Chituwa 14:16 - Tonga Bible 1986

¹⁶ Soska ndodo yako ndi utambaruliye janja lako kurazga ku nyanja ndi uyigaŵe pakati alinga kuti ŵaYisraele ŵarutenge pa mtunda uyumu kuporota mu nyanja.

Chituwa 14:16 Referans Kwoze

Chituwa 7:19

Ndipo Ambuya anguti kwaku Mosese, “Kamba kwaku Aroni, ‘Uto ndodo yako ndipo utambaluriye janja lako ku maji gha Egipiti ku misinji yawo, ku ngalandi zawo, ku vipholi vyawo, ndi visima vyawo vya maji kuti viŵe ndopa, ndipo mukaŵanga ndopa mu charu chose cha Egipiti, mu viyaŵi vya miti ndi viyaŵi vya mya.’ ”

Chituwa 14:26

Sono Ambuya anguti kwaku Mosese, “Tambaluriya janja lako pa nyanja kuti maji ghawere vuli pa ŵaEgipiti, pa magareta ghawo, ndi pa ŵankhondo ŵapa ŵakavalo ŵawo.”

Chituwa 4:20

Viyo Mosese wanguto muwoli wake ndi ŵana ŵanthurumi ndi wanguŵajarika pa mbunda, ndi wanguwere ku charu cha Egipiti. Ndipo Mosese wangupinga nthonga yaku Chiuta mu janja lake.

Chituwa 4:17

Ndipo ukatolenga ndodo iyi mu janja lako, yeniyo wamuchitiya visimikazgu.”

Chituwa 4:2

Ambuya anguti kwaku iyo, “Nchine cho che mu janja lako?” Iyo wanguti, “Ndodo.”

Yesaya 10:26

Ndipo Ambuya ŵa maŵanja akasoskiyanga paku wo likwechu, nge ndimo angukosole Midiani pa jarawe la Orebe, ndipo nthonga yawo yikaŵanga pachanya pa nyanja, ndipo akayisoskanga nge ndimo anguchitiya mu Egipiti.

Chituwa 7:9

“Farao wachamkamba namwe kuti, ‘Rongoni minthondwi mwakuti ndimugomezgeni sono,’ wangukuti kwaku Aroni. ‘To ndodo yako ndi uyipong'e pasi paurongo paku Farao, kuti yisanduke njoka.’ ”

Maŵerengedu 20:11

Ndipo Mosese wangusoska janja lake wangupuma jarawi kaŵi ndi ndodo yake; ndipo ghangutuwa maji ghanandi, wumba ungumwa pamoza ndi viŵetu vyawo.

Chituwa 14:15

Ambuya anguti kwaku Mosese, “Chifukwa chine uliriya kwaku ine? Wanene ŵaYisraele kuti ŵarutiriyenge.

Chituwa 17:5

Ndipo Ambuya anguti kwaku Mosese, “Ruta paurongo pa ŵanthu, ndipo ujitore pamoza nawe ŵaraŵara ŵanyake ŵa ŵaYisraele, mu janja lako utolemo ndodo yeniyiya ungupumiya Nile, ndipo rutaninge.

Chituwa 17:6

Ehe, ine ndikamanga paurongo pako penipa pa jarawi lapa Horebe, ndipo iwe ukapumanga jarawi lo, ndipo maji ghakatuwanga mwaku lo, alinga kuti ŵamwenge ŵanthu.” Ndipo wanguchita viyo, ŵachiwonako ŵaraŵara ŵa ŵaYisraele.

Yoswa 8:18

Penipo Ambuya angunena ndi Yoswa, “Tambaruliya mkondo wo wemu janja lako kurongo ku Ai; pakuti ndikawupaskanga mu janja lako.” Yoswa wangutambaruwa mkondo wo kurongo ku msumba.

2 ŴaKaronga 4:29

Iyo wanguti kwaku Gehazi, “Vwara umange mu chiunu, uto ndodo yangu mu janja lako, rutanga. Asani ukumanenge ndi munthu ungamutauzganga cha, asani watukutauzga ungazomera cha; ndipo ukalarike ndodo yangu pachisku cha mwana yo.”

Habakuku 3:8

Kumbi kandundu kinu kenga pa misinji, Ambuya? Kumbi ukari winu wenga pa misinji, pamwenga kutundiya kwinu pa nyanja, pa gareta linu la upundi?