Chituwa 16:34 - Tonga Bible 1986

³⁴ Uli ndimo Ambuya angulanguliya Mosese, viyo Aroni wangumujalika paurongo pa mwa wo wa marangu kuti chisungike.

Chituwa 16:34 Referans Kwoze

Chituwa 27:21

Mu chihema chakuwunganamo ku bwalo kwa chivwinkhu chenicho che paurongo pa phanganu, Aroni ndi ŵana ŵake ŵanthurumi ŵatakatake ndicho, kwamba ndi mazulo mpaka mlenji paurongo pa Ambuya. Likaŵanga lamulu lakulembeka muyayo kulikoleze mu migonezi yawo ŵaYisraele.

Chituwa 25:21

Ndipo mukaŵikanga chitengo cha lisungu pachanya pabokosi; ndipo mukati mu bokosi mukaŵikangamo phanganu lenilo ndikakupaskaninga.

Chituwa 25:16

Ndipo mukaŵikanga mu bokosi mabuku gha phanganu gho ndikakupaskaninga.

Maŵerengedu 17:10

Ambuya angunena ndi Mosese, “Wezgiyapo ndodo yaku Aroni paurongo pa chisimikizgu, yisungikiye kuŵa chakuwoniyapo ku ŵakugaruka, kuti umare madinginiku ghawo kumikana ndi ine, vinu ŵangafwa.”

Chituwa 40:20

Ndipo wanguto mya ya ukaboni ndi kuyiŵika mu bokosi, ndi wanguŵikapo vyakupingiya bokosi ndi wangumika chitengo cha lisungu pachanya pa bokosi;

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

Chituwa 30:36

Ndipo usiri vinyake kuŵa vimana ukongwa, ndipo vinyake vyaku vyo uŵike paurongo pa phanganu mu hema lakuwunganamo mwenimo ndikakumananga namwe; vikaŵanga kwinu vyakupaturika ukongwa.

Chituwa 30:6

Ndipo mukaliŵikanga paurongo pa chisaru chakuchinga cho che pafupi ndi bokosi la phanganu, paurongo pa chitengo cha lisungu cho che pachanya pa phanganu, penipo ndikakumananga namwe.

1 ŴaKaronga 8:9

Mubokosi la phanganu mwengayi kanthu kweni magome ghaŵi gha mya gho wanguŵikamo Mosese pa Horebi, pa malo ghenigho Ambuya anguchita phanganu ndi khamu laku Yisraele, ŵanguti ŵatuwa mu charu cha Egipiti.

Marangu 10:5

Ndipo ndingung'anamuka ndi kusika mu phiri ndi kuŵika mya ya vipapate yo ndingupanga mu bokosi, ndipo ye mwenimo kwakuyana nge ndimo Ambuya angundilanguliya.”

Maŵerengedu 1:53

kweni ŵaLevi ŵakagoŵanga kwakuzunguliya chihema chachisimikizgu mwakuti paulevi kusikiyakandundu pa mpingu wa ŵaYisraele; ndipo ŵaLevi ŵakatufuliyanga chihema chachisimikizgu.”

Maŵerengedu 1:50

kweni utondonge, ŵaLevi kuŵa ŵakusunga chihema chachisimikizgu, ndi viyaŵi vyake vyose, ndi vyose vyakuŵamo, ndiwo ŵakapinganga chihema cho ndi vyakutataliya vyake vyose, ndiwo ŵakachiphwerenga, ndipo ŵakamikanga mahema ghawo kuchizingirizga cho.

Chituwa 38:21

Uwu ndiwo unandi wa vinthu vya hema lakupaturika, hema la ukaboni, nge vinguŵerengeka ndi lamulu laku Mosese, vya nchitu ya ŵaLevi pasi paurongozge waku Itamara mwana munthurumi waku Aroni mzukuru yo wanguŵarongo.