Chituwa 18:21 - Tonga Bible 1986

²¹ Ndipo iwe usankhemo wanthu mukati mwaku wose, ŵeniwo ŵatopa Chiuta, ŵanthu wo mba magomekezgeka ndi wo ŵatinkha vinda. Uŵamike ŵanthu ŵaviyo kuŵa ndi mtufu pa ŵanthu kuŵa ŵeruzgi ŵa vikwi, ŵamachumi pe chumi, ŵamachumi ghankhonde ndi ŵachumi limoza.

Chituwa 18:21 Referans Kwoze

Machitidu gha Ŵakutumika 6:3

Viyo, mwa ŵabali, mwaku imwe penjanimo ŵanthurumi ŵankhonde ndi ŵaŵi, ŵakusimikizgika, ŵakuzazika Mzimu ndi zeru, ŵeniwo tingamikiya pa mlimu uwu;

Ezekiele 18:8

kuti wakongoreska pa kukhumba chanduwu chapamwenga kuto vyakusazgiyapo, wakanizga janja lake ku kuchita mphurupuru, wateruzga cheruzgu cha uneneska pa ku uyu ndi yuwa,

2 Samuele 23:3

Chiuta waku Yisraele wakamba, Jarawi laku Yisraele landinene: Po yumoza wausa pachanya pa ŵanthu kwakurunjika, kuwusa mukopa Chiuta,

1 Timote 3:3

wabwawatu cha, wambembe cha; kweni mpovu, wambura lisonji, mwanja ndrama cha;

Zekariya 8:16

vinthu vyo muchitenge ndi ivi: Kambani uneneska munthu yose ku munyake, chitani mu malikomo ghinu vyeruzgu vya uneneska ndi vyakupanga chimangu,

Zekariya 7:9

“Viyo atiti Ambuya ŵa maŵanja, yeruzgani cheruzgu chakuneneska, rongoni ulemu ndi chisungusungu munthu yose ku munyake,

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Nthanthi 28:2

Asani charu chituswa dangu chendi ŵeruzgi ŵanandi; kweni ndi ŵanthu ŵakuwamo ndi ŵachinjeru ukhovu wake ukakiyangakiyanga nyengo yitali.

Sumu 15:5

yo ndrama zake kuti wakongoreske chifukwa cha chanduwu cha, ndipo kuti waronde vinda pa munthu wambura mlando cha. Wakuchita ivi kuti wasukuniskikenge cha.

Jobu 31:13

“Asani ndakana mrando wa wanchitu wangu munthurumi ndi wanchitu wangu munthukazi, penipo ŵanguza ndi dandaulu lakumikana ndi ine;

Jobu 29:16

Ndenga wiske wa ŵakavu, ndingupenjapenja mrandu waku yo ndengavi kumziŵa.

Nehemiya 7:2

ndingupaska mwana munyangu Hanani mlimu wakuphwere Yerusalemu ndi Hananiya mumirizi wa nyumba ya ŵankhondo, pakuti iyo wenga munthu wamagomekezgeka ndi wakopa Chiuta kwakuruska ŵanandi.

Nehemiya 5:9

Viyo ine ndinguti, “Chinthu cho muchita kuti nchamampha cha. Si mutenere kwenda mu chopu chaku Chiuta widu kukanizga lirengu la mitundu yo njakupindikana nafwe?

1 Samuele 8:3

Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.

Chituwa 18:25

Mosese wangutondo ŵanthu ŵakwenere mu ŵaYisraele wose, ndipo wanguŵamika kuŵa zinduna sa ŵanthu, ŵeruzgi ŵa vikwi, ŵamachumi pe chumi, ŵamachumi ghankhonde, ndi ŵachumi limoza.

Chiyambo 22:12

Wanguti, “Reka kumubaya mwana yo, chingana nkhuchita nayo kanthu kanyake cha; pakuti sono ndiziwa kuti utopa Chiuta, pakuti wakaniliya mwana wako cha, mwana wako yumoza pe, kwaku ine.”

Machitidu gha Ŵakutumika 20:33

Kuti ndaunukiya cha siliva, pamwenga golide, pamwenga chivwaru cha munthu yumoza.

