Chituwa 18:12 - Tonga Bible 1986

¹² Ndipo Yetero msibweni waku Mosese, wangupereka chisopo chakocha ndi vyakubaya kwaku Chiuta, ndipo Aroni wanguza pamoza ndi ŵaraŵara ŵa ŵaYisraele kurgha chiŵandi pamoza ndi msibweni waku Mosese paurongo paku Chiuta.

Chituwa 18:12 Referans Kwoze

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Chiyambo 31:54

ndipo Yakobe wangupereka mpasku pa phiri lo ndi wangudana ŵabali ŵake kurgha chiŵande; ndipo ŵangurgha chiŵande ndipo ŵangucherezga usiku wose pa phiri lo.

Chituwa 24:11

Ndipo kuti wanguŵika janja lake pa mikoku ya ŵaYisraele cha; ŵanguwona Chiuta, ndipo ŵangurgha ndi ŵangumwa.

Chituwa 24:5

Ndipo wangutuma ŵanyamata ŵa ŵaYisraele, wo ŵangupereka mpasku wakocha ndi ŵanguchita visopo vya chimangu vya ng'ombe ku Ambuya.

1 ŴaKorinte 10:31

Viyo chingana muturgha, chingana mutumwa, chingana muchitanji, chitiyani vyose ku unkhankhu waku Chiuta.

1 ŴaKorinte 10:21

Kuti muziŵa cha kumwa chandi cha Mbuya ndi chandi cha ŵademone: kuti muziŵa cha kusanganapo gome la Mbuya ndi gome la ŵademone.

1 ŴaKorinte 10:18

Thoŵani kachitiru ka ŵaYisraele: asi wakurgha vya sembe vyo mbakusangana ndi jochero lo?

Luka 14:15

Ndipo wanguti wavwa vyenivi yumoza wa ŵakujariya pamoza nayo, wangunena nayo, “Ngwamwaŵi yose yo wamkurgha chiŵande mu ufumu waku Chiuta.”

Luka 14:1

Ndipo kunguŵa wachisere iyo mu nyumba ya yumoza wa ŵara ŵa ŵaFarisi pa Sabata kwachirgha chiŵande, iwo ŵamkhazganga.

Danyele 10:3

Ndengavi kurgha vyakunowa, chingana ndi nyama ndi vinyo vyengavi kusere mu mlomo wangu, ndengavi chingana nkhujitukutizga mafuta kwa ŵasabata ŵatatu ŵamphumphu.

Jobu 42:11

Ndipo ŵabali ŵake ndi ŵazichi ŵake wose, ndi wose wo ŵangumziŵa kali ŵanguza kwaku iyo, ŵangurgha nayo chiŵande mu nyumba yake, ndi ŵangumurongo lisungu ndi ŵangumusangaruska chifukwa cha viheni vyose vyo Ambuya angusiskiya pake, ndipo we yose waku wo wangumpaska ndrama, ndi mphete ya golide.

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

2 Mikoka 30:22

Ndipo Hezekiya wangukamba kwakuchiska ukongwa ku ŵaLevi wo ŵangurongo vinjeru mu mlimu wa Ambuya. Viyo ŵanthu ŵangurgha kurgha kwa dghera kwa mazuŵa ghankhonde ndi ghaŵi kupereka sembe ya chimangu ndi kupereka viwongo ku Ambuya Chiuta wa auskeu.

2 Samuele 9:7

Davidi wangunena nayo, “Ungopanga; pakuti ndikurongonge lisungu pa chifukwa cha ausu Jonafani, ndipo nkhakuwezgiyanga charu chose chaku Sauli ausu; ndipo ukarghanga pa gome langu mazuŵa ghose.”

Marangu 27:7

Mwamupereka mipasku ya chimangu, ndipo mwamukurgha penipa; ndipo mwamukondwere paurongo pa Ambuya Chiuta winu.

Chituwa 2:20

Wanguti ku ŵana ŵake, “Na we pani? Chifukwa chine mwamusiya? Kamudaneni, alinga wazirghe kurgha.”

Chiyambo 43:25

ŵangulongosole limu chaulera chaku Yosefe wachiza pa msana-pakati, pakuti ŵanguvwa kuti wakarghanga chiŵande mwanimuwa.

Chiyambo 26:25

Viyo wanguzengapo jochero penipa ndi wanguromba Ambuya, ndi wangujintha hema lake penipa. Ndipo pa ŵaŵanda ŵaku Yisaki ŵangukumbapo chisima.

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Chiyambo 8:20

Pavuli Nowa wanguzenge Ambuya jochero lakochiyapo mpasku, ndipo wanguto nyama yose yakuphotoka ndi chiyuni chose chakuphotoka ndi wangupaska mpasku wakocha pa jochero lo.

Chiyambo 4:4

ndi Abelu wangutole zakupapika zakudanga za mskambu wake ndi mafuta ghawo.

Chituwa 2:16

Sono mzukuru wa Midiani wenga ndi ŵana ŵanthukazi ŵankhondi ndi ŵaŵi ndipo ŵanguza ndi ŵangunegha maji, ndi ŵanguzaza misuku kumweska viŵetu vya uskeu.

Chituwa 3:1

Sono Mosese waliskanga mberere za sibweni ŵake, Yetero, mzukuru wa Midiani; ndipo wangurongozge viŵetu vyake kuchiri ku zambwe kwa bozwa, ndi wanguza ku Horebe, phiri laku Chiuta.

Chituwa 18:13

Kwati kwaŵa mlenji, Mosese wanguja pa chitengo kweruzga ŵanthu, ndipo ŵanthu ŵanguma kwakuzunguliya Mosese kutuwa mlenji mpaka mazulo.

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Chituwa 33:7

Sono Mosese wanguziŵiriya kuto hema ndi kulikhoma kubwalo kwa ugoŵi, kutali ndi ugoŵi. Wangulidana hema lakuwunganamo, lenilo lenga kubwalo kwa ugoŵi.

Maŵerengedu 10:29

Ndipo Mosese wangurongoro ndi Hobabu mwana waku Reuele mwina Midiani, musibweni waku Mosese kuti, “Iwe tirute ku charu cho Ambuya anguti, ‘Ndachipaska kwaku imwe’; urutenge nafwe, ndipo tikakuphwerenga; pakuti Ambuya akurongoro umampha paku Yisraele.”

Chiyambo 26:30

Viyo wanguŵachitiya kurgha, ndipo ŵangurgha ndi kumwa.