Chituwa 20:5 - Tonga Bible 1986

⁵ kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Chituwa 20:5 Referans Kwoze

Maŵerengedu 14:18

‘Ambuya mbakukunthiyapo ndi alisungu likuru, akugowoke kwananga ndi maphuru, kweni kuti akamlekanga waka cha pa nthowa ye yose wa mrandu, ndiwo ŵakulanga ŵana chifukwa cha kwananga kwa auskeu, mpaka ku migonezi wa chitatu ndi wa chinayi.’

Marangu 5:9

Ungavilambiyanga chingana nkhuvitataliya, chifukwa ine, Ambuya Chiuta wako, nde Chiuta wa sanji, wakusiskiya uheni wa auskeu pa ŵana mpaka mgonezi wa chitatu ndi wachinayi wakuŵeniwo ŵatinditinkha,

Marangu 4:24

Chifukwa Ambuya Chiuta winu ndi wakunyeka, Chiuta wa sanji.

Chituwa 34:14

(pakuti kuti mukasopanga so chiuta munyake cha, pakuti Ambuya, Yo zina lake ndi Sanje, ndi Chiuta wa sanje),

Yoswa 24:19

Kweni Yoswa wangunena nawo, “Kuti mungaziŵa kutataliya Ambuya cha; pakuti ndi Chiuta mtuŵa; ndi Chiuta wasanje; kuti wakagowokiyanga maubendezi ghinu pamwenga vilakwa vinu cha.

Sumu 109:14

Ambuya akumbuke kubende kwa awiske, uheni wa anyina ureke kugowokereka.

Yoswa 23:7

kuti mureke kusazgikana ndi mitundu iyi yasiyika mukati mwinu, pamwenga kuzumbuwa mazina gha ŵachiuta ŵawo nanga nkhurapiya mwaku wo, pamwenga kuŵatataliya, nanga nkhu ŵajikamiya,

Marangu 6:15

vinu ukari wa Ambuya Chiuta winu ungakole kumikana namwe, ndi kumumarani kumutuzgani pa charu, pakuti Ambuya chiuta widu, yo we mukati mwinu, ndi Chiuta wasanji.

Nahumu 1:2

Ambuya ndi Chiuta wasanji ndi wakuwezge thayu, ndi wakukaripa, Ambuya awezge thayu pa ŵakupindikana ŵawo, ndipo aŵikiya ukari pa ŵarwani ŵawo.

Yeremiya 32:18

Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,

Maŵerengedu 14:33

Ndipo ŵana ŵinu ŵakaŵanga ŵaliska mu bozwa virimika machumi ghanayi, ndipo ŵakasuzgikanga chifukwa cha mauyaghayagha ghinu, mpaka penipo viŵanda vinu vyamaliya mu bozwa,

Sumu 79:8

Rekani kusuzga ifwe pa uheni wa auskefwe, kweni tichitiyeni lisungu le, chifukwa tasiskikiya pasi ukongwa.

Chituwa 23:24

mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

ŴaRoma 8:7

Viyo munthu watuŵa wamawongo waku Chiuta penipo vinjeru vyake virongozgeka ndi vinthu vyo kaŵiro kake ka unthu kakhumba; chifukwa kuti wavwiya langulu laku Chiuta cha, ndipo kwakuneneska kuti wangalivwiya cha.

ŴaRoma 1:30

ŵakusuza, ŵakutinkha Chiuta, ŵaphuzu, ŵajanu, ŵakhakatu, ŵakwata viheni, ŵakutafuliya ŵapapi ŵawu,

Yeremiya 2:9

“Chifukwa ichi ndeche kulimbana namwe, atiti Ambuya, ndikalimbananga ndi ŵana ŵa ŵana ŵinu.

Yesaya 44:19

Palivi yumoza wakughanaghana, chingana nkhuti pe zeru pamwenga kuteska kunena kuti, “Chigaŵa chimoza ndinguwocha pa moto, ndipo ndinguwocha chiŵande pa maka ghake, ndinguwocha nyama ndipo ndargha ndipo kumbi ndichitenge vyakujapo vyake kuŵa ukazuzi? Kumbi ndikajikamiyanga paurongo pa muti?”

Yesaya 44:15

Pavuli utumuŵiya munthu nkhuni, watopo maka ghanyake watotha, wapemba moto ndi watocha chiŵande, ndipo so wapanga chiuta ndi watimusopa, watichichita kuŵa changoza ndi watichilambiya.

Sumu 81:15

Wose ŵakutinkha Ambuya mphanyi ŵangugwada paurongo pawo; kulangika kwawo kurutiliye mpaka muyaya.

Jobu 5:4

Ŵana ŵake ŵe kutali ndi kuphokwa, ŵaphwanyika pa likomo, ndipo palivi yumoza wakuŵataska.