Yesaya 59:4

Palivi yumoza yo wasere pa mlandu mu uneneska palivi yo watiya ku dangu mu ukongorekwa; ŵayegeme pa mpandira uyumu, ŵarongoro mautesi, ŵazuwuka urwani, ndipo ŵapapa mphurupuru.

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

Luka 18:4

Ndipo kwa nyengo kuti wakhumbanga cha: kweni pavuli po wanguti mwaku yija, ‘Chingana kuti nditopa Chiuta cha, chingana kuti ndiphwere munthu cha;

Luka 18:2

wakuti, “Kwenga mu msumba wakuti mweruzgi ngana, wamburakopa Chiuta ndi wambura kuphwere munthu:

Yesaya 16:5

po ndipo chitengo cha ufumu chikamikikanga mu chanju chizirima ndipo paku cho ŵakajangapo mu ukongorekwa mu hema laku Davidi yo wateruzga ndi wapenja cheruzgu chirunji ndi ngwakukankhamika kuchita urunji.”

1 ŴaKaronga 18:12

Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

1 ŴaKaronga 18:3

Ndipo Ahabu wangudana Obadiya yo wenga wakutufuliya nyumba. (Sono Obadiya wengawakopa Ambuya ukongwa;

1 Samuele 8:12

wakajisankhiyanga zinduna za nkhondo za vikwi ndi zinduna za machumi ghankhonde, ŵanyake kukulima ndi kuvuna vyakurgha vyake, kupanga vidya vyake vya nkhondo ndi vyakunozge magareta ghake.

Yoswa 22:14

ŵangutuma pamoza nayo mafumu chumi, yumoza kutuwa mu fuku limoza la mbumba yaku Yisraele, yumoza ndi yumoza waku wo wenga mutu wa mbumba mukati mu makhamu ghaku Yisraele.

Maŵerengedu 10:4

Kweni asani wamba mbata yimoza pe, ŵarongozgi wo mbara ŵa mafuko gha ŵaYisraele, ŵawunganenge kwako.

Chiyambo 47:6

Charu cha Egipiti che paurongo pako; ausu ndi ŵana ŵanyako uŵapaske pakuja po mphamampha ukongwa pa charu ichi; ŵanjenge mu charu cha Gosheni; ndipo asani utiŵaziŵapo ŵanthu ŵanthazi mukati mwawo, uŵamike kuŵa ŵakuphwere ng'ombe zangu.”

Maŵerengedu 1:4

Ndipo pamoza namwe waŵepo munthu yumoza wafuko le lose, yose wakuŵa mura mu nyumba za auskeu.

Maŵerengedu 1:16

Yaŵa ndiwo ŵangutondoreka kutuliya mu mpingo, ŵarongozgi ŵa mafuko gha auskeu, ŵara ŵa ŵaYisraele.”

Marangu 22:18

Sono ŵara ŵa msumba ŵakatonga munthurumi yo ndi kumukwechuwa;

Ezra 7:25

“Ndipo iwe Ezra, kwakulingana ndi vinjeru vyaku Chiuta wako vyo vye ndi iwe, umike ŵeruzgi ŵa charu ndi ŵeruzgi ŵa milando wo ŵeruzgenge ŵanthu wose ku sirgha liya la msinji, wose wo ŵaziŵa marangu ghaku Chiuta wako, ndipo wo ŵalivi kuziŵa uŵasambizgi.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Sumu 15:1

Ambuya mwe, njani watandarenge mu hema linu? Njani wakajanga mu phiri linu lakupaturika?

Chituwa 17:9

Ndipo Mosese wanguti kwaku Yoswa, “Utisankhiye ŵanthu, ndipo utuwe ukarwane ndi Amaleke; la mawa Ine ndamukuma pachanya pa kamtunthu ndi ndodo yaku Chiuta mu janja langu.”

2 Samuele 18:1

Sono Davidi wanguŵerenga ŵanthu wo ŵanguŵa pamoza nayo, ndi kumika nduna za nkhondo za maliŵanja vikwi, ndi zinduna za machumi pe chumi.