Chituwa 20:4 - Tonga Bible 1986

⁴ “Kuti ukajichitiyanga ngoza wakusemeka cha, pamwenga chikozgo cha kanthu kose ko ke mu machanya, pamwenga pa charu chapasi, pamwenga ko ke mu maji ghamu charu chapasi;

Chituwa 20:4 Referans Kwoze

ŴaLevi 26:1

“Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

Marangu 5:8

“ ‘Ungazichitiya ngoza wakusemeka, chingana, nchikozgo cha kanthu kose kamu machanya, chingana nkhamu charu pasi, chingana nkhamu maji pasi pa charu.

Sumu 97:7

Wose ŵakusopa vikozgo ŵachita soni, wose wo ŵatijikuzga mu ŵangoza ŵawo; ŵachiuta wose ŵajikama pa maso pawo.

ŴaLevi 19:4

Mungang'anamukiyanga ku ŵangoza pamwenga kujisongonole ŵachiuta cha: Ndine Ambuya Chiuta winu.

Machitidu gha Ŵakutumika 17:29

“Pakuŵa viyo mbumba yaku Chiuta, tingarunguruka cha kuti Uchiuta wo ukozgana ndi golide pamwenga siliva pamwenga mwa, wakusemeka ndi chinjeru ndi njeza ya munthu.

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

Chivumbuzi 16:2

Ndipo wakudanga yo wanguruta, wangupunguliya mbali yake pa charu; ndipo chironda chiheni chamaŵika chinguŵa pa ŵanthu wo ŵenga ndi lisimbu la chikoku cho, ŵeniwo ŵalambiyanga chikozgu chake.

ŴaRoma 1:23

ndipo ŵangusanduska unkhankhu waku Chiuta wambura kuwo ku ngoza wakulinganizgika ndi munthu yo wawo, ndi viyuni, ndi vya marundi ghanayi, ndi vyakukwaŵa.

Yesaya 45:16

Wose ŵalengeskeka ndi ŵatimbanizgika, ŵakuchita ŵangoza ŵatimbanizgikiya pamoza.

Yesaya 42:8

Ndine Ambuya, lo ndilo zina langu; unkhankhu wangu kuti ndipaska ku munyake cha, pamwenga chisopo changu ku ŵangoza ŵakusongono.

Ezekiele 8:10

Viyo ndingusere, ndinguwona; pa chimati pangusimbika kwakuzunguliya, panguŵa vyakukwaŵa vyose vyakupambana-pambana, ndi vinyama vya ukazuzi, ndi ŵangoza wose ŵa nyumba yaku Yisraele.

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;

Yesaya 42:17

Wakawezgekiyanga kuvuli ndi kulengeskeka kwakufikapo, ŵeniwo ŵagomekezga mu ŵangoza ŵakusemeka, ŵeniwo ŵatiti ku ŵangoza ŵakwenguwa, “Mwe ŵachiuta ŵidu.”

2 Mikoka 33:7

Ndipo ngoza wakusema chikozgo cho wanguchita, wanguŵika mu nyumba yaku Chiuta yeniyo Chiuta wangukamba kwaku Davidi ndi kwaku Solomoni mwana wake, “Mu nyumba iyi ndi mu Yerusalemu yo ndasankha mukati mu mafuko ghose ghaku Yisraele, ndiŵikengemo zina langu muyaya;

1 ŴaKaronga 12:28

Viyo karonga wanguchita upu, ndipo wanguchita mathole ghaŵi gha golide. Ndipo wanguti ku ŵanthu, “Mwakwere ku Yerusalemu nyengo yitali ukongwa: Awonani ŵachiuta ŵinu, Yisraele we, ŵeniwo ŵangukutuzgani mu charu cha Egipiti.”

Chituwa 34:17

“Mungajichitiyanga ŵachiuta ŵa mkuŵa nanga mba golide cha.

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”

Chituwa 32:23

Pakuti ŵanguti kwangu, ‘Utichitiye ŵachiuta, wo ŵakatidajiriyanga, pakuti uyu Mosese munthu mweniyo wangutitole kuno kutuwa mu charu cha Egipiti, kuti tiziŵa cha cho chamuwiya.’

Chituwa 32:8

Ŵapatuka ruŵi-ruŵi kutuwa mu nthowa yo ndinguŵalanguliya ŵajichitiya thole la ng'ombe yakuwumbika, ndipo ŵalilambiya ndi ŵalipaska sembe, ndipo ŵakati, ‘Yaŵa mbachiuta ŵinu, mwa ŵaYisraele ŵeniwo ŵangumutoliyani kuno kutuwa mu charu cha Egipiti.’ ”

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Ŵeruzgi 17:3

Ndipo wanguwezge vya siliva chikwi ndi machumi pe chumi (1,100) ku nyina; ndipo nyina wanguti, “Ndipatuliya uyu ku Ambuya kutuwa ku janja langu, kuti mwana wangu wachitiye ngoza wakusema ndi ngoza wakusongono; chifukwa cho sono ndikamuwezgiyanga kwako.”

2 ŴaKaronga 17:12

ŵangutataliya ŵangoza, ŵeniwo Ambuya anguŵanene kuti, “Mungachitanga ichi cha.”

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

Ezekiele 8:3

Ndipo wangutambaruwa kawonekero ka janja, wangundiko sisi lapa mutu wangu; ndipo Mzimu ungundisoske pachanya pakati pa charu chapasi ndi kuchanya, wangunditore mu viwonesko vyaku Chiuta ku Yerusalemu, pakuselere pa likomo la luluwa la mukati lo lilereska ku nkhonde, ko kwenga chitengo cha chikozgu cha sanji, cho chisosomole ku sanji.

Ezekiele 20:7

Ndinguŵanene kuti, tayani kutali vinthu vyakutinkhika vyo maso ghinu ghakorokwa navyo, yose waku imwe, ndipo rekani kujikazuzga ndi ŵangoza ŵaku Egipiti; ine ndine Ambuya Chiuta winu.

Chituwa 20:23

Kuti mukachitanga ŵachiuta ŵa siliva cha kuŵa pamoza nane, chingana nkhujichitiya ŵachiuta ŵa golide cha.

Chituwa 32:4

Ndipo wanguronda golide ku manja ghawo, ndipo wanguchita ndi chidya chakuzotole wangwenguwa, ndi wanguchita thole la ng'ombe. Ndipo wanguti, “Yaŵa ndiwo ŵachiuta ŵinu mwa ŵaYisraele, wo wangumutoliyani kuno kutuwa mu charu cha Egipiti.”

Marangu 16:22

Ndipo mungamikanga mzati wo Ambuya Chiuta winu watinkha.