Chituwa 16:3 - Tonga Bible 1986

³ ndipo ŵanguti kwaku wo, “Mphanyi tingufwa ku janja la Ambuya mu charu cha Egipiti penipo tawonanga mimphika ya nyama ndi tingurgha chiŵande kwakuguta, pakuti imwe mwatitore mu bozwa ili kuzachibaya wumba wose uwu ndi nja.”

Chituwa 16:3 Referans Kwoze

Chituwa 17:3

Kweni ŵanthu ŵangukoreka ndi nyota, ndipo ŵanthu ŵangudinginikiya Mosese ŵanguti, “Chifukwa chine ungutituzga mu charu cha Egipiti, kuzachitibaya ndi ŵana ŵidu ndi ng'ombe zidu ndi nyota?”

Chitenje 4:9

Wo ŵangubayika ndi lipanga ŵangufwa umampha, kwakuruska ŵakubayika ndinja, ŵeniwo ŵangusuzgika chifukwa cha kusoŵa vyakurgha vyamu minda.

Marangu 28:67

Asani kwacha ndi mlenji mukambenge kuti, ‘Mphanyi kungufipa,’ ndipo ndi mazulo mukambenge kuti, ‘Mphanyi kwenga mlenji!’ Chifukwa cha chofyo cho mtima winu uwopenge, ndi vyakuwoneka vyo maso ghinu ghawonenga.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Maŵerengedu 14:2

Ndipo ŵaYisraele wose ŵangudinginikiya Mosese ndi Aroni; wumba wose watinge, “Kwenga kwamampha asani tingufwiya mu Egipiti! Kwakuruska kufwiya mu mabozwa yagha!

1 ŴaKorinte 4:8

Mwakhorwa kali, mwasambasa kali, mwausa kwambura ifwe: inya mphanyi munguwusa mwakuti nafwe so tiuse pamoza namwe.

Yoswa 7:7

Ndipo Yoswa wanguti, “Owe, Ambuya Chiuta, na chifukwa nchine mwambuska ŵanthu yaŵa pa Yordane, kuzachitipereka mu manja gha ŵa Amori, kutimara? Kwenga kwamampha tatinge tikhorwenge kuja kusirgha ku Yordane!

2 ŴaKorinte 11:1

Mphanyi mungakunthiyapo nane mu kupusa kumanavi. Nadi kunthiyanipo nane.

Machitidu gha Ŵakutumika 26:29

Ndipo Paulo wanguti, “Pamwenga yifupi pamwenga yitali, ndiromba Chiuta kuti mphanyi imwe mwija pe cha, kweni so wose wo ŵatindivwa msana wale, mungaŵa ulaka ndimo ndiliri ine, kweni kwambura magoŵa ghenagha.”

Jobu 3:20

“Chifukwa nchine ukweru upaskika ku munthu yo ngwakusuzgika ndi umoyo kwaku wo mbakupwetekeka mu mitima.

Jobu 3:10

Chifukwa ungureka kujara makhomo gha nthumbo ya ama chingana nkhubisa suzgu ku maso ghangu.

Jobu 3:1

Pavuli paku ichi Jobu wangubanuwa mlomo wake, ndi wangutemba zuŵa la kawi kake.

2 Samuele 18:33

Ndipo karonga wangusuzgika ukongwa mu mtima ndipo wangukwere mu chipinda cha pachanya pa chipata wangutenje, wachikwera watinge, “Owe mwana wangu Absalomu, mwana wangu, mwana wangu Absalomu! Mphanyi ndingufwa ine mu malo mwaku iwe, Owe Absalomu mwana wangu, mwana wangu!”

Marangu 8:3

Wangumuchepeskani kumutandalikani ndi nja, ndipo wangumuhiŵani ndi mana ghenigho kuti mungughaziŵa cha, chingana mbauskemwe ŵengavi kughaziŵa. Wanguchita viyo mwakuti wamuziŵiskeni kuti munthu waja ndi umoyo ndi chiŵande pe cha, kweni munthu wajaliya wamoyo ndi mazu ghose ghakutuwa mu mlomo wa Ambuya.