2 ŴaKaronga 23:26

Ndipuuli Ambuya ŵengavi kutuwako mbwenu ku ufyu wa ukari wawo ukuru weniwo angukaraliya paku Yuda chifukwa cha kukaripiskika kose ko Manase wanguŵakaripiska nako.

2 ŴaKaronga 17:35

Ambuya anguchita nawo phanganu, anguŵalanguliya kuti, “Kuti mopenge ŵachiuta ŵanyake cha kuŵalambiya iwo pamwenga kuŵateŵete pamwenga kuŵachitiya sembe,

1 ŴaKaronga 21:29

“Kumbi wawona mo wajiyuyuliya Ahabu paurongo pangu? Chifukwa chakuti wajiyuyuwa, kuti ndikatolenga suzgu yo mu mazuŵa ghake cha, kweni mu mazuŵa gha ŵana ŵake ndikatolenga suzgu yo pa nyumba yake.”

2 Samuele 21:6

tipempha tipaskeni mu ŵana ŵake ŵanthurumi ŵankhonde ndi ŵaŵi mwakuti tiŵapayike pa maso pa Ambuya pa Gibeoni pa phiri la Ambuya.” Ndipo karonga wanguti, “Ndiŵaperekenge.”

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

Marangu 32:21

Ŵandiyuskiya ine ku sanji paku cho kuti ndi chiuta cha. Ŵandisosomo ndi ŵangoza ŵawo. Viyo ine ndikaŵayuskiyanga ku sanji ndi wo kuti mbanthu cha. Ndikaŵasosomonga ndi mtundu wakupusa.

Marangu 7:10

Ndi kuŵawezge thayu pa maso pawo ŵeniwo ŵatimutinkha, pakuŵaparghang'a, kuti wakazuwulikanga cha ndiyo watimutinkha, wakamuwezgiyanga thayu pa maso pake.

ŴaLevi 26:29

Mukarghanga munofu wa ŵana ŵinu ŵanthurumi ndi ŵana ŵinu ŵanthukazi.

ŴaLevi 26:1

“Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

ŴaLevi 20:5

iku ine ndikarwananga ndi munthu yo ndi ŵamu nyumba yake. Ndikamudumuwangako ku ŵanthu ŵake, munthu yo ndi wose ŵakumurondo pakuchita ureŵi ndi Moleke.

1 ŴaKorinte 10:22

Pamwenga tisosomole Mbuya ku sanji, kumbi? Kumbi te ŵanthazi ifwe kwakuruska iyo?

Yohane 15:18

“Asani charu chitukutinkhani ziŵani kuti chadanga chitinkha ine, chenga chindatinkhe imwe.

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Mateyu 4:9

ndipo wangunena nayo, “Vyose ivi ndikupaskenge, asani uwenge pasi ndi kundilambiya.”

Danyele 1:2

Ndipo Ambuya angupereka Yehoyakimu karonga waku Yuda mu janja lake, pamoza ndi viyaŵi vinyake vya nyumba yaku Chiuta. Wanguvitole ku charu cha Shinara, mu nyumba yaku chiuta wake; ndi wanguviŵika viyaŵi mu malo ghakusungiyamo usambasi waku Chiuta wake.

Ezekiele 8:3

Ndipo wangutambaruwa kawonekero ka janja, wangundiko sisi lapa mutu wangu; ndipo Mzimu ungundisoske pachanya pakati pa charu chapasi ndi kuchanya, wangunditore mu viwonesko vyaku Chiuta ku Yerusalemu, pakuselere pa likomo la luluwa la mukati lo lilereska ku nkhonde, ko kwenga chitengo cha chikozgu cha sanji, cho chisosomole ku sanji.

Nthanthi 8:36

kweni yo wapambana nane watijipweteka mweneko, wose ŵeniwo ŵatinkha ine ŵatanja nyifwa.”

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

Jobu 21:19

Imwe mutiti, Chiuta wawunjikiya ŵana ŵa munthu chilangu cha ubendezi wake. Kweni wakwenere kuŵachitiya yiwo ŵeneko kuti ŵachiziŵe.

2 Mikoka 25:14

Amaziya wanguti weweko kukubaya ŵaEdomu wanguza ndi ŵachiuta ŵa ŵanthu ŵaku Seiri, ndi wanguŵamika kuŵa ŵachiuta ŵake, ndi wanguŵasopa, wakupereka mpasku kwaku wo.

2 ŴaKaronga 17:41

Viyo mitundu iyi Ambuya, ndipo so yinguteŵete ŵangoza ŵawo ŵakusemeka; ŵana ŵawo nawo pamoza ndi ŵazuku ŵawo viyo ndimo ŵanguchitiya auskeu, viyo so ndimu iwo ŵeche kuchitiya mpaka zuŵa lino.

