Chituwa 19:10 - Tonga Bible 1986

¹⁰ ndipo Ambuya anguti kwaku Mosese, “Rutanga ku ŵanthu wo ndipo ukaŵapatuwe msana wale ndi la mawa, ndipo ukaŵachapiske vyakuvwara vyawo,

Chituwa 19:10 Referans Kwoze

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

ŴaLevi 11:25

ndipo we yose wakunyamuwa kachiŵaru ke kose ka thupi lawo wakachapanga saru zake, ndi wakaŵanga wakunguzgika mpaka mazulo.

Chiyambo 35:2

Viyo Yakobe wanguti ku ŵamu nyumba yake ndi kwaku wose ŵeniwo ŵenga nayo, “Tayani ŵachiuta ŵalendo wo ŵe mukati mwinu, ndipo mujiphoto, ndipo musinthe vyakuvwala vinu;

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

Maŵerengedu 8:21

Ndipo ŵaLevi ŵangujitozga ku ulakwi, ndi kuchapa vivwaro vyawo; ndipo Aroni wanguŵapereka kuŵa mpasku wakuzungung'a paurongo pa Ambuya, ndipo wanguŵapepeske kuŵatozga.

ŴaLevi 15:5

Ndipo yo wakakwaskanga chita chake wakachapanga vyakuvwara vyake, ndi kusamba mu maji, wakaŵanga wakukozuzgika mpaka mazulo.

Yoswa 3:5

Yoswa wangunene ŵanthu kuti, “Mujipatuwe mwaŵeni; chifukwa mawa Ambuya akachitanga vyakuziziswa mukati mwinu.”

Maŵerengedu 8:7

Viyo ndimu ukachitiyanga kwaku wo, pakuŵatozga: uŵamijiye maji ghakutozge, ŵamete liŵavu lawo lose, ŵachape vivwaro vya wo ndipo ŵasambe.

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

Yoswa 7:13

Soka, uŵatozge ŵanthu, ukambe kuti, ‘Jitozgeni mwaŵeni lamawa, pakuti ndimo Ambuya ŵanene Chiuta waku Yisraele, “Mwe vyakukanizgika mukati mwinu, Owe Yisraele; kuti muziŵa kuma paurongo pa ŵarwani ŵinu cha, mpaka po mwatuzgamo vinthu vyakubisika vyo vye mukati mwinu.”

2 Mikoka 29:5

ndipo wanguti kwaku iwo, “Ndivweni, mwa ŵaLevi! Mujipatuwe sono, ndi mupatuwe nyumba ya Ambuya, Chiuta wa auskemwe, mutuzgemo vyauyu mu malo ghatuŵa.

Maŵerengedu 31:24

Mutenere kusuka saru zinu pa zuŵa la chinkhonde ndi chiŵi, ndipo mukatozgekanga, sono pavuli pake ndipo mukazanga mu ugoŵi.”

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

2 Mikoka 29:34

Kweni ŵazukuru ŵenga ŵamana ukongwa ndipo kuti ŵanguziŵa kufuŵa sembe zose zakocha cha, viyo mpaka ŵazukuru ŵanyake ŵangujipatuwa, ŵabali ŵawo ŵaLevi ŵanguŵawovya kufuŵa, mpaka nchitu yingumara, pakuti ŵaLevi ŵenga ŵarunji ukongwa mu mtima kwakuruska ŵazukuru mukujipatuwa.

1 Samuele 16:5

Iyo wanguti, “Muchimangu; ndaziya kwazipereka sembe ku Ambuya; jipaturiskeni mwaŵeni, ndipo muzi pamoza nane ku sembe.” Ndipo wangupaturiska Jese ndi ŵana ŵake ŵanthurumi wanguŵadaniya ku sembe.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

Maŵerengedu 11:18

Ndipo uŵanene ŵanthu kuti, ‘Mujipatuwe chifukwa cha mawa, ndipo mukarghanga nyama, pakuti Ambuya avwa kuliya kwinu kuti, “Kumbi njani wakatipaskanga nyama kuti tirghe? Pakuti kwenga kwamampha kwaku ifwe mu Egipiti.” Chifukwa ichi Ambuya akupaskeninge nyama, ndipo mukarghanga.

Maŵerengedu 19:19

munthu wakuphotoka wakawazgiyanga pa wakunguzgika pa zuŵa la chitatu ndi pa zuŵa la chinkhonde ndi chiŵi, ndipo wakachapanga vivwalo vyake ndi kusamba mu maji, sono ku mazulo wakaŵanga wakuphotoka.

2 Samuele 19:24

Sono Mefiboshete mwana waku Sauli wangusika kuzachikumana ndi karonga; wengavi kuvwara skapato, nanga nkhumeta mwembe wake nanga nkhusuka vivwaro vyake kutuliya pa zuŵa lo karonga wangurutiya mpaka pa zuŵa lo wanguwere mu chimangu.

Maŵerengedu 31:23

chinthu chose cho chingareka kusongonoka pa moto, mukachiporoteskanga pa moto ndipo chikatozgekanga kweni ndipuuli chikatozgekanga so ndi maji ghakuphotole; ndipo chose cho chingasongonoka ndi moto, mukachiporoteskanga mu maji.