Chituwa 22:1 - Tonga Bible 1986

¹ “Asani munthu waba ng'ombe pamwenga mberere ndipo wayibaya ndi kuyiguliska, wakalipanga ng'ombe zinkhonde pa ng'ombe yimoza ndi mberere zinayi pa mberere yimoza. Wakalipiyangapo; asani walivi kanthu, wakajiguliskanga mweneko pa unkungu wake.

Chituwa 22:1 Referans Kwoze

Luka 19:8

Kweni Zakeyu wanguma, wanguti ku Mbuya, “Awonani Ambuya, chigaŵa cha viŵetu vyangu ndiŵapaska ŵakavu; ndipo asani ndamuphanga yumoza kanthu, ndimwerezgiyapo kanayi.”

2 Samuele 12:6

ndipo wakawerezgiyangapo pa kamberere ka kanayi, chifukwa wachita chinthu ichi, ndipo chifukwa chakuti wengavi lisungu.”

Nthanthi 6:31

Ndipo asani wakoleka, wakalipanga vya kuwerezgapo nkhonde ndi kaŵi; wakapaskanga vinthu vyose vya nyumba yake.

Maŵerengedu 5:7

wakazomeranga uheni wo wachita; ndipo walipe mtengo waku cho wachita, ndikusazgiyapo chimoza cha vigaŵa vinkhonde vya mtengo wo, ndi kupereka kwaku yo wamunangiya.

Nthanthi 14:4

Kweniko kulivi ng'ombe kulivi mbuto; kweni kurgha kwa kuzara kutuza ndi nthazi ya ng'ombe.

Chituwa 21:36

Pamwenga asani kwaziŵikwa kuti ng'ombe yinguziŵiriya kugwaza kale ndipo mweneko waku yo wengavi kuyimanga, wakalipanga ng'ombe pa ng'ombe ndipo nyama yakufwa yikaŵanga yake.

Ezekiele 33:15

asani muheni wawezga ngongoli, wawezga cho wanguba, ndi watenda mu marangu gha umoyo, kuti walakwa cha; kwakuneneska wakaŵanga ndi umoyo, kuti wakafwanga cha.

Yeremiya 2:34

Ndipo so pa viketi vinu pasanirika ndopa za ŵanthu ŵakavu ndi ŵakuchita umampha; mulivi kuŵasaniya ŵachiswa nyumba. Kweni ivi vyose vichiŵa viyo,