Ŵeruzgi 2:19

Kweni penipo pose wangufwa mweruzgi yo, iwo ŵanguwere vuli, ŵangutimbanizga kujumpha pa auskeu kundondoloska ŵachiuta ŵanyake, kuŵatataliya, ndi kuŵalambiya; ŵengavi kutaya pasi nanga nchimoza cha vyakuchita vyawo pamwenga nthowa zawo zinonono.

Yoswa 23:16

asani mukarengeskanga phanganu la Ambuya Chiuta winu, lo wangukulanguliyani, kuruta ndi kuteŵete achiuta ŵanyake ndi kuŵajikamiya wo, penipo ndipo ukari wa Ambuya ukakolenga paku imwe, ndipo mukafwanga ruŵi mu charu chamampha ichi cho wakupaskani.”

Marangu 32:41

Asani ndinora lipanga langu lakung'anima, ndipo janja langu liko cheruzgu, penipo ndikachitanga thayu pa ŵarwani ŵangu, ndipo ndikaŵawerezgiyangapo ŵakunditinkha.

Yohane 9:2

Ndipo ŵasambizi ŵake ŵangumfumba, ŵakuti, “Msambizgi, wangulakwa njani, mwenuyu pamwe ŵapapi ŵake, kuti wanguwa wachiburumutiya?”

Marangu 5:10

nde wakuchitiya lisungu ku vikwi vyaku ŵeniwo ŵatindanja ndi wo ŵasunga marangu ghangu.

1 ŴaKaronga 19:10

Wanguti, “Ndachitiya sanje weniukongwa Ambuya, Chiuta wa maŵanja; pakuti ŵaYisraele ŵajowo phanganu linu, ŵabwangandukiya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija ndajako, ndipo ŵapenja umoyo wangu, kuti akoso.”

Ezekiele 18:19

“Kweni ndipuuli imwe mutiti, ‘Warekiyengenji kusuzgika mwana pa chifukwa cha uheni wa awiske?’ Asani mwana wachita cho nchadangu ndi chakurunjika, ndipo waŵa wakuphwere kusunga virunguchizgu vyangu vyose, nadi wakajanga ndi umoyo.

Ezekiele 20:7

Ndinguŵanene kuti, tayani kutali vinthu vyakutinkhika vyo maso ghinu ghakorokwa navyo, yose waku imwe, ndipo rekani kujikazuzga ndi ŵangoza ŵaku Egipiti; ine ndine Ambuya Chiuta winu.

Ezekiele 39:25

“Chifukwa cho Ambuya Chiuta atiti: Le ndikawezganga ma umampha ghaku Yakobe, ndi kuŵa walisungu ndi nyumba yose yaku Yisraele; ndikachitiyanga sanji zina langu lituŵa.

Maŵerengedu 25:11

“Finehasi mwana waku Eleazara, mwana waku Aroni mzukuru, wawezge vuli ukari wangu pa ŵaYisraele, pakuti wenga ndi sanji mu malo mwa sanji yangu mukati mwawo, kuti ndireke kuŵamara ŵaYisraele mu sanji yangu.

2 ŴaKaronga 5:18

Mu makani yagha mphanyi Ambuya agowoke mteŵeti wako, penipo mbuyangu wasere mu nyumba yaku Rimoni kwachisopa muwa, kuyegeme pa janja langu, ndipo ine ndichiko tamiya pasi mu nyumba yaku Rimoni, po ndikotamiya pasi mu nyumba yaku Rimoni, Ambuya agowoke mteŵeti wako mu makani yagha.”

2 ŴaKaronga 5:27

Chifukwa cho makhate ghaku Namani ghakaniliyenge mwako, ndi kumphapu yako muyaya.” Viyo wangutuwa pa maso ghake wa makhate, ghakutuwa uli ndi matalala.

2 Mikoka 7:19

Kweni asani urazga kunyake, kureka vipangizgu vyangu ndi marangu ghangu vyo ndaŵika paurongo pako, ndi kuruta kwa chiteŵete ŵachiuta ŵanyake ndi kuŵasopa iwo,

Ezekiele 18:2

“Ung'anamuwanji pakuwerezgapo ntharika iyi ya kunena ndi charu cha Yisraele, kuti, Auskefwe ŵargha vipasi vya kunthyanthyama, ndipo minyu gha ŵana ghafwa uyeyera?

Danyele 3:18

Ndipo nanga kuti kungaŵa viyo cha, imwe karonga muziŵe kuti tikateŵetiyanga ŵachiuta ŵinu cha chingana nkhusopa chikozgu cho mwamika.”