Chituwa 16:7 - Tonga Bible 1986

⁷ ndipo ndi mlenji mukawonanga unkhankhu wa Ambuya, chifukwa avwa madinginiku ghinu paku iwo Ambuya. Pakuti ifwe te ayani kuti mutidinginikiye?”

Chituwa 16:7 Referans Kwoze

Yesaya 40:5

Ndipo unkhankhu wa Ambuya ukavumburikanga, ndipo nyama yose yikawuwoniyanga pamoza, pakuti mlomo wa Ambuya warongoro.”

Maŵerengedu 16:11

Sono imwe ndi mpingu winu wose mwaungana pamoza kumikana ndi Ambuya; Aroni nkhanthu uli kuti mundandauliye iyo?”

Yohane 11:40

Wamnene Yesu, “Asi ndingukunene kuti, asani ungavwana, ukawonanga unkhankhu waku Chiuta?”

Yohane 11:4

Wanguti wavwa Yesu, wanguti, “Urwali uwu kuti ngwa ku nyifwa cha, kweni ngwa pa chifwa cha unkhankhu waku Chiuta, alinga kuti Mwana waku Chiuta wakankhuskike chifukwa chaku wo.”

Yesaya 35:2

likachitanga maluŵa ghakupasiya; uli ndi hanyezi likachitanga maluŵa ghanandi. Kusangaruka ndi likondwa ndi kumba, unkhankhu wa Lebanoni ukapaskikanga kwaku lo, kuziza kwa Karmele ndi Sharoni. Ŵakawonanga unkhankhu wa Ambuya, kuziza kwaku Chiuta widu.

Chituwa 40:34

Sono mtambo unguvimba pa hema lakuwunganamo ndi unkhankhu wa Ambuya unguzaza hema lakupaturika.

Chituwa 16:10

Ndipo penipo Aroni warongoronga ku mpingu wose wa ŵaYisraele wangulereska ku bizwa, ndipo wanguwona unkhankhu wa Ambuya unguwoneka mu mtambo.

Maŵerengedu 16:42

Ndipo penipo mpingu unguwungana kumikana ndi Mosese ndi Aroni, iwo ŵangulereska ku hema lakuwunganamo; ŵanguwona mtambo ungulivunikiriya, ndipo unkhankhu wa Ambuya unguwoneka.

Maŵerengedu 14:10

Kweni mzinda wose watinge tiŵadine ndi mya. Sono unkhankhu wa Ambuya unguwomeka pa hema lakuwunganamo ku ŵaYisraele wose.

Maŵerengedu 14:27

“Mpaka zuŵanji ndikunthiyengepo pa wumba uheni uwu wo udinginika kumikana nane? Ndavwa madinginiku gha ŵaYisraele, gho ŵadinginikiya pa ku Ine.

Chituwa 24:16

Unkhankhu wa Ambuya unguma pa phiri Sinai, ndipo mtambo ungulivimba mazuŵa ghankhonde ndi limoza; ndipo pa zuŵa la chinkhonde ndi chiŵi wangudanilizga kwaku Mosese kutuliya mu mtambo.

Chituwa 24:10

ndipo ŵanguwona Chiuta wa ŵaYisraele, ndipo pasi pa marwayo ghake penga uli nkhanthowa ka mya yasangarawe, kukozgana ndi kuchanya iko kungweruka.

ŴaLevi 9:6

Mosese wanguti, “Ichi ndicho Ambuya angumulanguliyani kuti muchichite, ndipo unkhankhu wa Ambuya ukamuwonekiyaninga.”

Chituwa 16:12

“Ndavwa madinginuku gha ŵaYisraele, uŵakambiye ndi mazulo pa kuchita fyepere mukarghanga nyama, ndipo ndi mlenji mukagutanga chiŵande; po ndipo mukaziŵanga kuti ndine Ambuya Chiuta winu.”

Chituwa 16:8

Ndipo Mosese wanguti, “Penipo Ambuya atukupaskani nyama ndi mazulo kwachirgha ndipo ndi mlenji chiŵande cha mgutu, chifukwa Ambuya avwa madinginiku ghinu gho mudinginikiya paku iwo te kane ifwe? Madinginiku ghinu kuti ghe paku ifwe cha kweni pa Ambuya.”

Maŵerengedu 17:5

Ndipo ndodo ya munthu yo ndikamusankhanga yikamenga; umu ndimo ndimariskeyenge madinginiku gha ŵaYisraele, gho ŵadinginikiya paku iwe.”