Chituwa 20:2 - Tonga Bible 1986

² “Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Chituwa 20:2 Referans Kwoze

Marangu 5:6

“ ‘Ndine Ambuya Chiuta wako, yo wakutuzga mu charu cha Egipiti, mu nyumba ya uŵanda.

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

ŴaLevi 26:13

Ndine Ambuya Chiuta winu, yo wangukutuzgani mu charu cha Egipiti kuti mureke kuŵa ŵaŵanda ŵawo. Ine ndafyo mpiringizgu ya gori linu kuti mwende kwakunyoroka.

Sumu 81:10

Ndine Ambuya, Chiuta winu, yo wangumutuzgani mu charu cha Egipiti. Yasamani mlomo, ndipo ndikamuliskaninga.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

ŴaLevi 19:36

Muŵenge ndi vyakupima vyambura kupusika, mweso wakuneneska pakwesa vyakurgha ndi vyakumwa. Ndine Ambuya Chiuta winu, yo wangukutuzgani mu charu cha Egipiti.

Marangu 7:8

Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

ŴaLevi 23:43

alinga kuti migonezi yinu yiziŵe kuti ndine ndingulanguliya ŵaYisraele kuja mu misasa, ndinguti ndaŵatuzga mu charu cha Egipiti. Ine ndine Ambuya Chiuta winu.”

Marangu 15:15

Mukakumbukanga kuti mwenga ŵaŵanda mu charu cha Egipiti, ndipo Ambuya Chiuta winu wangumuwomboni, viyo ndimulanguliyani dangu ili zuŵa ili.

Marangu 13:10

Mukamupong'anga mya kuti wafwe, chifukwa wapenjanga kumunyengani kuti muŵareke Ambuya Chiuta winu, yo wakumutuzgani mu charu cha Egipiti mu nyumba ya uŵanda.

ŴaLevi 26:1

“Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Sumu 50:7

“Avwani, mwa ŵanthu ŵangu, ndipo ndikambenge, wa Yisraele, ndipanikizgiyenge paku iwe. Ine ndine Chiuta, Chiuta wako.

ŴaRoma 10:12

Chifukwa mphambanu palive pakati pa muYuda ndi muGriki chifukwa yumoza iyo ndi Mbuya waku wose, msambasi kwaku wose ŵakudaniya paku iyo:

ŴaRoma 3:29

Pamwenga kumbi Chiuta ngwa ŵaYuda pe? Asi ngwa ŵaMitundu nawo? Inya, ngwa ŵaMitundu so;

Yeremiya 31:1

“Pa nyengo yeniyiya, atiti Ambuya, ndikaŵanga Chiuta wa mbumba zose zaku Yisraele, ndipo iwo ŵakaŵanga ŵanthu ŵangu.”

2 Mikoka 28:5

Mu chifukwa ichi Ambuya Chiuta wake wangumpereka mu janja la karonga waku Siriya, mweniyo wangumpunda ndi wanguko umkoli ŵanthu ŵake ŵanandi ndi ŵanguŵatole ku Damasko. Wanguperekeka so ku janja la karonga waku Yisraele mweniyo wangumpunda ndi wangubaya ŵanthu ŵake ŵanandi.

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Chituwa 15:13

“Mwarongozga ŵanthu ŵinu mu chifundu chinu; ŵanthu ŵeniwo imwe mwawombo, mwaŵarongozga ndi nthazi yinu kuya ku chakujamo chinu chakupaturika.

Chituwa 15:16

Chofyu ndi chitenthe vyaŵa paku wo; chifukwa cha ukuru wa janja linu, ŵachetama ulaka ndi mwa, mpaka penipo ŵanthu ŵaporotamo Ambuya, mpaka ŵanthu ŵinu ŵaporota wo mwagula.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Chituwa 20:1

Ndipo Chiuta wangukamba mazu ghagha ghose kuti,

Chituwa 29:46

Ndipo ŵakaziŵanga kuti ndine Ambuya Chiuta wawo, mweniyo wanguŵatuzga mu charu cha Egipiti alinga kuti ndizije mukati mwawo. Ndine Ambuya Chiuta wawo.

ŴaLevi 11:45

Pakuti Ine nde Ambuya wo angukutuzgani mu charu cha Egipiti, kuŵa Chiuta winu; chifukwa chenichi mukaŵanga ŵatuŵa, pakuti Ine nde mtuŵa.”

