Chituwa 20:3 - Tonga Bible 1986

³ “Kuti ukajanga ndi ŵachiuta ŵanyake pa maso pangu cha.

Chituwa 20:3 Referans Kwoze

Marangu 5:7

“ ‘Ungajanga ndi ŵachiuta ŵanyake pa maso pangu.

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Sumu 81:9

Mungateŵetiyanga chiuta wa chilendo cha, pamwenga kusopa so Chiuta wa kuchiri kunyake.

Yesaya 46:9

kumbukani vinthu vyakudanga vya mwaka; chifukwa ndine Chiuta, ndipo kulivi so munyake; ndine Chiuta ndipo kulivi nanga njumoza wakukozgana nane,

Marangu 6:5

ndipo mwanjenge Ambuya Chiuta winu, ndi mtima winu wose ndi umoyo winu wose ndi nthazi zinu zose.

Yeremiya 25:6

mungarondonga ŵachiuta ŵanyake kuŵatataliya ndi kuŵasopa, pamwenga kundisosomole ku ukari ndi nchitu za manja ghinu. Po ndipo kuti ndikuchitiyeninge uheni cha.’

Marangu 6:14

Mungarondonga ŵachiuta ŵanyake, ŵachiuta ŵa ŵanthu wo ŵakukuzungulizgani;

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

ŴaKolose 2:18

mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

Yesaya 26:4

Gomekezgani mu Ambuya muyaya, pakuti Ambuya Chiuta ndi jarawe la muyaya.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Chituwa 20:23

Kuti mukachitanga ŵachiuta ŵa siliva cha kuŵa pamoza nane, chingana nkhujichitiya ŵachiuta ŵa golide cha.

Yesaya 44:8

Mungopanga cha, chingana nkhufipa mtima; kumbi ndilivi kumuneniyani kutuwa ku vya mwaka ndi kuvitaula? Imwe mwe ŵakaboni ŵangu! Kumbi pe chiuta munyake pade paku ine? Palivi Jarawe, ine ndindaliziŵe nanga ndimoza.”

Yesaya 43:10

“Mwe ŵakaboni ŵangu,” atiti Ambuya, “ndi ŵateŵeti ŵangu wo ndasankha, alinga muziŵe ndi kuvwana nane ndi kuwamo kuti ndine Iyo. Paurongo pangu palivi kuumbika chiuta, chingana nkhuti kukaŵangako munyake so pavuli pangu.

Sumu 73:25

Kumbi nde ndi yani kuchanya kweni imwe pe? Ndipo po ndendi imwe, kwe yani so munyake mu charu chapasi?

Sumu 29:2

Paskani ku Ambuya unkhankhu wa zina lawo; gwadiyani Ambuya mu utozi ndi utuŵa.

Chivumbuzi 22:9

Ndipo wali kwaku ine, “Awa, na! Ndine muŵanda munyako ndi so wa ŵabali ŵako ŵamchimi wo, ndi waku wo Wasungirizga mazu gha buku lenili. Mlambiye Chiuta.”

1 ŴaKorinte 8:4

Viyo kuchiri ku chakurgha cha vyakubayikiya vyangoza tiziŵa kuti, “Changoza kuti nkhanthu cha mu charu,” ndipo kuti, “Palive chiuta kweni yumoza pe.”

Chituwa 32:8

Ŵapatuka ruŵi-ruŵi kutuwa mu nthowa yo ndinguŵalanguliya ŵajichitiya thole la ng'ombe yakuwumbika, ndipo ŵalilambiya ndi ŵalipaska sembe, ndipo ŵakati, ‘Yaŵa mbachiuta ŵinu, mwa ŵaYisraele ŵeniwo ŵangumutoliyani kuno kutuwa mu charu cha Egipiti.’ ”

Chituwa 34:14

(pakuti kuti mukasopanga so chiuta munyake cha, pakuti Ambuya, Yo zina lake ndi Sanje, ndi Chiuta wa sanje),

Yesaya 42:8

Ndine Ambuya, lo ndilo zina langu; unkhankhu wangu kuti ndipaska ku munyake cha, pamwenga chisopo changu ku ŵangoza ŵakusongono.

Yeremiya 7:9

Kumbi mukabanga, mukabayanga, mukareŵanga, mukarapanga kwa utesi, mukawochiyanga Bala sembe, ndi kurondo ŵachiuta ŵanyake wo mulivi kuŵaziŵapo,

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Chituwa 22:19

“We yose wakura ndi nyama wakabayikanga.

Chituwa 23:24

mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

Ŵeruzgi 6:10

Ndipo ndinguti, ‘Ine ndine Ambuya Chiuta winu; mureke kugwadiya ŵachiuta ŵa Amori, ŵeniwo muja mu charu chawo.’ Kweni imwe kuti mwaphwere mazu ghangu cha.”

1 ŴaKaronga 11:4

Chifukwa penipo Solomoni wangukota ŵawoli ŵake ŵangupuruskiya mtima wake kukurondo ŵachiuta ŵamwenga; ndipo mtima wake kuti wenga wakuneneska kwakufikapo cha ku Ambuya Chiuta wake, nge ndi mo wenge mtima waku Davidi awiske.

Sumu 81:10

Ndine Ambuya, Chiuta winu, yo wangumutuzgani mu charu cha Egipiti. Yasamani mlomo, ndipo ndikamuliskaninga.

Danyele 3:18

Ndipo nanga kuti kungaŵa viyo cha, imwe karonga muziŵe kuti tikateŵetiyanga ŵachiuta ŵinu cha chingana nkhusopa chikozgu cho mwamika.”