Chituwa 19:11 - Tonga Bible 1986

¹¹ ndipo ŵaŵe ŵakurongosoreka pa zuŵa la chitatu; pakuti pa zuŵa la chitatu Ambuya azamusikiya pa phiri Sinai pa maso gha ŵanthu wose.

Chituwa 19:11 Referans Kwoze

Chituwa 19:16

Ndi mlenji pa zuŵa la chitatu kwenga vidiririzi ndi malimphezi, mtambo wa mdima ukongwa pa phiri lo, ndipo ndi mazu ghakubangula ukongwa gha mbata, viyo kuti ŵanthu wose wo ŵenga mu ugoŵi wo ŵangutenthema.

Marangu 33:2

Wanguti, “Ambuya angutuwa ku Sinai, ndipo anguvumbukwa kwaku ifwe kutuwa Seiri, anguwana kutuwa ku phiri Parani. Angutuwa ku vikwi chumi (10,000) vya wakupaturika ndi ŵanguto moto wakulipuka ku janja lawo la marghe.

Chituwa 34:5

Ndipo Ambuya angusikiya mu mtambo ndi anguma pamoza nayo penipa, wangumemeza zina la Ambuya.

Yohane 6:38

Pakuti ndasika kuchanya kuti ndilichite khumbo langu cha, kweni khumbo la wakundituma yo.

Yohane 3:13

Chifukwa palivi yumoza yo wakweriyako kuchanya, kweni mwana wa munthu pe yo wasikako ku kuchanya.

Sumu 144:5

Ambuya, kungunuwani mtambo, sikiyani pasi; ghakoni mapiri, ndipo ghakatuzganga usi.

Sumu 18:9

Wangukotamiska machanya, wanguza pasi; munkhorwe wenga pasi pa marundi ghake.

Maŵerengedu 11:17

Nkhasikanga kwazirongoro nawe penipo; ndipo nkhatongako mzimu wo we mwako ndi kuwuŵika mwaku iwo; ndipo ŵakanyamuwanga uzitu wa ŵanthu pamoza nawe, alinga kuti ureke kuwunyamuwa wija.

Chituwa 19:20

Ndipo Ambuya angusikiya pa phiri Sinai, pachanya pa phiri lo; ndipo Ambuya angudaniya Mosese pachanya pa phiri lo, ndipo Mosese wangukwere kweniko.

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Chiyambo 11:5

Ndipo Ambuya angusika kuzachiwona msumba wo ndi sonjo, vyo ŵana ŵa ŵanthu ŵanguzenga.

Chituwa 34:2

Uŵe wakulongosoleka ndi mlenji, ndipo ukwere kuno ku phiri Sinai, ndipo ujirongo wamweni kwenikuwa kwaku ine pachanya pa phiri lo.

Yoswa 3:5

Yoswa wangunene ŵanthu kuti, “Mujipatuwe mwaŵeni; chifukwa mawa Ambuya akachitanga vyakuziziswa mukati mwinu.”

Nehemiya 9:13

Mungusikiya pa phiri la Sinai, ndi kurongoro nawo kutuliya kuchanya ndi munguŵapaska malangulu ghakwenere ndi marangu ndi vyeruzgu ndi malamulu,

Chituwa 24:16

Unkhankhu wa Ambuya unguma pa phiri Sinai, ndipo mtambo ungulivimba mazuŵa ghankhonde ndi limoza; ndipo pa zuŵa la chinkhonde ndi chiŵi wangudanilizga kwaku Mosese kutuliya mu mtambo.

Chituwa 24:17

Sono kawonekedu ka unkhankhu wa Ambuya kenga uli ndi moto wakocha pachanya pa phiri mu maso gha ŵaYisraele.

Marangu 4:10

Kweni sambizgani ŵana ŵinu ndi ŵana ŵawo, mo pa zuŵa liya mungumiya panthazi pa Ambuya Chiuta winu mu Horebe, penipo Ambuya anguti kwaku ine, ‘Undiwunjikiye ŵanthu pamoza, ndi ŵavwiske mazu ghangu, mwakuti ŵasambire kopa Ine mazuŵa ghose gha umoyo wawo pa charu chapasi, ndikuti ŵasambizge ŵana ŵawo.’