Chituwa 20:7 - Tonga Bible 1986

⁷ “Ungazumbuwanga sina la Ambuya Chiuta wako kwa ŵaka cha; pakuti Ambuya kuti akamurekanga wambura kalema cha yo wazumbuwa ŵaka zina la wo.

Chituwa 20:7 Referans Kwoze

Marangu 5:11

“ ‘Ungazumbuwanga waka zina la Ambuya Chiuta wako, chifukwa Chiuta wampimenge wambura kalema cha, yo wazumbuwa waka zina lake.

ŴaLevi 19:12

Mungarapanga ndi zina langu kwakupusika cha, kukazuzga zina laku Chiuta winu: Ndine Ambuya.

Yakobe 5:12

Kwakuruska vyose, mwa ŵabali, mungarapanga cha, chingana ndi kuchanya, chingana ndi charu, chingana ndi rapu lose lamwenga: kweni inya winu wawe inya mbwenu, ndi cha winu, cha; kuti mungawanga pasi pa cheruzgu cha.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Yoswa 9:20

Cho tikaŵachitiyanga ndi ichi, Tikaŵasiyanga ŵamoyo, vinu ukari ungaŵa paku ifwe, chifukwa cha rapu lo tinguŵarapiya.”

Yoswa 2:17

Ŵanthurumi ŵa, ŵangunena nayo, “Tikaŵanga ŵambura kafukwa pachifukwa cha rapu lo watirapiska.

Yoswa 2:12

Iku sono, mundirapiye ku Ambuya kuti nge ndimo ndamuchitiyani wezi, namwe so muchitiye wezi nyumba ya ada, mundipaske chisimikizgu cha uneneska,

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.

Marangu 10:20

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

2 ŴaKorinte 1:23

Kweni ndidana Chiuta ndi kaboni pa umoyo wangu, kuti pakopa kumsuzgani ndingureka kuza ku Korinte,

1 ŴaKaronga 2:9

Viyo ungamulereskanga nge ngwambura kalema cha, pakuti ndiwe munthu wazeru; ukaziŵanga nchine ungwenere kuchita nayo, ndipo ukasiskiyanga nyivu zake ku muunde ndi ndopa.”

Marangu 6:13

Muŵawope Ambuya Chiuta winu, ndi kuŵateŵete, ndi kurapa ndi zina lawo.

2 ŴaKaronga 5:20

Gehazi mteŵeti waku Elisha munthu waku Chiuta, wanguti, “Awonani, mbuyangu wamufwatuwa ŵaka Namani mu Siriya uyu pakureka kurondako vyo wanguza navyo. Mo aliri amoyo Ambuya, ndikamuchimbiriyanga, kwachirondako kanthu kwaku iyo.”

Sumu 139:20

wo ŵakamba vya kupusa paku imwe; wo ŵayuka kumikana namwe.

Yeremiya 34:16

kweni pavuli mungugadabuka so ndi mungukazuzga zina langu, penipo we yose waku imwe wanguko so muŵanda wake munthurumi ndi munthukazi; ŵeniwo munguŵafwatuwa kwakuyana ndi kukhumba kwawo, ndipo munguŵawezga kuŵa ŵaŵanda ŵinu.

Ezekiele 39:7

“Ndipo zina langu lituŵa ndikalivumbuwanga mukati mu ŵanthu ŵangu ŵaYisraele, kuti ndizomerezgenge so cha kuti zina langu lifipiskike, sono mitundu yikaziŵanga kuti ine ndine Ambuya, Mtuŵa Yumoza mwaku Yisraele.

Chiyambo 27:20

Kweni Yisaki wanguti ku mwana wake, “Kwachita uli pakuti wayisaniya viyo ruŵiruŵi, wa mwana wangu?” Iyo wangwamuka kuti, “Chifukwa Ambuya Chiuta winu wangundipaska mwaŵi.” Sono Yisaki wanguti kwaku Yakobe,

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.