Chituwa 15:2 - Tonga Bible 1986

² Ambuya ndi nthazi yangu ndi sumu yangu, ndipo aŵa iwo utaski wangu: mweniyo ndi Chiuta wangu, ndipo ndikamurumbanga, Chiuta wa ada, ndipo ndikamukuzganga.

Chituwa 15:2 Referans Kwoze

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Sumu 118:14

Ambuya ndi nthazi yangu ndi sumu yangu; ndiwo Mtaski wangu!

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Sumu 59:17

Owe, Ŵanthuzi zangu, ndimbiyenge marumbu kwaku imwe, pakuti imwe, A Chiuta, mwaŵa linga langu, Chiuta yo watindirongo chanju chikuru.

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

Sumu 140:7

Ambuya, Chiuta wangu, Mtaski wangu nthazi, mu nkhondo mungundivikiriya.

Sumu 99:9

Tumbikani Ambuya Chiuta widu, ndipo musopeni pa phiri lake lakupaturika! Ambuya, Chiuta widu ndi mtuwa!

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

ŴaFilipi 2:11

ndipo kuti lilime lose lizomerezge kuti Yesu Kristu ndi Mbuya, ku unkhankhu waku Chiuta Dada.

Sumu 118:28

Ndimwe Chiuta wangu, ndiwongenge imwe; ndimwe Chiuta wangu, nditaulenge ukuru winu.

Sumu 99:5

Tumbikani Ambuya Chiuta widu; sopani paurongo pa chitengo chake! Wakupatruika ndiyo!

Sumu 34:3

Kuzgani Ambuya pamoza nane, tiyeni titumphuskiye pamoza zina lawo!

Marangu 10:21

Ndiyo unkhankhu winu, ndiyo Chiuta winu, mweniyo wamuchitiyani vinthu vikuru ndi vyakofya, vyo maso ghinu ghawona.

Chituwa 3:6

Ndipo wanguti, “Ndine Chiuta wa ausu, Chiuta waku Abrahamu, Chiuta waku Yisaki, ndi Chiuta waku Yakobe.” Ndipo Mosese wangubisa chisku chake, pakuti wanguthenthema kulereska paku Chiuta.

2 ŴaKorinte 5:19

nge nkhuti Chiuta wenga mwaku Kristu wakwanjaniskiya charu kwaku yija, wakuŵapimiya vilakwa vyawo cha, ndi wakutipazgiya ifwe mazu gha chanjanisku cho.

Machitidu gha Ŵakutumika 4:12

Ndipo kuti mwe utaski mu munyake cha, chifukwa chingana nkhuti kwe zina lamwenga cha pasi pa kuchanya, lakupaskika mu ŵanthu, mwaku lenilo tingataskikiya.”

Sumu 145:1

Ndikankhuskenge imwe, Chiuta wangu ndi karonga; nditumbikenge zina linu muyaya ndi muyaya.

2 Samuele 22:47

“Ambuya mbamoyo; litumbikike jarawi langu, ndipo wakwezgeke Chiuta wangu, jarawi la utaski wangu,

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Chituwa 4:22

Ndipo iwe wamukamba kwaku Farao, ‘Viyo ndimo anene Ambuya, Yisraele ndi mwana wangu waumwali,

ŴaEfeso 2:22

mwaku mweniyo imwe namwe muzengeka pamoza kuŵa chakujamo chaku Chiuta mu Mzimu.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Sumu 109:1

A Chiuta, ndirumba imwe; rekani kuja chisisi!

Sumu 27:1

Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

Chituwa 40:34

Sono mtambo unguvimba pa hema lakuwunganamo ndi unkhankhu wa Ambuya unguzaza hema lakupaturika.

