Chituwa 2:23 - Tonga Bible 1986

²³ Pavuli pa mazuŵa ghanandi karonga wa Egipiti wangufwa. Ndipo ŵaYisraele ŵangukomwa mu uŵanda wawo, ndipo wanguliriya chovyo, ndipo kuliya kwawo kwa mu uŵanda kungufika kwaku Chiuta.

Chituwa 2:23 Referans Kwoze

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Machitidu gha Ŵakutumika 7:30

“Ndipo vyati vyafiskika virimika machumi ghanayi (40), mungelo wangumwoneke mu bozwa la phiri Sinai, mu mlipu wa moto mu chivwati.

Chiyambo 16:11

Ndipo mungelo wa Ambuya wanguti kwaku iyo, “Iwe wendi nthumbo, ndipo ukapapanga mwana munthurumi, umudanenge zina lake Yishumaele; chifukwa Ambuya awona suzgu yako.

Yesaya 19:20

Chikaŵanga chiziŵisku ndi kaboni ku Ambuya ŵa maŵanja mu charu cha Egipiti, ŵachiliriya ku Ambuya chifukwa cha ŵakuyuzga aŵatumiyenge mpozomoski, ŵakaŵavikiriyanga ndi kuŵataska.

Sumu 18:6

Mu kufinyirizgika kwangu ndingudana ku Ambuya; kwaku Chiuta wangu ndinguliriya chovyo. Kutuliya ku nyumba yake yakupaturika wanguvwa mazu ghangu, ndipo nkhuta yangu yingufika mu makutu ghake.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Nehemiya 9:9

“Ndipo munguwona suzgu ya auskefwe mu Egipiti ndi kuvwa kuliya kwawo pa Nyanja Yiyera,

Marangu 24:15

Mukamupaskanga mphoto yake pa zuŵa lenilo wamaliya kuteŵeta, dazi lenga lindasere (pakuti ngwakusauka, ndipo wakhumba malipiro), vinu wangakuliriyani ku Ambuya, ndipo mungachita uheni.

Chituwa 4:19

Ndipo Ambuya anguti kwaku Mosese mu Midiani, “Were ku Egipiti; pakuti ŵa ŵanthu wose ŵakhumbanga kukubaya ŵakufwa.”

Chiyambo 4:10

Ndipo Ambuya anguti, “Nchine cho wachita? Mazu gha ndopa za mhurwa wako ghatindiliriya kutuwa ku nyata.

Maŵerengedu 20:16

ndipo po tinguliriya ku Ambuya, iwo anguvwa nkhuta yidu, angutuma mathenga kutituzga mu Egipiti; sono ehe te munu mu Kadeshe, msumba wo wemu mphaka ya charu chinu.

Chituwa 7:7

Mosese wenga wa virimika machumi ghankhonde ndi ghatatu (80) mu ura wake, ndipo Aroni wenga wa virimika machumi ghankhonde ndi ghatatu pa­chanya vitatu (83) mu ura wake pa nyengo yeniyo wakambanga ndi Farao.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Chituwa 1:14

ndipo ŵanguŵasuzga ukongwa, pakuŵagwiriska nchitu zizitu, kukasa dongo, ndi kuwumba ncherwa ndi mitundu yose ya nchitu zamu minda. Mu nchitu yawo yose ŵanguŵatataliska kwambura lisungu.

Chituwa 6:5

Ndipo so ndavwa kutamantha kwa ŵana ŵaku Yisraele wo ŵaEgipiti ŵaŵasuzga mu uŵanda, ndipo ndakumbuka phanganu langu.

Chituwa 6:9

Mosese wangukamba kwakukozgana ku ŵaYisraele, kweni kuti ŵangutegherezga kwaku Mosese cha, chifukwa cha mtima wawo wakusweka ndi uŵanda wawo wakuŵaŵa.

1 Samuele 12:8

Po Yakobe wanguya ku Egipiti, ŵaEgipiti ŵanguŵakandirizga, ndipo auskemwe ŵanguliriya ku Ambuya, Ambuya angutuma Mosese ndi Aroni wo ŵangutuzga auskemwe mu Egipiti, kwaziŵajarika mu malo yagha.

Jobu 35:9

“Chifukwa cha unandi wa vyakuzitiska ŵanthu ŵariya; wadana kuti ŵawovyeke chifukwa cha janja la wanthazi.

Sumu 102:1

Avwani kuromba kwangu Ambuya; nkhuta yangu yize kwaku imwe!

Ŵeruzgi 4:3

Sono ŵaYisraele ŵangubongole ku Ambuya kupempha chovyo; pakuti Sisera wenga ndi magareta gha chisulo machumi pe chumi ghankhonde ndi ghanayi (900) wanguyuzga ŵaYisraele ndi nkhaza kwa virimika machumi ghaŵi.

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”

Sumu 102:2

Rekani kubisa chisku chinu kwaku ine mu zuŵa la suzgu yangu! Tegherzgani kwangu, ndipo mundamuke ruŵi ndichidana!