Chituwa 15:1 - Tonga Bible 1986

¹ Sono Mosese ndi ŵaYisraele ŵangumba sumu iyi ku Ambuya, ŵanguti, “Ndikambanga ku Ambuya, pakuti apunda kwakutumbwa; ŵakavalo ndiŵakukwerapo ŵake apong'a mu nyanja.

Chituwa 15:1 Referans Kwoze

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Chituwa 15:21

Ndipo Miriamu wanguŵambiya: “Mbaninga ku Ambuya chifukwa apunda ndikutumbwa; kavalo ndi wakukwerapo wake apong'a mu nyanja.”

Sumu 106:12

Sono ŵanthu ŵake ŵangugomekezga mu mazu ghake; ndipo ŵangumumbiya marumbu.

Sumu 107:8

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu!

ŴaKolose 2:15

wati wabwanganduwa maufumu ndi mitufu, wanguvirongole pakweru, pakuvipundiya mwaku iyo mweneko.

Sumu 107:15

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu!

Chituwa 18:11

Sono ndiziŵa kuti Ambuya mbara akuruska ŵachiuta ŵanyake wose, chifukwa angupozomoska ŵanthu wo ku magoŵa gha ŵaEgipiti, penipo ŵanguŵayuzga.”

Chituwa 14:27

Viyo Mosese wangutambaluriya janja lake pa nyanja, ndipo nyanja yo yinguwere mu malo ghake wati wawoneka mlenji; ndipo ŵaEgipiti ŵanguthaŵiya mwenimo, ndipo Ambuya angupunda ŵaEgipiti mukati mu nyanja.

Maŵerengedu 21:17

Penipo Yisraele wangumba sumu iyi: “Bwibwituka, chisima we! Chimbiyeni!

Nehemiya 9:11

Ndipo mungugauwa nyanja pakati paurongo pawo, viyo kuti ŵangwenda kuporota mukati mu nyanja pa mtunda uyumu; ndipo mungupong'a ŵakuŵalondo mu zindimba, uli ndi mwa mu maji gha nthazi.

Jobu 36:24

“Kumbukani kukuzga mlimu wake, wo ŵanthu ŵatiumbiya.

Sumu 32:7

Ndimwe chakubisamamo changu, mutindivikiriya ku suzgu; mutindizingirizga ndi chipozomosko.

Sumu 76:6

Po munguŵawofya, A Chiuta waku Yakobe, vyose ŵakavalo ndi ŵakugarapo ŵawo ŵanguwa, ŵangufwa.

Sumu 105:43

Viyo angutuzga khamu lawo ndi chimwemwe, ŵanthu ŵawo ŵakusankhika ndi kusekere kukuru.

Nthanthi 29:6

Munthu wamphulupulu ngwakuthyika ndi utimbanizi wake, kweni munthu murunji watumba ndi wakondwa.

Yesaya 42:10

Mbiyani Ambuya sumu yifya, marumbu ghawo kutuwa ku chigoti cha charu chapasi! Nyanja yiwurume ndi vyose vyakuyizaza, vyaru vyamu malikumba ndi ŵakujamo ŵake

Yeremiya 51:21

ndi iwe ndituswa tumanatumana kavalo ndi wakukwerapo wake; ndi iwe ndituswa tumanatumana gareta ndi wakwendeska gareta;

Habakuku 3:18

ndipuuli ndikondwenge mu Ambuya, ndi kusekere mwaku Chiuta, mtaski wangu.

Chituwa 14:26

Sono Ambuya anguti kwaku Mosese, “Tambaluriya janja lako pa nyanja kuti maji ghawere vuli pa ŵaEgipiti, pa magareta ghawo, ndi pa ŵankhondo ŵapa ŵakavalo ŵawo.”

Sumu 76:7

Kweni ŵanthu ŵatopa imwe! Njani yo wangaziŵa kuma pa maso pinu asani mwatundiya?

Hoseya 2:17

Chifukwa nkhatuzangamo mazina gha ŵaBala mu mlomo wake, ndipo kuti ghazumbulikenge so cha mazina ghawo muyaya.