Chituwa 16:8 - Tonga Bible 1986

⁸ Ndipo Mosese wanguti, “Penipo Ambuya atukupaskani nyama ndi mazulo kwachirgha ndipo ndi mlenji chiŵande cha mgutu, chifukwa Ambuya avwa madinginiku ghinu gho mudinginikiya paku iwo te kane ifwe? Madinginiku ghinu kuti ghe paku ifwe cha kweni pa Ambuya.”

Chituwa 16:8 Referans Kwoze

ŴaRoma 13:2

Viyonthu yo ngwakujimiskirana ndi mtufu wo, wamikana ndi chitema chaku Chiuta: ndipo ŵakumika nawo ŵamkujironde chisusa.

1 Samuele 8:7

Pakwamuka Ambuya anguti, “Vwiya mazu gha ŵanthu mwaku vyose vyo ŵakambenge nawe chifukwa kuti ŵapata iwe cha, kweni ŵapata ine kuti ndiŵe karonga wawo.

1 ŴaTesalonika 4:8

Viyo yose wakukana ichi kuti wakaniya munthu cha, kweni Chiuta, yo wakupaskani Mzimu wake Wakupaturika.

Luka 10:16

“Yo ngwakuvwa imwe, watuvwa ine; ndi wakukana imwe wakana ine; ndi wakukana ine wakana wakundituma.”

Maŵerengedu 14:27

“Mpaka zuŵanji ndikunthiyengepo pa wumba uheni uwu wo udinginika kumikana nane? Ndavwa madinginiku gha ŵaYisraele, gho ŵadinginikiya pa ku Ine.

Maŵerengedu 21:7

Ŵanthu ŵanguza kwaku Mosese ŵanguti, “Talakwa pakuti tarongoro kwakumikana ndi Chiuta ndi imwe; rombani ku Ambuya, kuti atuzgeko kwidu njoka zo.” Viyo Mosese wanguŵarombe ŵanthu.

1 ŴaKorinte 10:10

Ndipo mungadinginikanga cha, nge ndimo ŵanyake ŵaku wo ŵangudinginikiya, ndipo ŵangumara ndi wakubaya yo.

Yohane 13:20

Nadidi ndikuneneskiyani, wakuronde mweniyo yose nditumenge, waronde ine; ndipo wakuronde ine, waronde Wakundituma.”

Mateyu 10:40

“Wakuronde imwe waronde ine, ndipo wakuronde ine waronde wakundituma.

Mateyu 9:4

Ndipo Yesu, wakuziŵa maghanaghanu ghawo, wanguti, “Chifukwa chine mupimiya viheni mu mitima yinu?

Yesaya 37:29

Chifukwa wandikaripiya ndipo kujikuzga kwako kwavwika mu makutu ghangu, ndikaŵikanga mbeja yangu mu mphunu yako ndi chimangiru changu mu mlomo wako, ndipo ndikawezgiyanga mu nthowa yeniyo unguzamu.’

Yesaya 32:6

Pakuti mubereŵeza warongoro ubereŵeza mtima wake utata mphurupuru: kwachichita uchikanamarangu, kurongoro gha kusovya pa Ambuya, kujowo kupaska wanja vyo wanweka ndi kunora maji wanyota.

Chituwa 16:12

“Ndavwa madinginuku gha ŵaYisraele, uŵakambiye ndi mazulo pa kuchita fyepere mukarghanga nyama, ndipo ndi mlenji mukagutanga chiŵande; po ndipo mukaziŵanga kuti ndine Ambuya Chiuta winu.”

Chituwa 16:9

Ndipo Mosese wanguti kwaku Aroni, “Kamba ku mpingu wose wa ŵaYisraele, ‘Ndereni pafupi pa Ambuya pakuti ŵavwa madinginiku ghinu.’ ”

Chituwa 17:2

Chifukwa cho ŵanthu ŵangusaniya kafukwa ndi Mosese ndi ŵanguti, “Utipaske maji timwenge.” Ndipo Mosese wanguti kwaku wo, “Chifukwa nchine pakulimbana ndi ine? Chifukwa nchine mutuŵesa Ambuya?”

Maŵerengedu 11:18

Ndipo uŵanene ŵanthu kuti, ‘Mujipatuwe chifukwa cha mawa, ndipo mukarghanga nyama, pakuti Ambuya avwa kuliya kwinu kuti, “Kumbi njani wakatipaskanga nyama kuti tirghe? Pakuti kwenga kwamampha kwaku ifwe mu Egipiti.” Chifukwa ichi Ambuya akupaskeninge nyama, ndipo mukarghanga.