Chituwa 15:13 - Tonga Bible 1986

¹³ “Mwarongozga ŵanthu ŵinu mu chifundu chinu; ŵanthu ŵeniwo imwe mwawombo, mwaŵarongozga ndi nthazi yinu kuya ku chakujamo chinu chakupaturika.

Chituwa 15:13 Referans Kwoze

Sumu 77:20

Mungurongozga ŵanthu ŵinu nge ndi muskambu, ndipo Mosese ndi Aroni ndiwo ŵenga ŵakuŵatufuliya.

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Sumu 106:9

Wanguchenya Nyanja Yiyera, ndipo yingukamuka, wangurongozga khamu lake, ŵangwambuka ulaka mpha mtunda uyumu.

ŴaEfeso 2:4

kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe,

Sumu 80:1

Mwa mliska waku Yisraele, tegherezgani. Tivweni, murongozgi mu mskambu winu. Mwa ŵakuja pa chitengo chinu pa ŵaKerubi,

Chiyambo 19:16

Kweni wanguziulika; viyo ŵa ŵanthu ŵangumuko iyo ndi muwoli wake ndi ŵana ŵanthukazi ŵaŵi pa janja, pakuti Chiuta wanguŵa nayo ndi lisungu, ndipo ŵangumutuzgiya ku bwalo kwa msumba wo.

Nehemiya 9:12

Ndi mzati wa mtambo munguŵalongozga ndi msana, ndipo ndi mzati wa moto ndi usiku, kuŵambulikiya nthowa yakukamo iwo.

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Chituwa 15:16

Chofyu ndi chitenthe vyaŵa paku wo; chifukwa cha ukuru wa janja linu, ŵachetama ulaka ndi mwa, mpaka penipo ŵanthu ŵaporotamo Ambuya, mpaka ŵanthu ŵinu ŵaporota wo mwagula.

Chituwa 15:17

Imwe mukaŵaserezganga ndi kuŵapanda pa phiri laku mwaŵeni malo gho mwaghachita kuŵa chakujamo chinu, Ambuya mwe, malo ghakupaturika gho manja ghinu ghajarika, Ambuya mwe.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

2 Samuele 15:25

Karonga wangunena ndi Zadoki, “Weriyani nalo mu msumba Bokosi laku Chiuta. Asani Ine ndasaniya wezi mu maso gha Ambuya akandiwezganga so ndazamukuliwona lo, ndi malo gho lijapo,

Sumu 74:2

Kumbukani mpingu winu, wo mukugula mwaka, ŵanthu wo mukuwombo kuŵa khamu laku mwaŵeni. Kumbukani phiri la Zioni, mo mwajanga!

Sumu 78:35

Ŵangukumbuka kuti Chiuta ndi jarawi lawo, kuti Chiuta wapachanya limu ndi muwombozi wawo.

Yesaya 51:10

Kuti ndimwe cha mungumizga nyanja, maji gha ndimba yikuru; munguchita ndimba za nyanja kuŵa nthowa, yakukamo wakuwombokwa?

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.