Chituwa 15:7 - Tonga Bible 1986

⁷ Mu ukuru wakutumbwa kwinu kwa ukaronga muphwanya ŵakupindikana ŵinu, mutuma ukari winu, utuŵargha uli ndi mbuwa.

Chituwa 15:7 Referans Kwoze

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Yesaya 47:14

Ehe, ŵenga ndi mbuwa, moto utiŵargha kuti ŵaziŵa kujipozomoska cha ku nthazi ya mlipu. Kuti ndi maka ghakothako cha, palivi moto wakujapo!

Yesaya 37:29

Chifukwa wandikaripiya ndipo kujikuzga kwako kwavwika mu makutu ghangu, ndikaŵikanga mbeja yangu mu mphunu yako ndi chimangiru changu mu mlomo wako, ndipo ndikawezgiyanga mu nthowa yeniyo unguzamu.’

Yesaya 5:16

Kweni Ambuya ŵa maŵanja ŵakuzgika mu cheruzgu chirunji, ndipo Chiuta wakupaturika watijirongo wakupaturika mu urunji.

Sumu 148:13

Wose ŵarumbe zina la Ambuya, pakuti zina lawo pe ndilo le pachanya; unkhankhu wawo we pachanya pa charu chapasi ndi kuchanya!

Sumu 83:13

Chiuta wangu, muŵambininiske nge ndi fuvu, nge ndi mwere wo mphepo yiputiska.

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.

Machitidu gha Ŵakutumika 9:4

Ndipo wati wawa pasi wanguvwa liu lakukamba nayo, “Saulo, Saulo, chifukwa chine utindiŵemba ine?”

Mateyu 3:12

Mweniyo chipepeteru chake che mu janja lake, wakatoweskanga mbuli wake; ndi kuwunjika trigu wake mu nkhokwe, kweni wamukocha mwere ndi moto wambura mazimwika.”

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

Zekariya 14:3

Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Mika 4:11

Sono mitundu yawunjikanakumikana namwe, kuti, “Rekani ŵakazuzgike, ndi maso ghidu ghalereske pa Zioni.”

Yeremiya 10:6

Kulivi nanga njumoza wakukozgana namwe, Ambuya mwe; mwe ŵakuru, ndipo zina linu nda nthazi ukongwa.

Yesaya 37:38

Ndipo penipo wasopanga mu nyumba yaku Nisiroki chiuta wake, Adrameleke ndi Sharezara, ŵana ŵake, ŵangumubaya ndi lipanga, ndipo ŵanguthaŵiya mu charu cha Ararati ndipo Esarahadoni mwana wake wanguusa mu malo ghake.

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

Yesaya 37:17

Tegherezgani gutu linu, Ambuya, ndipo vwani; jurani maso ghino Ambuya mwe, ndi wonani; ndipo vwani mazu ghose ghaku Senakeribu, gho watuma ghakuyeya Chiuta wamoyo.

Sumu 68:33

Kwaku iwo ŵakugara pa mitambo, pa mitambo ya mwaka! Tegherezgani kwaku iwo, kamburani ndi kubangura kwa nthazi!

Sumu 59:13

ŵamareni mu ukari winu, ŵamareni alinga kuti ŵareke kuwonekapo so, mwakuti ŵanthu ŵaziŵe kuti Chiuta wausa paku Yokobe, mpaka ku vigoti vya charu.

Chituwa 9:16

Kweni pa chifukwa ichi ndamuzomerezgani kuŵa ŵamoyo, kumurongoni nthazi yangu, alinga kuti zina langu litaulike mu charu chose chapasi.

ŴaHebere 12:29

chifukwa nadi Chiuta widu ndi moto wakunyeka.

Chituwa 14:27

Viyo Mosese wangutambaluriya janja lake pa nyanja, ndipo nyanja yo yinguwere mu malo ghake wati wawoneka mlenji; ndipo ŵaEgipiti ŵanguthaŵiya mwenimo, ndipo Ambuya angupunda ŵaEgipiti mukati mu nyanja.

Marangu 4:24

Chifukwa Ambuya Chiuta winu ndi wakunyeka, Chiuta wa sanji.

Chituwa 5:12

Viyo ŵanthu ŵanguparghang'ikana uku ndi uku mu charu cha Egipiti kwachiwunjika viputu mu malo gha uteka.

Jobu 9:4

Ngwazeru mu mtima ndi wakurimba mu nthazi. Njani wajingangamiska kumikana nayo ndi wapunda?