŵenge liheni kumikana ndi mbali winu mukavu, ndipo mutumupaska kanthu cha, wakamuliriyaninga ku Ambuya, ndipo ulakwi uŵenge kwaku imwe.

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Jobu 35:9

“Chifukwa cha unandi wa vyakuzitiska ŵanthu ŵariya; wadana kuti ŵawovyeke chifukwa cha janja la wanthazi.

Sumu 145:19

Afiska likhumbira laku wose wo ŵati ŵawopa; atuvwa kuliya kwawo ndi atiŵataska.

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Marangu 24:15

Mukamupaskanga mphoto yake pa zuŵa lenilo wamaliya kuteŵeta, dazi lenga lindasere (pakuti ngwakusauka, ndipo wakhumba malipiro), vinu wangakuliriyani ku Ambuya, ndipo mungachita uheni.

Chituwa 22:27

pakuti nchenicho pe chakuvwinkha chake, nchivwalo cha liŵavu lake na wakavwinkhanganji wachigona? Ndipo asani wakaliriyanga kwaku ine, ndikavwanga, pakuti nde wachitima.

Marangu 10:18

Wafiska umampha cheruzgu cha wambura wiske ndi choko. Watanja mlendo wamupaska kurgha ndi vyakuvwala.

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Chitenje 5:3

Taŵa ŵana ŵaranda, ŵamburawuskeu, ŵanyinafwe ŵenge ndi vyoko.