Ŵeruzgi 2:1

Sono mungelo wa Ambuya wangukwera kutuwa ku Gilgala kuya ku Bokimu. Ndipo wanguti, “Ndingumutoni mu Egipiti, ndinguza namwe mu charu ichi, cho ndingurapiya kupaska ku auskemwe. Ndinguti kuti ndikaswanga cha phanganu langu ndi imwe,

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yeremiya 16:14

“Chifukwa ehe, mazuŵa ghakazanga, atiti Ambuya, penipo ŵanthu kuti ŵazamurapa so cha, kuti, ‘Nge ndimo aliri amoyo Ambuya ŵeniwo ŵangutuzga ŵaYisraele mu charu cha Egipiti,’

Yeremiya 34:13

“Viyo atiti Ambuya, Chiuta waku Yisraele: Ndinguchita phanganu ndi auskemwe penipo ndinguŵatuzga mu charu cha Egipiti, kutuwa ku nyumba ya uŵanda, ndinguti,

Ezekiele 20:7

Ndinguŵanene kuti, tayani kutali vinthu vyakutinkhika vyo maso ghinu ghakorokwa navyo, yose waku imwe, ndipo rekani kujikazuzga ndi ŵangoza ŵaku Egipiti; ine ndine Ambuya Chiuta winu.

Ezekiele 20:19

Ine Ambuya nde Chiuta winu; yendaninga mu virunguchizgu vyangu, ndipo phwereni kusunga malangulu ghangu,

Amosi 2:10

Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

Chituwa 13:14

Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

ŴaLevi 25:38

Ine ndine Ambuya Chiuta winu, yo wangukutuzgani mu charu cha Egipiti kuti ndikupaskeni charu cha Kanani, ndi kuti ndiŵe Chiuta winu.

ŴaLevi 25:42

Pakuti ŵana ŵanyako mbateŵeti ŵangu wo ndingutuzga mu charu cha Egipiti; Wangaguliskikanga nge mba ŵanda cha.

ŴaLevi 25:55

Pakuti kwaku ine ŵaYisraele mbateŵete ŵangu wo ndinguŵatuzga mu charu cha Egipiti, Ndine Ambuya Chiuta winu.

Marangu 20:1

“Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

Ŵeruzgi 6:10

Ndipo ndinguti, ‘Ine ndine Ambuya Chiuta winu; mureke kugwadiya ŵachiuta ŵa Amori, ŵeniwo muja mu charu chawo.’ Kweni imwe kuti mwaphwere mazu ghangu cha.”

1 ŴaKaronga 18:39

Ndipo penipo ŵanthu wose ŵanguwona ichi, ŵanguwa kavunama pa visku vyawo, ndipo ŵatinge, “Ambuya ndiwo Chiuta, Ambuya ndiwo Chiuta.”

2 ŴaKaronga 17:7

Ichi chinguŵadi viyo chifukwa ŵaYisraele ŵangulakwiya Ambuya Chiuta wawo, yo wanguza nawo kutuwa mu Egipiti kusi ku janja laku Farao karonga wa Egipiti, ndipo ŵangopa ŵachiuta ŵanyake,

2 ŴaKaronga 17:12

ŵangutataliya ŵangoza, ŵeniwo Ambuya anguŵanene kuti, “Mungachitanga ichi cha.”

Sumu 81:7

Po wenga mu suzgu ungundidana, ndipo ndingukutaska. Kutuliya mu malo ghangu ghakubisika, mu mweza, ndingukwamuka; ndingukwesa pa maji ghaku Meriba.

Sumu 81:11

“Kweni ŵanthu ŵangu kuti ŵangutegherezga kwangu cha; Yisraele kuti wangundivwiya cha.

Ezekiele 20:5

ŵanene kuti, Viyo atiti Ambuya Chiuta: Pa zuŵa lo ndingusankhiya Yisraele, ndingurapa ku mbeu ya nyumba yaku Yakobe, ndingujivumbuwa ine ndamwene kwaku iwo mu charu cha Egipiti, ndinguŵarapiya, kuti, Ndine Ambuya Chiuta winu.

Hoseya 12:10

Ndingukamba ndi ŵamchimi kuti, ndine ndingwandaniska viwona, ndipo ndingupereka vyakweruzgiyapo mu manja gha ŵamchimi.