Chituwa 18:1 - Tonga Bible 1986

¹ Yetero, mzukuru wa Midiani, msibweni waku Mosese, wanguvwa vyose vyo Chiuta wanguchitiya Mosese ndi ŵaYisraele ŵanthu ŵake mwenimo Ambuya angutuzgiya ŵaYisraele mu Egipiti.

Chituwa 18:1 Referans Kwoze

Chituwa 3:1

Sono Mosese waliskanga mberere za sibweni ŵake, Yetero, mzukuru wa Midiani; ndipo wangurongozge viŵetu vyake kuchiri ku zambwe kwa bozwa, ndi wanguza ku Horebe, phiri laku Chiuta.

Chituwa 2:16

Sono mzukuru wa Midiani wenga ndi ŵana ŵanthukazi ŵankhondi ndi ŵaŵi ndipo ŵanguza ndi ŵangunegha maji, ndi ŵanguzaza misuku kumweska viŵetu vya uskeu.

Machitidu gha Ŵakutumika 14:27

Ndipo ŵati ŵafikako ndi kuwunganiska mpingu wo, ŵangukonkhoma vyenivyo vyose Chiuta wanguchita nawo, ndi mo wangujuriya ŵaMitundu likomo la chivwanu.

Zekariya 8:23

Viyo atiti Ambuya ŵa maŵanja: Mu mazuŵa gho, ŵanthu ŵakutuwa ku mitundu ya karongoroledu kose ŵakonge saru ya muYuda, ndi kuti, ‘Utizomerezge tirutenge, nawe, chifukwa tavwa kuti Chiuta we ndi iwe.’ ”

Sumu 106:2

Njani wangakamba vya nchitu zikuru za Ambuya, njani yo wangaziŵa kuŵarumba kwakufikapo?

Sumu 105:43

Viyo angutuzga khamu lawo ndi chimwemwe, ŵanthu ŵawo ŵakusankhika ndi kusekere kukuru.

Sumu 78:4

Kuti, tivibisenge ku ŵana ŵidu cha, kukonkhome mgonezi wo utuza; vya milimu ya nthazi ya Ambuya ndi mazaza ghawo, ndi vinthu vyakuziziswa vyo achita.

Sumu 44:1

Tikuvwa ndi makutu ghidu, A Chiuta, auskefwe akutikonkhome, nchitu yo munguchita mu mazuŵa ghawo, mu mazuŵa ghamwaka;

Sumu 34:2

Mzimu wangu utumbwiya mu Ambuya; ŵakusuzgika ŵavwenge ndi ŵakondwenge.

Yoswa 9:9

Iwo ŵanguti, “Taŵateŵeti ŵinu tatuliya ku charu chakutali ukongwa, chifukwa cha zina la Ambuya Chiuta winu; pakuti tavwa ndi mbiri yaku iyo, ndi vyose vyo wanguchita mu Egipiti,

Yoswa 2:10

Chifukwa tikuvwa mo Ambuya angukamuskiya maji gha Nyanja Yiyera paurongo pinu muchituwa mu Egipiti, ndipo ndi vyo munguchita ku ŵakaronga ŵaŵi ŵa Amori wo ŵenga kusirgha ku Yordane, kwaku Sihoni ndi Ogi, wo mukuŵaparghang'a tetete.

ŴaRoma 15:18

Chifukwa kuti ndamgangiya kurongoro kanthu cha, kweni kaku vyo Kristu wangutataliya mwaku ine, kuti ŵamuvwiye ŵaMitundu mu mazu ndi milimu,

Machitidu gha Ŵakutumika 15:12

Ndipo mzinda wo wose unguja chisisi; ndipo ŵategherezganga kwaku Barnaba ndi Paulo ŵachikonkhoma vyose visimikizgu ndi virwita vyo Chiuta wanguchitiya iwo mu ŵaMitundu.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Sumu 105:5

Kumbukani milimu yawo yakuziziswa yo achita, vya minthondwi yawo, ndi vyeruzgu vyo akamba.

Ŵeruzgi 4:11

Sono Heberi mu Keni wangujipatuwako ku ŵaKeni, mphapu yaku Hobabu msibweni waku Mosese, wangukhoma hema lake kutali ku chimiti cha mkundi mu Zananimu yo we pafupi ndi Kedeshi.

Maŵerengedu 10:29

Ndipo Mosese wangurongoro ndi Hobabu mwana waku Reuele mwina Midiani, musibweni waku Mosese kuti, “Iwe tirute ku charu cho Ambuya anguti, ‘Ndachipaska kwaku imwe’; urutenge nafwe, ndipo tikakuphwerenga; pakuti Ambuya akurongoro umampha paku Yisraele.”

Chituwa 4:18

Mosese wanguwere kwaku Yetero musibweni wake, ndi wanguti kwaku iyo, “Ndipempha undizomerezge kuwere ku ŵabali ŵangu mu Egipiti kwachiwona vinu ŵachalipo ŵamoyo.” Ndipo Yetero wanguti kwaku Mosese, “Ruta mu chimangu.”

Chituwa 2:21

Ndipo Mosese wangukhorwa kuja ndi yuwa munthu, ndipo wangupaska mwana wake munthukazi Zipora kwaku Mosese.

Chituwa 2:18

Penipo ŵanguza ku uskeu Ruele, iyo wanguti, “Kwachita uli mwaweko ruŵi le?”

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Ŵeruzgi 1:16

Ndipo ŵamphapu yaku Keni, msimbweni waku Mosese, ŵangukwera pamoza ndi ŵanthu ŵaku Yuda kutuwa ku msumba wa migwalangwa mu bozwa laku Yuda, wo we mu Negebe pafupi ndi Arada; ndipo ŵanguruta ndi ŵanguzenga pamoza ndi ŵanthu.