Chituwa 2:25 - Tonga Bible 1986

²⁵ Ndipo Chiuta wanguwona ŵaYisraele, ndipo Chiuta wanguziŵa mo ŵanguŵiya.

Chituwa 2:25 Referans Kwoze

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

Sumu 55:22

Taya pa Ambuya mphingu yako, ndipo iwo akakuchirikizganga; kuti azomerezgenge nanga nkhamana cha kuti wakurunjika wawo wasukuniskike.

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

Luka 1:25

“Viyo andichitiya Ambuya mu mazuŵa mwaku ghenigho angulereze kutuzgapo chitozeru changu mu ŵanthu.”

Mateyu 7:23

Ndipo penipo nkhakananga kwaku, wo, ‘Ndengavi kukuziŵani kose: tuwaniko kwangu, mwaŵakuchita uchikana marangu.’

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

Jobu 33:27

ndi ŵatumba paurongo pa ŵanthu, ndi watiti: ‘Ndingulakwa, ndi ndingutimbanizga cho chenga chakurunjika, ndipo kuti chingundanduliya kanthu cha.

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

Chituwa 1:8

Sono kunguwa karonga munyake wa Egipiti, yo wengavi kuziŵa Yosefe.

Machitidu gha Ŵakutumika 7:34

Kuwona, ndawonadi usokwa wa khamu langu mu Egipiti, ndipo ndauvwa mtamanthu wawo ndipo ndasika kwachiŵataska: ndipo sono zanga, ndikutumenge ku Egipiti.’

Chituwa 3:9

Ndipo sono, ehe, nkhuta ya ŵaYisraele yafika kwangu ndipo ndawona suzgu yeniyo ŵaEgipiti ŵati ŵasuzga nayo.

Chituwa 18:8

Sono Mosese wangukonkhome msibweni wake vyose vyenivyo Ambuya anguchita kwaku Farao ndi ku ŵaEgipiti chifukwa chaku Yisraele, maunonono ghose gho ghanguŵawiya mu nthowa, ndimo Ambuya anguŵaposomoske.

Marangu 26:7

Sono tinguliriya ku Ambuya Chiuta wa auskefwe, ndipo Ambuya anguvwa mazu ghinu, ndi anguwona kusuzgika kwidu ndi kutakataka kwidu, ndi yuzgu lidu.

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Sumu 31:8

ndipo kuti mwandipereka ku janja la ŵakupindikana nane cha; marundi ghangu mwaghamiska mu malo ghasani.