Chituwa 15:15 - Tonga Bible 1986

¹⁵ Sono mafumu ghamu Edomu ghadika nthazi: ŵarongozgi ŵa Moabu kwaŵako kunjenjeme, wose ŵakuja mu Kanani ŵasongonoka.

Chituwa 15:15 Referans Kwoze

Yoswa 5:1

Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.

Yoswa 2:11

Ndipo tinguti tavwa ghenigho, mitima yidu yingusongonoka, ndipo pengavi munthu nanga njumoza yo wangujako wakukhwima, chifukwa chine; pakuti Ambuya Chiuta winu ndiyo Chiuta wa kuchanya ndi charu chapasi.

Yoswa 2:9

wangunena nawo, “Ndiziŵa kuti Ambuya ŵakupaskani charu ichi, ndikuti chofyo chinu chasikiya paku ifwe, wose ŵakuja mu charu ichi ŵasongonoka paurongo pinu.

Marangu 2:4

Uŵanene ŵanthu kuti, Murute makaporote mu charu cha ŵabali ŵinu, ŵana ŵake Esau, wo ŵaja mu Seiri, ndipo ŵamukopa imwe. Viyo muchenje,

Chiyambo 36:40

Yagha ndi mazina gha vinkhara vyaku Esau, kwakulingana ndi nyumba zawo ndi malo ghawo ghakujamo, mwa mazina ghawo: Vinkhara Timina, Alva, Yethete,

Habakuku 3:7

Ndinguwona mahema ghaku Kusana mu suzgu vyakuchinga vya charu chaku Midiani vingusukunika.

Nahumu 2:10

Wapasuka! Phasulo ndi pharghaniko! Mitima yitufwa msara ndipo makongono ghabwaskana, kuŵaŵa kwe mu viwunu vyose, visku vyose vyasanduka!

Ezekiele 21:7

Ndipo po ŵakakambanga nawe kuti, ‘Utamanthiyanji?’ iwe unene kuti, ‘Chifukwa cha makani. Ghatakuti ghaza, mtima wose ukasongonokanga manja ghose ghakaŵanga ghambura nthazi, mzimu wose ukakomokanga ndipo makongono ghose ghakazizilanga nge ndi maji, Ehe, ghatuza ndipo ghakafiskikanga,’ ” atiti Ambuya Chiuta.

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Yesaya 13:7

Viyo manja ghose ghakakwinyatanga, mtima wa munthu yose ukasongonokanga,

Sumu 68:2

Mo usi uputiya ndi mphepo, ndimo muŵambininiskiye; mo phura lisungonoke paurongo pa moto, viyo ndimo ŵasoŵe ŵaheni pa maso ghaku Chiuta.

2 Samuele 17:10

Paku ichi nanga nchinkhara, yo mtima wake wenge ndi mtima wa nkharamu. Wasongonokenge ndi mantha; pakuti Yisraele yose waziŵa kuti ausu nchinkhara, ndipo nanga mbanthu wo ŵenawo vinkhara.

1 Samuele 14:16

Ŵalonda ŵaku Sauli pa Gibea waku Benjamini pakulereska; ŵanguwona mzinda umbininika uku ndi uku.

Yoswa 14:8

Kweni ŵabali wo ŵanguruta pamoza nane ŵangusongonoska mitima ya ŵanthu; ine kwakufikapo ndingurondo Ambuya Chiuta wangu.

Yoswa 2:24

Ŵangunena ndi Yoswa, “Kwakuneneska Ambuya apaska charu chose chiya mu manja ghidu; chakuruskako nchakuti wose ŵakuja mu charu cho mitima yawo njakulakatuka chifukwa chidu.”

Marangu 20:8

Ndipo ŵarongozgi ŵakarutirizganga kukamba ku ŵanthu, ndi kunena kuti, ‘Njani munthu mweniyo watopa ndi wafipa mtima? Wa viyo wawere ku nyumba yake, vinu mtima wa ŵanyake ungasongonoka uli ndi mtima wake.’

Chiyambo 36:15

Yaŵa ndiwo ŵenga vinkhara vya ŵana ŵanthurumi ŵaku Esau. Ŵana ŵanthurumi ŵaku Elifaza waumwali waku Esau: vinkhara Temana, Omara, Zepo, Kenaza,

Sumu 48:5

Po ŵanguti ŵachiwona, ŵanguzizwa, ŵangumbwambwanthiya, ŵanguthaŵa;

Yeremiya 49:23

Gha paku Damasko. “Hamati ndi Arpadi ŵasuzgika, pakuti ŵavwa uthenga uheni; ŵasongonoka ndi mantha, ŵasuzgika uli ndi nyanja yo yayuka yo kuti yingaja bata cha.

Chiyambo 36:16

Gatama, ndi Amaleke; yaŵa ndi vinkhara vyaku Elifaza mu charu cha Edomu; mbana ŵanthurumi ŵaku Ada.

Habakuku 3:6

Wanguma ndi kupima charu chose chapasi; wangulereska, ndi wangusukung'a mitundu ya ŵanthu; viyo mapiri ghamwaka ghanguparghanika, mapiri ghachijaliye ghangubwanthuka. Nthowa zake zenga nge ndi kale.