Chituwa 19:4 - Tonga Bible 1986

⁴ munguwona cho ndinguchita ku ŵaEgipiti, ndimo ndingukunyamuliyani pa mapapa gha nombo ndi ndingumutoliyani kwaku ndamweni.

Chituwa 19:4 Referans Kwoze

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Yesaya 40:31

kweni wo ŵalindizga Ambuya, ŵakawerezgangamo nthazi zawo, ŵakaphururukanga ndi mapapa uli ndi nombo, ŵakachimbiyanga kwambura kugongowa, ŵakayendanga kwambura kuvuka.

Chivumbuzi 12:14

Ndipo kungupskika ku munthukazi yo mapapiku ghaŵi gha nombo yikuru, kuti waphururukiye ku bozwa, ku malo ghake, kweniko wakalerekanga kwaka nyengo, ndi zinyengo, ndi nusu ya nyengo, kutuwapo pa njoka yo.

Marangu 29:2

Ndipo Mosese wangudana ŵaYisraele wose ndi wanguti kwaku wo: “Mwawona vyose vyo Ambuya anguchita paurongo pinu mu charu cha Egipiti kwaku Farao ndi kuŵateŵeti ŵake wose, ndi ku charu chake chose.

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Hagayi 2:5

kwakulingana ndi phanganu lo ndingupangana namwe penipo mwatuwanga mu Egipiti. Mzimu wangu uja mwaku imwe; lekani kopa.

Malaki 2:10

Kumbi kuti tose tendi uskefwe yumoza cha? Kumbi kuti tose tarengeka ndi Chiuta yumoza cha? Nanga chifukwa nchine tireka kugomezgana yumoza ndi munyake, ndi titananga phanganu la auskefwe?

Marangu 1:30

Ambuya Chiuta winu wakudanjiriyani ndiyo wamukukurwiyani, kwakulingana ndi vyose vyo wangumuchitiyani mu Egipiti pa maso pinu.

Marangu 1:31

Ndi mu mabozwa munguwona mo Ambuya Chiuta winu wangumuphwereliyani nge ndimo munthu waphwerere mwana wake, mu nthowa yose yo mungwenda mpaka mwazifika mu malo ghano.’

Marangu 29:1

Yagha ndi mazu gha phanganu lo Ambuya angulanguliya Mosese kuchita ndi ŵaYisraele mu charu cha Moabu, pade paku lo anguchita mo Horebe.

Yoswa 23:3

ndipo mwawona vyose vyo Ambuya Chiuta winu wachita ku mitundu yose iyi chifukwa chinu, pakuti ndi Ambuya Chiuta winu mweniyo wamurwiyani nkhondo.

Hoseya 11:1

Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.