Chituwa 14:21 - Tonga Bible 1986

²¹ Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Chituwa 14:21 Referans Kwoze

Yesaya 63:12

mweniyo wangutambaruwa janja lake la unkhankhu kuruta ku janja la marghe laku Mosese, mweniyo wangugawuwa maji paurongo pawo kujichitiya mweneko zina la muyaya,

Chituwa 15:8

Ndi mvuchi wa mphunu zinu, maji ghanguwunjikika, ndipo mweza wa maji unguma ndundo; ndimba zingukhoma mukati mwa nyanja.

Sumu 66:6

Wakusanduska nyanja mtunda uyumu; ambuyafwe angwambuka msinji pasi. Kwenukuwa tingwangara pa chifukwa chaku cho chinguchitika;

Yesaya 51:10

Kuti ndimwe cha mungumizga nyanja, maji gha ndimba yikuru; munguchita ndimba za nyanja kuŵa nthowa, yakukamo wakuwombokwa?

Sumu 78:13

Wangupatuwa nyanja wanguŵambuska, wanguchitiska maji kuti ghame nge nchiliŵa.

Sumu 74:13

Ndi nthazi yinu yikuru mungugaŵa nyanja, munguphwanya mitu ya vinyama vya mu nyanja.

Nehemiya 9:11

Ndipo mungugauwa nyanja pakati paurongo pawo, viyo kuti ŵangwenda kuporota mukati mu nyanja pa mtunda uyumu; ndipo mungupong'a ŵakuŵalondo mu zindimba, uli ndi mwa mu maji gha nthazi.

Yoswa 4:23

Pakuti Ambuya Chiuta winu wangukamuska maji gha mu Yordane chifukwa chinu mpaka penipo mungwambuka; nge ndimo Ambuya Chiuta winu wanguchitiya pa Nyanja Yiyera, yo wangukamuskiya ifwe, mpaka po tingwambuka,

Sumu 136:13

wangugauwa Nyanja Yiyera, chifukwa nchamuyaya chifundu chake;

Chituwa 14:16

Soska ndodo yako ndi utambaruliye janja lako kurazga ku nyanja ndi uyigaŵe pakati alinga kuti ŵaYisraele ŵarutenge pa mtunda uyumu kuporota mu nyanja.

Yesaya 51:15

Pakuti ndine Ambuya Chiuta winu, yo wayuska nyanja viyo kuti mayigha ghake ghauruma Ambuya ŵa maŵanja ndilo zina lawo.

Jobu 26:12

Ndi nthazi zake wakugaŵa nyanja, ndi vinjeru vyake wangukoso ŵakujikuzga;

Machitidu gha Ŵakutumika 7:36

Ndiyo wanguŵatuzgamo, wati wachita virwita ndi visimikizgu mu charu cha Egipiti ndi mu Nyanja Yiyera, ndimu bozwa lo virimika machumi ghanayi (40).

Chiyambo 8:1

Kweni Chiuta wangukumbuka Nowa ndi nyama zose ndi vyakuŵeta vyo vyenga nayo pamoza mu ngaraŵa. Ndipo Chiuta wanguputiska mphepo pa charu, ndipo maji ghangutheruka.

Chituwa 7:19

Ndipo Ambuya anguti kwaku Mosese, “Kamba kwaku Aroni, ‘Uto ndodo yako ndipo utambaluriye janja lako ku maji gha Egipiti ku misinji yawo, ku ngalandi zawo, ku vipholi vyawo, ndi visima vyawo vya maji kuti viŵe ndopa, ndipo mukaŵanga ndopa mu charu chose cha Egipiti, mu viyaŵi vya miti ndi viyaŵi vya mya.’ ”

Chituwa 14:20

Kuza pakati pa liŵanja la ŵaEgipiti ndi liŵanja la ŵaYisraele. Ndipo penga mtambo ndi mdima; ndipo usiku ungukapo wambura liŵanja limoza kuŵandika pafupi pa linyake usiku wose.

Yoswa 2:10

Chifukwa tikuvwa mo Ambuya angukamuskiya maji gha Nyanja Yiyera paurongo pinu muchituwa mu Egipiti, ndipo ndi vyo munguchita ku ŵakaronga ŵaŵi ŵa Amori wo ŵenga kusirgha ku Yordane, kwaku Sihoni ndi Ogi, wo mukuŵaparghang'a tetete.

Yoswa 3:17

Ndipo penipo ŵaYisraele wose wambukanga pa mtunda uyumu, ŵazukuru wo ŵangupinga bokosi la phangano la Ambuya ŵanguma pa mtunda uyumu mukati mu Yordane mpaka mtundu wose ungumara kwambukiya ku sirgha kwa Yordane.

2 ŴaKaronga 2:8

Sono Eliya wanguto chivwaro chake, wanguchizinga wangupuma maji, ndipo maji ghangupatukana kuma kuchiri kumoza ndi kuchiri kunyake mpaka penipo ŵaŵiviyo ŵangwenda pasi pa yumu.

Yesaya 23:11

Watambaruliya janja lake pa nyanja, wasukuniska maufumu, Ambuya alangula gha pa Kanani kubwanganduwa malinga ghake.

Yesaya 43:16

Ambuya atiti viyo, mweniyo watata nthowa mu nyanja, kanthowa mu maji ghakulimba,

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Yesaya 63:13

njani wanguŵarongozga mu zindimba? Nge ndi kavalo mu bozwa, kuti ŵanguguŵa cha.

Habakuku 3:8

Kumbi kandundu kinu kenga pa misinji, Ambuya? Kumbi ukari winu wenga pa misinji, pamwenga kutundiya kwinu pa nyanja, pa gareta linu la upundi?

Jobu 38:24

Nthowa ndi niye yakurata ku malo ko ukweru ugaŵika; pamwenga ko mphepo ya vuma yiparghang'ikiya pa charu?

Sumu 148:8

Moto ndi fukunyira, nyankhuŵinda ndi chiuli, mphepo za nthazi zakuvwiya langulu lake!

Yesaya 44:27

mweniyo watiti ku ndimba, ‘Ukamuke, ndikakamuskanga misinji yako’;