Chivumbuzi 19:1

Ndipo pavuli ndinguvwa ulaka ndi mazu ghakuru gha mzinda ukuru kuchanya, ghakuti, “Aleluya, Utaski ndi unkhankhu ndi nthazi vyo vyaku Chiuta widu:

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Yohane 4:22

Imwe musopa cho mulive kuziŵa: ifwe tisopa cho tiziŵa: pakuti utaski ngwakutuwa ku ŵaYuda.

Luka 2:30

pakuti ghawona maso ghangu utaski winu,

Luka 1:77

kwachiziŵiska Utaski ku khamu lake mu chireke cha vyakulakwa vyawo,

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Yeremiya 32:38

Ndipo ŵakaŵanga ŵanthu ŵangu, ine ndikaŵanga Chiuta wawo.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Yeremiya 3:23

Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

Yesaya 66:1

Viyo atiti Ambuya: “Kuchanya nchitengo changu charu chapasi ndi mpando wa marwayo ghangu; ndi nyumba uli yo mungandizenge ine, ndipo ndi malo uli gha chipumulu changu?

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Sumu 132:5

mpaka penipo ndaŵasaniriya malo Ambuya, malo ghakujamo wanthazi zose waku Yakobe.”

Sumu 68:20

Chiuta widu ndi Chiuta wa utaski; ndi Ambuya, Mbuyafwe, yo watitipozomoska ku nyifwa.

Sumu 30:1

Nditumphuskenge imwe, Ambuya chifukwa mwandisoske pachanya, ndipo mwachetamiska ŵamawongo ŵangu kukondwere paku ine.

Sumu 28:8

Ambuya ndi nthazi ya ŵanthu ŵawo nchakudingang'amo cha utaksi ku wakupakika wawo.

Sumu 22:10

Paku imwe ndinguperekeka kutuwa ku kawi kangu, ndipo kutuwa kunthumbu ya ama Chiuta wangu ndimwe.

Sumu 22:3

Ndipuuli, Imwe ndimwe ŵatuŵa, ŵakuja pa marumbu ghaku Yisraele.

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

1 ŴaKaronga 8:13

Ndakuzengiyani nyumba ya kuzirwa, malo ghinu ghakujamo muyaya.”

2 Samuele 22:51

Apaska upundi ukuru ku karonga wawo, ndi kurongo lisungu la kwanja ku wakupakika wawo; kwaku Davidi ndi ku mphapu yake muyaya.”

2 Samuele 7:5

“Ruta kamunene mteŵeti wangu Davidi, ‘Viyo atiti Ambuya: Kumbi undizengiyenge ine nyumba yakujamo?

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

ŴaKolose 2:9

Pakuti mwaku iyo ndimo mwe uzali wose wauchiuta muliŵavu,

Chiyambo 49:18

Ndilindizga utaski winu, Ambuya.

Ŵeruzgi 5:21

Mweza wa Kishoni unguŵakukurwiska, mweza wakuchimbiya, mweza wa Kishoni, chimbyanga ku nthazi, wa mzimu wangu, ndi nthazi!

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Habakuku 3:13

Mungutuwa chifukwa cha kutaska ŵanthu ŵinu, chifukwa cha kutaska wakupakika winu. Munguphwanya mutu wa muheni, ndi kumlarika wankhuli kwamba ku chigha kufika ku khosi.

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

2 Samuele 7:24

Ndipo imwe mukujimiskiya imwe mwaŵeni khamu linu Yisraele kuŵa ŵanthu ŵinu muyaya; ndipo imwe, A, Ambuya mukuŵa Chiuta wawo.

2 Samuele 22:3

Chiuta wangu, jarawi langu, mwaku mweniyo ndidingang'a, nguru yangu, ndi mtaski wangu wa nthazi, linga langu ndi chakudingang'amo changu, mtaski wangu, imwe mutinditaska ku mbembe.

1 Mikoka 16:14

Iyo ndi Ambuya Chiuta widu; vyeruzgu vyake vye mu charu chose chapasi.

Sumu 118:21

Ndimuwongani chifukwa mwandamuka, ndipo mwaŵa chipozomosko changu.