Chituwa 16:15 - Tonga Bible 1986

¹⁵ Penipo ŵaYisraele ŵati ŵakawona, ŵanguti yumoza kumunyake, “Nchine ichi?” Pakuti ŵengavi kuziŵa kuti chenga chine. Ndipo Mosese wanguti kwaku wo, “Nchiŵandi cho Ambuya akupaskani kurgha.

Chituwa 16:15 Referans Kwoze

Chituwa 16:4

Ndipo Ambuya anguti kwaku Mosese, “Ehe, ine ndikang'iskanga chiŵande kutuliya kuchanya chaku imwe; ndipo ŵanthu ŵakarutanga kwachiyora vya zuŵa limoza, zuŵa ndi zuŵa, alinga ndiŵese, manyi ŵakendanga mu dangu langu, pamwenga awa.

Yohane 6:58

Chenichi nchiŵande chakusoromoka kuchanya: kuti chenge nchiŵande cho ŵangurgha auskemwe ndipo ŵakufwa cha; yose wakurgha chiŵande ichi wajaririyenge wamoyo muyaya.”

Chituwa 16:31

Sono ŵaYisraele ŵanguvidana zina lake mana: vyenga nge ndi mbeu ya maŵe vituŵa, ndipo kawonekedu kake kenga nge ndi viŵandi vipepu vyakuŵikako uchi.

Marangu 8:3

Wangumuchepeskani kumutandalikani ndi nja, ndipo wangumuhiŵani ndi mana ghenigho kuti mungughaziŵa cha, chingana mbauskemwe ŵengavi kughaziŵa. Wanguchita viyo mwakuti wamuziŵiskeni kuti munthu waja ndi umoyo ndi chiŵande pe cha, kweni munthu wajaliya wamoyo ndi mazu ghose ghakutuwa mu mlomo wa Ambuya.

1 ŴaKorinte 10:3

ndipo wose ŵangurgha chakurgha cha Mzimu waku Chiuta unguŵapaska;

Nehemiya 9:20

Mungupaska mzimu winu kuŵarunguchizga, ndipo mwengavi kunora milomo yawo mana ghinu, ndi munguŵapaska maji pa nyota yawo.

Nehemiya 9:15

Munguŵapaska chiŵande kutuliya kuchanya chifukwa cha nja yawo ndi munguŵatuzgiya maji mu jarawe chifukwa cha nyota yawo, ndipo munguŵanene kuti ŵaruti kwachihara charu chenicho mungulumbila kuŵapaska.

Yoswa 5:12

Mana ghangureka ndi mlenji, penipo ŵangurgha vipasi vya charu cho; ndipo ŵaYisraele kuti ŵanguŵa so ndi mana cha, kweni mu chirimika chiya ŵangurgha vipasi vya charu cha Kanani.

Yohane 6:49

Auskemwe ŵangurgha mana mu bozwa, ndipo ŵakufwa.

Marangu 8:16

Mweniyo wangukukuhiŵani mbozwa ndi mana ghenigho auskemwe ŵengavi kughaziŵa, mwakuti wamuchepeskeni ndi wamweseni, kumuchitiyani umampha pa umari.

Maŵerengedu 21:5

Ndipo ŵanthu ŵangurongoro kwaku mikana ndi Chiuta ndi kwaku mikana ndi mosese, ŵatinge, “Mungutituzgiyanji mu Egipiti kuti tizifwiyi mu bozwa? Pakuti mulivi kurgha nanga ndi maji, ndipo tavuka ndi kurgha uku kwambura kwenere.”

Chituwa 16:33

Ndipo Mosese wanguti kwaku Aroni, “To barasuma, yumoza, ndipo uŵikemo mana ghakukwana sokora yimoze mukati, ndipo umuŵike paurongo pa Ambuya, kuti wasungikenge mu migonezi yinu yose.”

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

ŴaHebere 9:4

chakuŵa ndi chisoperu cha golide chachema, ndi bokosi lo la chipanganu lakumatika kosekose ndi golide, mwaku lenilo mwenga msuku wa golide mwaku wo mwengamana, ndi ndodo yo yaku Aroni yo yatundanga, ndi viŵaraŵaja vyo vya chipanganu;

Luka 12:30

Chifukwa vyose vyenivyo mitundu ya charu yilembe: Auskemwe ŵaziŵa kuti mukavuka vyenivyo.

Nthanthi 9:5

“Zanga, uzirghepo chiŵande changu, ndi kumwapo vinyo yo ndatimphulingang'a.

Sumu 78:24

wangung'iska mana paku iwo kuŵa kurgha, ndi kuŵapaska mbutu ya kuchanya.

Sumu 105:40

Ŵangufumba, anguŵapaska tumbuŵi, anguŵapaska kurgha kutuwa kuchanya, kuŵagutiska.