Chituwa 18:7 - Tonga Bible 1986

⁷ Mosese wangutuwa kwachikumana ndi msibweni wake, ndipo wangumulambiya ndi wangumufyofyontha, ndipo ŵangufumbana za umoyo ndipo ŵangusere mu hema.

Chituwa 18:7 Referans Kwoze

Chiyambo 29:13

Penipo Labani wanguvwa makani ghaku Yakobe mwana wa mzichi wake, wanguchimbiya kwachikumana nayo, wangumuvumbatiya ndi kumufyofyontha, ndi wanguza nayo ku nyumba yake. Yakobe wangunene Labani vinthu ivi vyose,

1 ŴaKaronga 2:19

Viyo Betesheba wanguruta ku karonga Solomoni, kwachiŵereŵeta nayo ghaku Adoniya. Ndipo karonga wangusoka kwachikumana nayo, wangukotamiya iyo, pavuli wanguja pa chitengo ndipo wangudana chakujapo nyina wakaronga: ndipo wanguja ku marghe ghake.

2 Samuele 11:7

Uriya wanguti wafika Davidi wangumufumba za umoyo waku Yoabu ndi ŵanthu, ndimo nkhondo yendiyanga.

Chiyambo 19:1

Mathenga gha Ambuya gha ghaŵi ghanguza ku Sodomu ndi mazulo; ndipo Lote wanguja pa likomo la Sodomu. Penipo Lote wati wawona mathenga gho, wangusoka kwachikumana nagho, ndipo wangukotamiya pasi chisku chake,

Chiyambo 18:2

Wangulereska ndipo wanguwona ŵanthu ŵatatu ŵanguma paurongo pake. Wanguti waŵawona wanguchimbiya kutuwa pa khomo la hema lake kwachikumana nawo, ndipo wangukotamiya pasi,

Chiyambo 14:17

Pavuli wati waweko kukuthereska Kedorolomere ndi ŵakaronga wo ŵenga nayo, karonga wa Sodomu wangutuwa kwachikumana nayo pa dambo la Shave (lo ndi dambo la karonga).

Machitidu gha Ŵakutumika 28:15

Ndipo viyo tingufika ku Roma. Kutuwa kweniko nako ŵabali wo ŵanguvwapo vyapaku ifwe, ŵanguzachikumana nafwe mpaka ku Apio Foro ndi Misika Yitatu: Paulo pakuwona wo wanguwonga Chiuta, ndi wanguchintha mtima.

Machitidu gha Ŵakutumika 20:37

Ndipo kunguŵa chilirizi chikuru chaku wose, ndipo ŵanguwa pa singu laku Paulo, ndi ŵamfyofyonthanga,

Luka 7:45

Mfyofyonthu kuti ungundipaska cha: kweni iyo, kwanda po ndinguzamu, kuti warekezga cha kufyofyontha marundi ghangu.

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

Ŵeruzgi 11:34

Pavuli Jefta wanguwere ku muzi wake pa Mizipa, ndipo ehe, mwana wake munthukazi wangutuwa kuzachikumana nayo ndi ŵabangwi ndi kuvina; uyu wenga mwana wake yumoza pe; pake paku iyo wengavi mwana munthurumi pamwenga munthukazi.

Maŵerengedu 22:36

Wanguti wavwa Balaki kuti Balamu waza wanguruta kwachikumana nayo ku msumba waku Moabu, pa malili ghenigho ghanguchitika ndi ŵaArnoni, ku umari wa maliri gho.

Chiyambo 46:29

Sono Yosefe wangurongoso gareta lake la ufumu ndi wanguruta kwachikumana ndi Yisraele awiske mu Gosheni; ndipo wanguliriya pa khosi lake kwa nyengo yitali.

Chiyambo 45:15

Ndipo wangufyofyontha ŵana ŵanyake wose ndi wanguliya paku wo; ndipo pavuli pake ŵana ŵanyake wangukamba nayo.

Chiyambo 31:28

Ndipo chifukwa nchine wengavi kundizomerezga kulaliskana ndi kufyofyontha ŵana ŵangu ŵanthurumi ndi ŵanthukazi? Awona ukuchita kwa kupusa.

Chiyambo 43:26

Ŵanguti waza Yosefe ku nyumba ŵanguserezga mu nyumba kwaku iyo chaulera cho ŵenga nacho ndipo ŵangumulambiya.

Chituwa 4:27

Ambuya anguti kwaku Aroni, “Ruta ku bozwa kwachikumana ndi Mosese.” Viyo wanguruta, ndipo ŵangukumana pa phiri laku Chiuta ndi wangumufyofyontha.

Chituwa 18:6

Ndipo penipo yumoza wangunene Mosese, “Ehe, msibweni wako Yetero watuza kwako ndi muwoli wako ndi ŵana ŵako ŵanthurumi pamoza nayo.”

Chituwa 33:7

Sono Mosese wanguziŵiriya kuto hema ndi kulikhoma kubwalo kwa ugoŵi, kutali ndi ugoŵi. Wangulidana hema lakuwunganamo, lenilo lenga kubwalo kwa ugoŵi.

1 Samuele 17:18

ndipo so uto viyato ivi chumi upingiye nduna yawo ya pachanya pa ŵankhondo chikwi (1,000). Uwone, mo ŵabali ŵako ŵaliri; ndipo ukandipingiyeko ndindira kutuwa kwawo.”

1 Samuele 17:22

Ndipo Davidi wangureka katundu mu manja gha msungi wa ŵakatundu, wanguchimbiriya ku nkhondo, wangurutiliya kwachitauzga ŵabali ŵake.