Chituwa 15:19 - Tonga Bible 1986

¹⁹ Pakuti penipo ŵakavalo ŵaku Farao ndi magareta ghake, ndi ŵakukwera pa ŵakavalo ŵake ŵangusere mu nyanja, Ambuya anguwezge maji gha nyanja paku wo; kweni ŵaYisraele ŵangwenda pa mtunda uyumu mukati mu nyanja.

Chituwa 15:19 Referans Kwoze

ŴaHebere 11:29

Ndi chivwanu ŵangwambuka Nyanja Yiyera yo nge mpha yumu: yeniyo ŵa Egipiti nawo pakwesa kwambuka ŵangubira.

Nthanthi 21:31

Kavalo warongosoleke zuŵa lankhondo, kweni kupunda nkhwa Ambuya.

Yesaya 43:17

mweniyo watuzga gareta ndi kavalo, liŵanja la nkhondo ndi ŵakurwa; ŵagona pasi kuti ŵangayuka cha, ŵamara, ŵazimwa nge nchisunda.

Yoswa 4:23

Pakuti Ambuya Chiuta winu wangukamuska maji gha mu Yordane chifukwa chinu mpaka penipo mungwambuka; nge ndimo Ambuya Chiuta winu wanguchitiya pa Nyanja Yiyera, yo wangukamuskiya ifwe, mpaka po tingwambuka,