Chituwa 21:1 - Tonga Bible 1986

¹ “Sono ivi ndi vyeruzgu vyo ukaŵikanga paurongo pawo.

Chituwa 21:1 Referans Kwoze

Marangu 4:14

Ndipo Ambuya angundinene nyengo yiya kumsambizgani visambizgu kuti muvichitenge mu charu cho mulowokiyamo kwachironda kuŵa chinu.

Marangu 6:20

“Mu nyengo yo yituza penipo mwana winu wakufumbeninge kuti, ‘Kumbi visimikizgu, visambizgu, ndi vyeruzgu vyo Ambuya Chiuta widu wakukulanguliyani ving'anamuwanji?’

1 ŴaTesalonika 4:1

Viyo pakumariya, mwa ŵabali, tiŵeyere ndipo tichiskiya imwe mu Ambuya Yesu, kuti, uli ndimo munguvwiya kwaku ifwe mo mutenere kujariya ndi kukondweske Chiuta, uli ndimo so muchitiya, murutiriyenge kwakukiyakiya.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Malaki 4:4

“Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

Ezekiele 20:25

Pachanya paku cho ndinguŵapaska virunguchizgu vyo kuti vyenga vyamampha cha ndi malangulu mwaku ghenigho kuti ŵangaŵa ndi umoyo cha,

Ezekiele 20:11

Ndinguŵapaska virunguchizgu ndi kuŵarongo malangulu ghangu, ghenigho mukughavwiya munthu wakaŵanga ndi umoyo.

Sumu 147:19

Wapaska makani ghake kwaku Yakobe, virunguchizgu ndi marangu ghake kwaku Yisraele.

Nehemiya 10:29

ŵasere kuŵa pamoza ndi ŵabali ŵawo, ŵaraŵara ŵawo ndipo ŵasere muthembu ndi rapu kwachenda mu dangu laku Chiuta lenilo lingupaskika ndi Mosese mteŵeti waku Chiuta, kuphwere kuchita malamulu gha Ambuya widu ndi malangulu ghake ndi vyeruzgu vyake.

2 Mikoka 19:10

Penipo pose mlando utuza kwinu wa ŵabali ŵinu wo ŵaja mu misumba yawo, pa wakudiska ndopa wa dangu, pamwenga langulu, pamwenga vipangizgu, ndi vyeruzgu, muŵarangenge kuti ŵareke kulakwiya Ambuya alinga kuti angamusiskiyani kandundu, imwe ndi ŵabali ŵinu. Muchitenge viyo, ndipo kuti muŵenge ndi kalema cha.

1 ŴaKaronga 6:12

“Ghapa nyumba iyi yo iwe uzenga, asani wendenge mu marangu ghangu, kuvwiya vyeruzgu vyangu, kusunga malangulu ghangu ndi kwenda mwaku gho, po ndipo ndikafiskanga mazu ghangu ndi iwe, gho ndingukamba ndi Davidi ausu.

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Marangu 5:31

Kweni iwe, ume panu ndi ine, ndipo ndikuneniyenge marangu ghose, ndi vipangizgo ndi meruzgidu ghenigho ukaŵasambizganga kuti ŵaghachite mu charu cho ndiŵapska kuŵa chawo.’

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Marangu 4:45

Ivi ndivyo makani ndi vilayizgu, ndi vyeruzgu vyenivyo Mosese wangukambiya ŵana ŵaku Yisraele pavuli pa kutuwa kwawo mu Egipiti.

Marangu 4:8

Ndipo so palivi mtundu ukuru wa ŵanthu ŵendi visambizgo ndi vyeruzgu vya urunji nge ndi dangu lose ili, lenilo ndimika panthazi pinu msana wale?

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Maŵerengedu 36:13

Yagha ndi marangu ndi vyeruzgu vyo Ambuya angulanguliya Mosese pa ŵaYisraele mu vidika vya Moabu pafupi ndi Yordane pa Yeriko.

Maŵerengedu 35:24

wumba weruzgenge pakati pa mubaya munthu ndi muwezge nduzga ndopa, kwakulingana ndi vyeruzgu ivi,

ŴaLevi 20:22

“Chifukwa cho mukasunganga malangulu ghangu ghose ndi vyeruzgu vyangu vyose, ndi kuvichita, alinga kuti charu cho nditumutoliyaniko kwachijamo chireke kumuwukuwani.

ŴaLevi 19:37

Ndipo musungenge malangulu ghangu ghose ndi vyeruzgu vyangu vyose, ndi kuvichita. Ndine Ambuya.”

ŴaLevi 18:26

Kweni imwe mukasunganga malangulu ghangu ndi marangu ghangu. Mureke kuchita nanga nchimoza cha maukazuzi yagha, manyi ndi mwenicharu pamwenga mlendo wakutandala mukati mwinu

ŴaLevi 18:5

Chifukwa cho mukasunganga malangulu ghangu ndi marangu ghangu gho munthu pakughachita wakaŵanga ndi umoyo: Ndine Ambuya.

Chituwa 19:7

Viyo Mosese wanguza ndi wangudana ŵaraŵara ŵa ŵanthu wo, ndipo wangukamba paurongo pawo mazu yagha ghose ghenigho Ambuya angumulanguliya.

Marangu 15:12

“Asani mbali winu, muHebere munthurumi, pamwenga munthukazi waguliskika kwinu, wakakuteŵetiyaninga virimika vinkhonde ndi chimoza, ndipo mu chirimika cha chinkhonde ndi chiŵi, mukamulekanga, warutenge kwawanangwa.