Chituwa 19:18 - Tonga Bible 1986

¹⁸ Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Chituwa 19:18 Referans Kwoze

Ŵeruzgi 5:5

Mapiri ghanguyaghayika paurongo pa Ambuya, iwe Sinai paurongo pa Ambuya Chiuta waku Yisraele.

Sumu 144:5

Ambuya, kungunuwani mtambo, sikiyani pasi; ghakoni mapiri, ndipo ghakatuzganga usi.

Chivumbuzi 15:8

Ndipo kasopi wanguzazika ndi usi wakutuwa ku unkhankhu waku Chiuta ndi ku nthazi yake; ndipo pengavi yumoza wanguziŵa kusere mu kasopi mo, mpaka vingumara videru vyo vinkhonde ndi viŵi vya ŵangelowo ŵankhonde ndi ŵaŵi.

Chituwa 3:2

Ndipo mungelo wa Ambuya wangumwoneke iyo mu mulipu wa moto kutuwa mu chivwati; wangulereska, ndipo ehe, chivwati chakolenga, kweni kuti chingufya cha.

Yeremiya 4:24

Ndingulereska pa mapiri, ndipo ehe, ghanguyaghayika, ndipo tumapiri tose tunguyaghayika uku ndi uku.

Chiyambo 19:28

Ndipo wangulereska pasi kuratana ndi Sodomu ndi Gomora ndi kuratana ndi charu chose cha dambo lo, ndipo awonani, ehe, usi ku charu cho ungukwere kuchanya ulaka ndi usi wa ng'anjo.

Sumu 104:32

Iwo alereska pa charu chapasi, ndipo chitenthema; achikwaska mapiri, ghasunkha usi.

Marangu 33:2

Wanguti, “Ambuya angutuwa ku Sinai, ndipo anguvumbukwa kwaku ifwe kutuwa Seiri, anguwana kutuwa ku phiri Parani. Angutuwa ku vikwi chumi (10,000) vya wakupaturika ndi ŵanguto moto wakulipuka ku janja lawo la marghe.

Marangu 5:22

“Mazu yagha Chiuta wangukambiya ku ungano winu wose pa phiri, mukati mu moto, mu bingu, ndimu mdima ukuru, ndi mazu ghakuru, ndipo wengavi kusazgako ghanyake. Wangugharemba pa vipapati viŵi vya mya, wangupereka kwaku ine.

Chituwa 24:17

Sono kawonekedu ka unkhankhu wa Ambuya kenga uli ndi moto wakocha pachanya pa phiri mu maso gha ŵaYisraele.

ŴaHebere 12:26

Liu laku mweniyo lingusukung'a charu kali, kweni sono wapangana, kuti, “Kamoza so ine nkhasukuniskanga charu pe cha, kweni kuchanya nako.”

Yesaya 6:4

Ndipo viŵanja vyapa khomo vingusukunika pa mazu ghaku yo wangudanirizga, ndipo nyumba yinguzazika ndi usi.

Chiyambo 15:17

Penipo lumwi lingusere ndi kungufipa, ehe, chiŵiya cha moto chakusunkha usi ndo lumbuni lakukole vingudumuwapo pakati pa vipitika ivi.

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

ŴaHebere 12:18

Chifukwa mulive kuzako ku phiri lo lakwaskikanga, ndi lingukole ndi moto, ndi ku munkhorwi, ndi ku mdima, ndi ku kanthenga,

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Mateyu 24:7

Chifukwa mtundu uyukiyenge pa mtundu, ndi ufumu pa ufumu: ndipo viŵengepo vilala ndi viyeuyeu mu malo ndi malo;

Zekariya 14:5

Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.

Sumu 114:7

Tenthema, wa charu chapasi, pa kuza kwa Ambuya, pa maso paku Chiuta waku Yakobe,

Sumu 77:18

Mazu gha chidiririzi chinu ghenga mu kavuruvuru; ndipo kumwetuka kwamalimphezi kungungweruska charu chose; charu chingutenthema ndi chinguyaghayika.

Chituwa 20:18

Sono penipo ŵanthu wose ŵanguteska vidiririzi ndi malimphezi gho, ndi kumba kwa mbata ndi kusunkha usi kwa phiri lo, ŵangopa ndi ŵangutenthema; ndi ŵanguma kutali,

Chituwa 19:13

palivi janja lo likamutaskanga iyo kweni wakapong'ekanga ndi mya pamwenga kulasika ndi muvwi; manyi ndi nyama pamwenga munthu kuti wakajanga wamoyo cha.’ Yichimba mbata kwakukiyakiya iwo ŵakakweriyanga ku phiri.”

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

Chivumbuzi 9:2

Ndipo wangubanuwa chizenje cho chakuti nyo, ndipo kutuwa ku chizenje cho ungukwera usi, ulaka ndi usi wa ng'anjo yikuru; ndipo vingufipiskika dazi ndi mude chifukwa cha usi wa chizenje cho.

Chiyambo 11:5

Ndipo Ambuya angusika kuzachiwona msumba wo ndi sonjo, vyo ŵana ŵa ŵanthu ŵanguzenga.

Chituwa 19:17

Sono Mosese wangutuzga ŵanthu mu ugoŵi kwachikumana ndi Chiuta; ndipo ŵanguma mu malo ghawo musina mu phiri lo.

Chituwa 34:2

Uŵe wakulongosoleka ndi mlenji, ndipo ukwere kuno ku phiri Sinai, ndipo ujirongo wamweni kwenikuwa kwaku ine pachanya pa phiri lo.

Marangu 5:4

Ambuya angukamba namwe pa maso mu phiri, mukati mu moto,

Yesaya 64:1

Mphanyi iku munguparuwa kuchanya ndi mungusikiya pasi, kuti mapiri ghasukunike pa uŵapo winu

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

Nehemiya 9:13

Mungusikiya pa phiri la Sinai, ndi kurongoro nawo kutuliya kuchanya ndi munguŵapaska malangulu ghakwenere ndi marangu ndi vyeruzgu ndi malamulu,

Sumu 18:9

Wangukotamiska machanya, wanguza pasi; munkhorwe wenga pasi pa marundi ghake.

Sumu 68:9

Mungung'iska vuwa yinandi, ndi kuwerezgamo charu chinu cho chinguvuka;

Sumu 77:19

Mungwenda mu zinyanja mungwambuka nyanja zikuru, kweni mo mungukanda kuti munguwoneka rwayo cha.

Sumu 114:4

Mapiri ghanguchiripuka nge ndi viphongo, mitinthu nge mbana ŵa mberere.

Habakuku 3:6

Wanguma ndi kupima charu chose chapasi; wangulereska, ndi wangusukung'a mitundu ya ŵanthu; viyo mapiri ghamwaka ghanguparghanika, mapiri ghachijaliye ghangubwanthuka. Nthowa zake zenga nge ndi kale.