Chituwa 19:19 - Tonga Bible 1986

¹⁹ Ndipo penipo kumba kwa mbata kungukiyakiya, Mosese wangukamba, ndipo Chiuta wangumwamukiya mu chidiririzi.

Chituwa 19:19 Referans Kwoze

Sumu 81:7

Po wenga mu suzgu ungundidana, ndipo ndingukutaska. Kutuliya mu malo ghangu ghakubisika, mu mweza, ndingukwamuka; ndingukwesa pa maji ghaku Meriba.

Chituwa 19:16

Ndi mlenji pa zuŵa la chitatu kwenga vidiririzi ndi malimphezi, mtambo wa mdima ukongwa pa phiri lo, ndipo ndi mazu ghakubangula ukongwa gha mbata, viyo kuti ŵanthu wose wo ŵenga mu ugoŵi wo ŵangutenthema.

ŴaHebere 12:21

Ndipo kawonekedu ko kenga kakofya, viyo kuti Mosese wanguti, “Ndine wachitenthe ndi wakumbwa-mbwanthiya.”

Nehemiya 9:13

Mungusikiya pa phiri la Sinai, ndi kurongoro nawo kutuliya kuchanya ndi munguŵapaska malangulu ghakwenere ndi marangu ndi vyeruzgu ndi malamulu,

Chituwa 19:13

palivi janja lo likamutaskanga iyo kweni wakapong'ekanga ndi mya pamwenga kulasika ndi muvwi; manyi ndi nyama pamwenga munthu kuti wakajanga wamoyo cha.’ Yichimba mbata kwakukiyakiya iwo ŵakakweriyanga ku phiri.”

ŴaHebere 12:19

ndi ku chizozu cha mbata, ndi ku liyowozi la mazu; lenilo ŵakulivwa ŵanguŵeyere kuti mazu ghangakuskikiyako so cha kwaku wo.

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Marangu 5:22

“Mazu yagha Chiuta wangukambiya ku ungano winu wose pa phiri, mukati mu moto, mu bingu, ndimu mdima ukuru, ndi mazu ghakuru, ndipo wengavi kusazgako ghanyake. Wangugharemba pa vipapati viŵi vya mya, wangupereka kwaku ine.