Chituwa 19:16 - Tonga Bible 1986

¹⁶ Ndi mlenji pa zuŵa la chitatu kwenga vidiririzi ndi malimphezi, mtambo wa mdima ukongwa pa phiri lo, ndipo ndi mazu ghakubangula ukongwa gha mbata, viyo kuti ŵanthu wose wo ŵenga mu ugoŵi wo ŵangutenthema.

Chituwa 19:16 Referans Kwoze

Chivumbuzi 4:1

Pavuli paku vyenivi ndingulereska, ndipo, wonani, khomu lingujurika kuchanya, ndipo liu lakudanga lo ndinguvwa lenga ulaka nda mbata yakukamba nane, “Kwere kuno, mwakuti ndikurongo vyo vitenere kuŵapo pavuli.”

ŴaHebere 12:21

Ndipo kawonekedu ko kenga kakofya, viyo kuti Mosese wanguti, “Ndine wachitenthe ndi wakumbwa-mbwanthiya.”

Chivumbuzi 11:19

Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.

Chivumbuzi 8:5

Ndipo mungelo yo wanguto supa yo ya chema, wanguyizaza ndi moto wa pa jochero lo, ndipo wanguyipong'a pa charu: ndipo vinguŵapo vidiririzi, ndi chibumuzi, ndi malimphezi, ndi chiyeuyeu.

Chivumbuzi 4:5

Ndipo mu chitengu-chaufumu cho ghangutuwamo malimphezi ndi mazu ndi vidiririzi. Ndipo ghengapo malimbuni ghankhonde ndi ghaŵi gha moto ghakukole pauronga pa chitengu-chaufumu cho, ghenigho mbazimu ŵankhonde ndi ŵaŵi ŵaku Chiuta;

Sumu 77:18

Mazu gha chidiririzi chinu ghenga mu kavuruvuru; ndipo kumwetuka kwamalimphezi kungungweruska charu chose; charu chingutenthema ndi chinguyaghayika.

Jobu 38:25

“Ndiyani yo wakugawuwa nthowa ya mphopomo ya vuwa, ndi nthowa ya limphezi lakugunda,

Chituwa 20:18

Sono penipo ŵanthu wose ŵanguteska vidiririzi ndi malimphezi gho, ndi kumba kwa mbata ndi kusunkha usi kwa phiri lo, ŵangopa ndi ŵangutenthema; ndi ŵanguma kutali,

Chituwa 19:9

Ndipo Ambuya anguti kwaku Mosese, “Awona, Ine ndituza kwako mu mtambo wakututumuka, alinga kuti ŵanthu ŵajivwiye ndichikamba nawe, ndi alinga kuti ŵavwane nawe muyaya.” Viyo Mosese wangunene Ambuya mazu gha ŵanthu wo

Chituwa 9:23

Sono Mosese wangutambaruliya ndodo yake kuchanya ndipo Ambuya angutuma kugunda ndi vuwa ya matalala, ndipo moto ungupusumphiya pa charu chapasi. Ndipo Ambuya angung'iska vuwa ya matalala pa charu cha Egipiti;

Chivumbuzi 1:10

Ndinguŵiya mu Mzimu pa zuŵa la Mbuya, ndipo ndinguvwa kuvuli kwangu mazu ghakuru, ulaka nga mbata,

Yeremiya 5:22

Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Sumu 97:4

Malimphezi ghawo ghangweruska charu; charu chitighawona ndipo chitenthema.

Sumu 50:3

Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.

2 Mikoka 5:14

Viyo kuti ŵazukuru ŵanguziŵa kuma cha kuteŵeta chifukwa cha mtambo, pakuti unkhankhu wa Ambuya unguzaza nyumba yaku Chiuta.

Chituwa 40:34

Sono mtambo unguvimba pa hema lakuwunganamo ndi unkhankhu wa Ambuya unguzaza hema lakupaturika.

Mateyu 24:31

Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.

Chituwa 19:11

ndipo ŵaŵe ŵakurongosoreka pa zuŵa la chitatu; pakuti pa zuŵa la chitatu Ambuya azamusikiya pa phiri Sinai pa maso gha ŵanthu wose.

Chituwa 19:15

Ndipo wanguti ku ŵanthu, “Muŵe ŵakurongosoreka zuŵa la chitatu; munganderenga kufupi ku munthukazi cha.”

Chituwa 19:17

Sono Mosese wangutuzga ŵanthu mu ugoŵi kwachikumana ndi Chiuta; ndipo ŵanguma mu malo ghawo musina mu phiri lo.

Chituwa 20:21

Ndipo ŵanthu ŵanguma patali, penipo Mosese wanderenga kufupi ku mdima uzitu kweniko wenga Chiuta.

Marangu 5:5

penipo ine ndinguma pakati paku Chiuta ndi imwe nyengo yiya, kukukambiyani mazu gha Ambuya, chifukwa mwenga wakutenthema chifukwa cha moto, ndipo kuti mungukwere mu phiri cha, iyo wanguti:

2 Samuele 22:10

Wangukotamiska machanya, wanguza pasi, mdima wa munkhorwe wenga pasi pa marundi ghake.

Nahumu 1:3

Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.

Sumu 81:8

“Avwani, mwa ŵanthu ŵangu, ku kuchenjezga kwangu; Yisraele, mphanyi ungutegherezga kwangu!