Chituwa 15:9 - Tonga Bible 1986

⁹ Wamawongo wanguti, ‘Ndikandondoloskanga, ndikaŵakonga, ndikagaŵanga vyakuskowa, khumbo langu likagutiskikanga ndi vyenivi, ndikawewepuwanga lipanga langu, janja langu likaŵamaranga.’

Chituwa 15:9 Referans Kwoze

Ŵeruzgi 5:30

‘Ndiku kuti wasaniya miskowo sono ŵagaŵana? Mwali yumoza pamwenga ŵaŵi ku munthurumi we yose; miskowo ya vinthu vyakuzganga njaku Sisera, miskowo ya vinthu vyakuzganga, vyakuzgangika viŵi vya maŵangamaŵanga vyakudyoŵe khosi la wakupunda.’

Chituwa 14:5

Penipo wangumunene karonga wa Egipiti kuti ŵanthu ŵa ŵathaŵa, maghanaghano ghake ndi gha ŵaŵanda ŵake ghangusintha pa ŵanthu ŵa; ndipo wanguti, “Nchine chenicho tachita, po tazomerezga ŵaYisraele kuruta ndi kureka kutiteŵete?”

Luka 11:22

Kweni asani wanthazi kwaku iyo waziya pake ndi kumgoda, waphanga vidya vyake mwaku vyo wagomezga ndipo miskowu yake wagaŵa.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Habakuku 3:14

Mungurasa mutu wa ŵankhondo ŵake ndi mikondo yinu, wo ŵanguza nge ndi kavuruvuru kundiparghang'a, wakukondwa, kusere kwako kwenga nge nkhudoso ŵakavu ku ubendi.

Chiyambo 49:27

“Benjamini ndi mphumphi yakuŵenkha, ndi mlenji yiturgha nyama, ndipo ndi mazulo wagaŵa vyakuskowa.”

Yesaya 36:20

Mba chiutanji mukati mu ŵachiuta ŵa charu ichi ŵakutaska vyaru vyawo ku janja langu, kuti Ambuya angataska Yerusalemu ku janja langu?’ ”

1 ŴaKaronga 20:10

Benehadadi wangutuma so mazu kwaku iyo wanguti, “Wachiuta ŵandichitiye ichi, ndi kusazgiyapo so, asani fuvu laku Samaria likakwananga kuzaza manja gha ŵanthu wose wo ŵatindirondo.”

1 ŴaKaronga 19:2

Sono Yezebelu wangutuma thenga kwaku Eliya, kuti, “Viyo so ndimu ŵachitiyi ŵachiuta kwaku ine, ndi kuruskako so, asani umoyo wako ndirekenge kuwuchita ulaka mbumoyo wa yumoza waku wo pa nyengo nge ndi iyi la mawa.”

1 Samuele 30:8

Ndipo Davidi wangufumba ku Ambuya, “Kumbi ndingalirondo liŵanja ili? Kumbi ndakuŵasaniya?” Ambuya angwamuka, “Ŵarondo; kwakuneneska wamkuŵasaniya ndipo nadi wamukuŵakwamphuwa.”

2 Samuele 22:38

ndingulondo ŵarwani ŵangu ndinguŵabwanganduwa kuti ndinguwere vuli cha mpaka po ndinguŵamara.

Nthanthi 16:19

Nkhwamamphaku kuŵa ndi mzimu wakujiyuyuwa pamoza ndi ŵasauchi, kwakuruska kugaŵana vyachiskoŵa ndi wakukondwa.

Yeremiya 46:17

Danani zina laku Farao karonga wa Egipiti, ‘Wachiwawa mweniyo wazomerezga nyengo kudumuwapo.’