Chituwa 20:12 - Tonga Bible 1986

¹² “Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Chituwa 20:12 Referans Kwoze

ŴaKolose 3:20

Mwaŵana vwiyani ŵapapi ŵinu mwaku vyose, chifukwa ichi nchakukondweska Ambuya.

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

Marko 7:10

Chifukwa Mosese wanguti, ‘Tumbika ausu ndi anyoko’; ndipo, ‘Wakukambiya uheni awiske ndi anyina, wafwe nyifwa’;

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

Luka 18:20

Marangu ughaziŵa; ‘Ungareŵanga, ungabayanga, ungabanga, ungasimikizganga kwautesi, tumbika ausu ndi anyoko.’ ”

Mateyu 19:19

tumbika ausu ndi anyoko; ndipo wanjenge munyako uli ndiwe wamweni.”

Nthanthi 20:20

Asani munthu watemba wiske pamwenga nyina, nyali yikazimwikanga mu munkhorwe.

Chituwa 21:17

“We yose wakutemba awiske pamwenga anyina, wabayikenge.

Marko 10:19

Marangu utighaziŵa: ‘Ungabaya, ungareŵa, ungaba, ungasimikizga kwautesi, ungapusika, tumbika ausu ndi anyoko.’ ”

Chituwa 21:15

“We yose wakukoso awiske pamwenga anyina, wabayikenge.

Marangu 32:47

Pakuti kuchita viyo kwaku imwe kuti ndi saza cha, kweni mbumoyo winu, ndipo viyo mukajanga ŵamoyo nyengo yitali mu charu cho muserengemo kuŵa chinu pa mwambuka Yordane.”

Nthanthi 3:16

Umoyo utali we ku janja lake la marghe; ku jenja la maze kwe vyuma ndi ulemu.

2 ŴaKaronga 2:12

Ndipo Elisha wanguchiwona ichi, wanguliya, “Ada! Ada! Magareta ghaku Yisraele ndi ŵanthu ŵake ŵa ŵakavalo!” Ndipo kuti wangumuwona so cha. Sono wanguto vivwalo vyamweneko ndi wanguviparuwa paŵi.

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Marangu 25:15

Mweso wakufikapo ndi wakwene ndiwo muŵenge nawo, alinga kuti mazuŵa ghinu gharutiriyenge mu charu chenicho Ambuya Chiuta winu wakupaskani.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Nthanthi 30:11

Ŵalipo ŵeniwo ŵatemba auskeu, ndi kuti ŵatumbika ŵanyinawo cha.

Nthanthi 28:24

Mweniyo watuba vya awiske pamwenga anyina ndi wakamba kuti, “Uku kuti nkhunanga cha,” ngwakukwatikana ndi munthu wakubwanganduwa.

Nthanthi 15:5

Wakupusa wayuyuwa kwambuzga kwa awiske, kweni yo waphwere kuchenya ngwazeru.

1 ŴaKaronga 2:19

Viyo Betesheba wanguruta ku karonga Solomoni, kwachiŵereŵeta nayo ghaku Adoniya. Ndipo karonga wangusoka kwachikumana nayo, wangukotamiya iyo, pavuli wanguja pa chitengo ndipo wangudana chakujapo nyina wakaronga: ndipo wanguja ku marghe ghake.

ŴaLevi 19:32

“Muperekenge ulemu ku khongwe la nyivu, mutumbikenge ŵanthu ŵara, ndipo mopenge Chiuta winu, Ndine Ambuya.

ŴaEfeso 5:21

Ndi pakujithereskiyana mu wofi waku Kristu.

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 6:2

Mope Ambuya Chiuta winu imwe ndi ŵana ŵinu, ndi ŵana ŵa ŵana ŵinu pakusunga mu mazuŵa ghose gha umoyo winu, visambizgu vyake ndi vyeruzgu vyake vyose vyo ndimulanguliyani, Viyo mazuŵa ghinu ghaŵenge ghanandi.

Marangu 11:8

“Viyo mukasunganga marangu ghose gho ndikulanguliyani zuŵa lino, kuti muŵe ŵanthazi kwachisere ndi kwachironda charu chenicho mutuyako kwachironda,

Marangu 11:9

ndi kuti mazuŵa ghinu ghakaŵe ghanandi mu charu cho Ambuya Chiuta winu wangurapa ku auskemwe kuŵapaska iwo ndi mphapu yawo, charu chakutaŵala mkaka ndi uchi.

Marangu 21:18

“Asani munthu wendi mwana munthurumi munonono ndi wakugaluka, mweniyo ngwakukana kuvwiya mazu gha wiske pamwenga mazu gha nyina, ndipo chingana ŵatimupuma, kuti wati ŵaphwere cha;

Marangu 27:16

“ ‘Watembeke yo wayuyuwa wiske pamwenga nyina.’ Ndipo ŵanthu wose wanenenge, ‘Ameni.’

Nthanthi 17:6

Ŵazuku nchisoti cha ŵakukota, ndi unkhankhu wa ŵana ŵanthurumi mbauskeu.

Yeremiya 35:7

kuti mukazenganga nyumba cha, kuti mukapandanga mbeu cha; kuti mukapandanga chingana nkhuŵa ndi munda wamphereska cha; kweni mukajanga mu mahema mazuŵa ghinu ghose, alinga muŵenge ŵamoyo mazuŵa ghanandi mu charu chenicho mukaŵanga ŵalendo.’

Yeremiya 35:18

Kweni ku nyumba ya ŵina Rekabu, Yeremiya wanguti, “Viyo atiti Ambuya ŵa maŵanja, Chiuta waku Yisraele: Chifukwa mwavwiya dangu laku Yonadabu uskemwe, mwasunga kuchenjezga kwake kose, ndipo mwachita chose chenicho wangumulanguliyani,

Ezekiele 22:7

Mwaku iwe wiske ndi nyina ŵapepulika ukongwa; mlendo wakuja mukati mwako wakomwa ndi suzgu; muranda ndi choko mwaku iwe ŵanangika.

Chiyambo 48:12

Sono Yosefe wanguŵatuzgapo pa makongono ghake, ndipo wangukotama kurazga chisku chake pasi.

Chiyambo 50:12

Viyo ndimu ŵangumuchitiya ŵana ŵake uli ndimo wanguŵalanguliya;

Ruti 3:6

Viyo wanguruta ku mbuli, ndi wanguchita uli ndimo mpongozi wake wangumpangizgiya.

1 Samuele 22:3

Davidi wangutuwa wanguya ku Mizpa waku Moabu, ndipo wangunena ndi karonga waku Moabu, “Ndimurombani wazomerezgeni ada ndi ama kuti ŵaje namwe, mpaka po ndaziŵa cho Chiuta wakandichitiyanga.”