Chituwa 17:2 - Tonga Bible 1986

² Chifukwa cho ŵanthu ŵangusaniya kafukwa ndi Mosese ndi ŵanguti, “Utipaske maji timwenge.” Ndipo Mosese wanguti kwaku wo, “Chifukwa nchine pakulimbana ndi ine? Chifukwa nchine mutuŵesa Ambuya?”

Chituwa 17:2 Referans Kwoze

1 ŴaKorinte 10:9

Tingesanga Ambuya cha, nge ndimo ŵangwese ŵanyake ŵaku wo, ndipo ŵangumara ndi njoka zo.

Sumu 78:41

Kaŵikaŵi ŵangumwesa Chiuta, ndi kumukwiyiska Mtuŵa Yumoza, waku Yisraele.

Sumu 78:18

Mwa dala ŵangumwesa Chiuta, pa kupempha kurgha ko ŵangukhumba.

Marangu 6:16

“Mungesanga Ambuya Chiuta winu, nge ndimo mungumwese pa Masa.

ŴaHebere 3:9

keniko auskemwe ŵangundesa, ndipo ŵanguwona machitidu ghangu virimika machumi ghanayi.

Yesaya 7:12

Kweni Ahazi wanguti, “Kuti ndikapemphanga cha nanga nkhuti ndesenge Ambuya cha.”

Mateyu 4:7

Yesu wanguti kwaku iyo, “Panyake so kwalembeka, ‘Ungesanga cha Ambuya Chiuta wako.’ ”

Sumu 95:9

Penipa ŵangundesa ndi kundipima, nanga ŵanguwona vyo ndinguŵachitiya.

Maŵerengedu 21:5

Ndipo ŵanthu ŵangurongoro kwaku mikana ndi Chiuta ndi kwaku mikana ndi mosese, ŵatinge, “Mungutituzgiyanji mu Egipiti kuti tizifwiyi mu bozwa? Pakuti mulivi kurgha nanga ndi maji, ndipo tavuka ndi kurgha uku kwambura kwenere.”

Machitidu gha Ŵakutumika 15:10

Viyo sono chifukwa chine mutumwesa Chiuta, pakuŵikapo goŵa pa khosi la ŵasambizi, lenilo chingana mbauskefwe chingana ndifwe kuti tinguziŵa cha kunyamuwa?

Machitidu gha Ŵakutumika 5:9

Kweni Petro wangunena nayo, “Chifukwa chine mwapangana imwe kwesa Mzimu wa Ambuya? Awona, marundi ghaku wo ŵaŵikanga mrumi wako ghe pa khomo, ndipo ŵatembeziyenge iwe kubwaro.”

Luka 4:12

Ndipo wakwamuka Yesu wanguti kwaku iyo, “Kwaneneka, ‘Ungesanga cha Mbuya Chiuta wako.’ ”

Malaki 3:15

Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”

Sumu 106:14

Ŵanguzazika ndi chirghoko mu bozwa, ndipo ŵangwesa Chiuta.

Sumu 78:56

Kweni ndipuuli ŵangumwesa ndi kumugarukiya, Chiuta Wapachanya Limu, ndipo visimisimi vyake kuti ŵanguvisunga cha;

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,

Chituwa 17:7

Ndipo wangudana zina la malo gha Masa ndi Meriba, chifukwa cha kutundula kwa ŵana ŵaku Yisraele; ndi chifukwa ŵangwesa Ambuya pakukamba kuti, “Kumbi Ambuya ŵe mukati mwidu, pamwenga awa?”

Luka 15:12

ndipo mumanaku waku wo wanguti ku wiske, ‘Ada, ndipaskeni chigaŵa cha chuma chakundiwiya.’ Ndipo iyo wanguŵagaŵiya chuma chake.

Chituwa 15:24

Ndipo ŵanthu ŵangudinginikiya Mosese, ŵanguti, “Tikamwanganji?”

1 Samuele 8:6

Kweni ichi Samuele kuti chingumukondweska cha po ŵangunena nayo kuti, “Tipaskeni karonga wakutiusa.” Ndipo Samuele wanguromba ku Ambuya.

Maŵerengedu 14:2

Ndipo ŵaYisraele wose ŵangudinginikiya Mosese ndi Aroni; wumba wose watinge, “Kwenga kwamampha asani tingufwiya mu Egipiti! Kwakuruska kufwiya mu mabozwa yagha!

Chituwa 5:21

ndipo ŵanguti kwaku wo, “Ambuya alereskepo paku imwe ndi ŵeruzgi, chifukwa mwatiguŵiska mu maso ghaku Farao ndi ŵateŵeti ŵake; ndipo mwaŵika lipanga mu janja lawo kutibaya.”

Chituwa 16:8

Ndipo Mosese wanguti, “Penipo Ambuya atukupaskani nyama ndi mazulo kwachirgha ndipo ndi mlenji chiŵande cha mgutu, chifukwa Ambuya avwa madinginiku ghinu gho mudinginikiya paku iwo te kane ifwe? Madinginiku ghinu kuti ghe paku ifwe cha kweni pa Ambuya.”

Sumu 95:8

“Rekani kunonopeska mitima yinu nge mpha Meriba, nge ndimo ŵanguŵiya zuŵa liya mu bozwa pa masa.

Sumu 106:13

Kweni ruŵi ŵanguruwa vyo ŵanguchita, kuti ŵangulinda urongozgi wake cha.

Marangu 9:22

“Pa Tebera napo viyo, ndi pa Masa ndi pa Kibirotohatava mungukwiyiska Ambuya.