Chituwa 2:24 - Tonga Bible 1986

²⁴ Ndipo Chiuta wanguvwa mutamanthu wawo, ndipo Chiuta wangukumbuka phanganu lake ndi Abrahamu, Yisaki, ndi Yakobe.

Chituwa 2:24 Referans Kwoze

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Sumu 105:42

Angukumbuka phanganu lawo lakupaturika kwaku Abrahamu mteŵeti wawo.

Chituwa 6:5

Ndipo so ndavwa kutamantha kwa ŵana ŵaku Yisraele wo ŵaEgipiti ŵaŵasuzga mu uŵanda, ndipo ndakumbuka phanganu langu.

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Sumu 102:20

Kuvwa kutamantha kwa ŵakumangika, ndi kuŵafwatuwa wo ŵangweruzgikiya ku kubayika.

Sumu 22:24

Chifukwa kuti wanguyeya chingana nkhutinkha cha suzgu ya wakusuzgika; nanga nkhumubisiya chisku chake, kweni wanguvwa, po wanguliriya kwaku iyo.

Sumu 138:3

Mungundamuka po ndingudana kwaku imwe; ndi nthazi yinu mungundikambiska.

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”

Sumu 22:5

Ŵangubongole kwaku imwe, ŵangutaskika; mwaku imwe ŵangugomekezga, ndipo kuti ŵangurengeskeka cha.

Ŵeruzgi 2:18

Penipo pose Ambuya anguŵamikiya ŵeruzgi, Ambuya ŵenga pamoza ndi mweruzgi, ndipo anguŵapozomoska ku janja la ŵakupindikana ŵawo mu mazuwa ghose gha mweruzgi yo; pakuti Ambuya angukoreka chifundu pa mitamanthu yawo chifukwa cha ŵakuŵayuzga ndi kuŵasuzga.

Chiyambo 18:18

pakuti Abrahamu wakaŵanga mtundu ukuru ndi wanthazi, ndipo mitundu yose ya pano pasi yikatumbikikiyanga mwaku iyo?

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

Sumu 79:11

Tegherezgani ku mitamanthu ya ŵakumangika, ndipo ndi nthazi zinu zikuru ŵafwatuweni wo ŵakutemeke ku kubayika.

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Machitidu gha Ŵakutumika 7:34

Kuwona, ndawonadi usokwa wa khamu langu mu Egipiti, ndipo ndauvwa mtamanthu wawo ndipo ndasika kwachiŵataska: ndipo sono zanga, ndikutumenge ku Egipiti.’

Chiyambo 8:1

Kweni Chiuta wangukumbuka Nowa ndi nyama zose ndi vyakuŵeta vyo vyenga nayo pamoza mu ngaraŵa. Ndipo Chiuta wanguputiska mphepo pa charu, ndipo maji ghangutheruka.

Chiyambo 15:13

Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Chiyambo 16:11

Ndipo mungelo wa Ambuya wanguti kwaku iyo, “Iwe wendi nthumbo, ndipo ukapapanga mwana munthurumi, umudanenge zina lake Yishumaele; chifukwa Ambuya awona suzgu yako.

Chiyambo 22:16

wanguti, “Ndajirapizga ndamwene, atiti Ambuya, chifukwa chakuti wachita ichi, ndipo ulivi kukaniliya mwana wako, mwanawako yumoza pe,

Chiyambo 26:2

Ndipo Ambuya angumuwoneke ndi anguti, “Ungarutanga ku Egipiti cha; uje mu charu cho ndikakuneniyanga.

Chiyambo 35:11

Ndipo Chiuta wanguti kwaku iyo, “Ndine Chiuta wanthazizose: upapane ndiwandane; mtundu ndi mpingu wa mitundu ukatuwanga mwako, ndipo ŵakaronga ŵakatuwanga mwako.

Chiyambo 35:12

Charu chenicho ndingupaska Abrahamu ndi Yisaki ndikapaskanga iwe, ndipo ndikapaskanga charu cho ku mphapu yako pavuli pako.”

Maŵerengedu 20:16

ndipo po tinguliriya ku Ambuya, iwo anguvwa nkhuta yidu, angutuma mathenga kutituzga mu Egipiti; sono ehe te munu mu Kadeshe, msumba wo wemu mphaka ya charu chinu.

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

Sumu 102:2

Rekani kubisa chisku chinu kwaku ine mu zuŵa la suzgu yangu! Tegherzgani kwangu, ndipo mundamuke ruŵi ndichidana!