Maŵerengedu 16:41

Kweni ndi mlenji mpingu wose wa ŵaYisraele ungumikana ndi Mosese ndi Aroni, kuti, “Mwabaya ŵanthu ŵa Ambuya.”

Maŵerengedu 16:13

Kumbi nkhanthu kamanavi kuti iwe ukutituzga mu charu chakutaŵara mkaka ndi uchi, ndi kuzachitibaya mu bozwa, ndi kuti uzijisanduske wija kuŵa fumu yidu?

Maŵerengedu 11:15

Ndipo asani muchitenge nani viyo, iku ndibayeni ŵaka, asani mutindanja, kuti ndireke kuwona soka langu.”

Chituwa 5:21

ndipo ŵanguti kwaku wo, “Ambuya alereskepo paku imwe ndi ŵeruzgi, chifukwa mwatiguŵiska mu maso ghaku Farao ndi ŵateŵeti ŵake; ndipo mwaŵika lipanga mu janja lawo kutibaya.”

Chituwa 2:23

Pavuli pa mazuŵa ghanandi karonga wa Egipiti wangufwa. Ndipo ŵaYisraele ŵangukomwa mu uŵanda wawo, ndipo wanguliriya chovyo, ndipo kuliya kwawo kwa mu uŵanda kungufika kwaku Chiuta.

Maŵerengedu 14:3

Chifukwa nchine Ambuya atitore ku charu chinu, kuti tifwe ndi lipanga? Ŵawoli ŵidu ndi ŵana ŵidu ŵaŵenge ŵakuskoŵeka; Asi nkhwamampha kwaku ifwe kuti tiwerenge ku Egipiti?”

Sumu 78:19

Ŵangumikana ndi Chiuta, ŵakuti, “Kumbi Chiuta wanguziŵa kunozga gome mu bozwa?

Sumu 78:25

Munthu wangurgha chiŵande cha ŵangelo; Chiuta wanguŵapaska kurgha kunandi.

Yeremiya 42:14

‘Awa, tikarutanga ku charu cha Egipiti, kweniko kuti tamuwona nkhondo cha, pamwenga kuvwa mazu gha mbata, pamwenga kufwa ndi nja chifukwa cha kusoŵa chiŵande, ndipo tamuja kwenikuwa,’

Yeremiya 44:17

Kweni tikachitanga chose cho tikupangana ndi rapu, koche vyachema fumukazi ya kuchanya, ndi kumpaska chisopo chakudira, nge ndimo tachitiyanga tose ifwe, auskefwe, ŵakaronga ŵidu ndi ŵaraŵara ŵidu, mu misumba yaku Yuda ndi mu miseu ya Yerusalemu. Pakuti pa nyengo ndipo tengavi kuwona kaheni.

Chituwa 14:11

ndipo ŵanguti kwaku Mosese, “Kumbi nchifukwa chakuti mulivi miunda mu Egipiti, po watituzgamo kuzachifwiya mu bozwa? Nchine cho wachita kwaku ifwe, pakutituzga mu Egipiti?

Maŵerengedu 11:20

Kweni mwezi uzirima mpaka po yatuliya mu phunu zinu ndi yamutinkhani, chifukwa mwayeya Ambuya wo ŵe mukati mwinu, ndipo mwaliya pa maso pawo, kuti, “Chifukwa cho tingutuliya mu Egipiti nchine?” ’ ”

Maŵerengedu 21:5

Ndipo ŵanthu ŵangurongoro kwaku mikana ndi Chiuta ndi kwaku mikana ndi mosese, ŵatinge, “Mungutituzgiyanji mu Egipiti kuti tizifwiyi mu bozwa? Pakuti mulivi kurgha nanga ndi maji, ndipo tavuka ndi kurgha uku kwambura kwenere.”

Sumu 107:5

Ŵenga ŵanja ndi ŵanyota, ndipo ŵangutaya chigomezgu chose.