Chituwa 20:11 - Tonga Bible 1986

¹¹ pakuti mu mazuŵa ghankhonde ndi limoza Ambuya angulenga kuchanya ndi charu chapasi, ndi nyanja; ndi vyose vyo vye mwenimo, ndipo angupumuwa zuŵa la chinkhonde ndi chiŵi; chifukwa chenichi Ambuya angutumbika zuŵa la sabata ndi anguripatuwa.

Chituwa 20:11 Referans Kwoze

Chituwa 31:17

Nchisimikizgu cha muyaya pakati pangu ndi ŵaYisraele kuti mu mazuŵa ghankhonde ndi limoza Ambuya angulenga kuchanya ndi charu chapasi ndipo pa zuŵa la chinkhonde ndi chiŵi angupumuwa, ndi anguyuyuka.’ ”

Machitidu gha Ŵakutumika 20:7

Ndipo pa zuŵa lachimoza la sabata, tati taungana kwachimenya chiŵande, Paulo waŵanduliyanga mazu, pakukhasa kutuwako ndi mlenji; ndipo watalikiskanga mazu mpaka usiku pakati.

Chiyambo 1:28

Ndipo Chiuta wanguŵatumbika, ndi wanguti kwaku wo, “Papanane ndi mwandane, ndi muzaze charu ndi muchithereske, ndipo muŵe ndi mtufu pa somba zamu nyanja, ndi pa viyuni vya mude, ndi pa chamoyo chose cho chitenda pa charu chapasi.”

Machitidu gha Ŵakutumika 4:24

ndipo ŵachivwa iwo, ndi mtima umoza ŵangusamphuskiya mazu kwaku Chiuta, ndipo ŵanguti, “Ambuya, ndimwe mwata kuchanya ndi panupasi ndi nyanja ndi vyose vya mwawo,

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

ŴaHebere 4:4

Chifukwa kunyake wakamba ndi zuŵa la chinkhonde ndi chiŵi lo, “Ndipo Chiuta wangupumuwa ku nchitu zake zose pa zuŵa lachinkhonde ndi chiŵi.”

Chivumbuzi 10:6

ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Chituwa 8:22

Kweni mu zuwa lo ndikapatuskiyanga paku chija charu cha Gosheni, mwenimo muja ŵanthu ŵangu, muwulengevi milembwe ya nyezi muwa; alinga kuti uziŵe kuti Ndine Ambuya mukati mu charu chapasi.

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Yesaya 42:10

Mbiyani Ambuya sumu yifya, marumbu ghawo kutuwa ku chigoti cha charu chapasi! Nyanja yiwurume ndi vyose vyakuyizaza, vyaru vyamu malikumba ndi ŵakujamo ŵake

Yesaya 48:13

Janja langu linguchita chiŵanja cha charu chapasi, ndipo janja langu lamarghe lingutandika machanya; ndichighadana, ghanguza ndi kuma pamoza.

Chiyambo 1:31

Ndipo Chiuta wanguwona chose cho wanguchita, ndipo chenga chamampha ukongwa. Ndipo kwenga mazulo, ndi kwenga mlenji, zuŵa la chinkhonde ndi chimoza.