Chituwa 13:9 - Tonga Bible 1986

⁹ Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chituwa 13:9 Referans Kwoze

Marangu 6:8

Ndipo mughamangiliye pa janja linu nge nchisimikizgu, ndipo ghakaŵanga nge ndi mphumphu yachiremba ya pakati pa maso ghinu.

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

Chituwa 13:16

Chikaŵanga nge nchakuteskiyapo pa janja linu pamwenga pa mbonekera pakati pa maso ghinu, pakuti ndi janja la nthazi Ambuya angutituzga mu Egipiti.”

Chituwa 12:14

“Zuŵa ili kwaku imwe likaŵanga la chikumbusku, ndipo mukalisunganga nge ndi dghera ku Ambuya; mu migonezi yinu mukalisunganga kuŵa dangu muyaya.

ŴaRoma 10:8

Kweni ghatitinji? Mazu nge pafupi pako mu mlomo wako, ndi mu mtima wako: ndigho mazu gha chivwanu, ghenigho timemeza: ghakuti,

Yesaya 59:21

“Kweni nge nkhwaku ine, ili ndi phanganu langu ndi iwo, atiti Ambuya: mzimu wangu wo we paku iwe, ndi mazu ghangu gho ndaŵika mu mlomo wako, kuti ghakatuwangamo cha mu mlomo wako, pamwenga kutuwamo mu mlomo wa ŵana ŵako, pamwenga mu mlomo wa ŵana ŵa ŵana ŵako, atiti Ambuya, kwamba kunu ku sono, kurutiliya ku nthazi ndi mpaka ku muyaya.”

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Marangu 30:14

Kweni mazu ghe pafupi ukongwa ndi imwe, ghe mu mlomo winu ndi mu mtima winu, viyo kuti muziŵa kughachita.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Chivumbuzi 18:8

Chifukwa chenichi mu zuŵa limoza vikazanga videru vyake, nyifwa ndi chitenje ndi chilala; ndipo wakafyanga mu moto: chifukwa mbanthazi Ambuya Chiuta, wo atumweruzga.”

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Yeremiya 22:24

“Mo ndiliri wamoyo, atiti Ambuya, chingana Konia mwana waku Yehoyakimu, karonga waku Yuda, wanguŵa mphete ya kuzighiriya pa janja langu lakurghiya, kweni ndipuuli ndikakuparuwanga mbwenu,

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?

Yesaya 49:16

Ehe, ndakusindikizga iwe pa vikufi vya manja ghangu; vimati vyako vye paurongo pangu nyengo yose.

Yesaya 40:10

Ehe, Ambuya Chiuta watuza ndi kulimba, ndipo janja lake litimuwusiya, ehe, mphoto yake yendi iyo, ndipo lipira, lake le paurongo pake.

Yesaya 27:1

Mu zuŵa liya Ambuya ndi lipanga lawo likhomi, likuru ndi lakulimba, akalanganga Leviathani chinjoka chakuthaŵathaŵa, Leviathani chinjoka chakunyongoroka-nyongoroka, ndipo akabayanga cha nchalinda cho che mu nyanja.

Nthanthi 3:21

Wa mwana wangu, usunge zeru yeneko ndi kughanaghana kwamampha; vingatayananga nawe cha kuviwona,

Nthanthi 1:9

pakuti ivi ndi mwenera wa mutu wako ndi mukanda wa khosi lako.

Sumu 89:13

Ndimwe wa nthazi zikuru! Ngakuru mbwenu mazaza ghinu!

Nehemiya 1:10

Yaŵa mbateŵeti ŵinu ndi ŵanthu ŵinu wo munguwombo ndi nthazi zinu zikuru ndi janja linu lakulimba.

Marangu 6:6

Mazu yagha ndikulanguliyani zuŵa ili ghaje me mitima yinu.

Sumu ya Zisumu 8:6

Undiŵike nge nchizighiriyi pa mlima wako, nge nchizighiriyi pa janja lako, pakuti chanju nchamunthazi nge ndi nyifwa, sanji njikali nge ndi muunda. Kung'anima kwake nkhung'anima kwa moto, wakuŵa ndi dangalira la kofya.

Nthanthi 7:23

mpaka penipo muvwi uporota mu matumbu ghake; uli nkhayuni kakuchimbiriya mu chiŵana; iyo kuti waziŵa cha kuti chibayenge umoyo wake.

Chituwa 3:20

Viyo ndikatambaruwanga janja langu ndi kukoso Egipiti ndi vya minthondwi vyose vyenivyo ndikachitanga mukati mwake, pavuli paku vyo wakamuzomerezganinga kuruta.

Chituwa 7:4

Farao kuti wakumutegherezgani cha; pavuli ndikaŵikanga janja langu pa ŵaEgipiti ndi kutuzgamo maŵanja ghangu, ŵanthu ŵangu, ŵana ŵaku Yisraele mu charu cha Egipiti ndi nchitu zikuru za cheruzgu.

Chituwa 13:14

Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

Sumu 136:12

ndi janja lake lanthazi ndi mkono wakutambaruka, chifukwa nchamuyaya chifundu chake;

Yesaya 44:5

Uyu wakambanga, ‘Nde wa Ambuya,’ munyake wakajidananga ndi zina laku Yakobe, ndi munyake wakalembanga pa janja lake, ‘Wa Ambuya,’ ndi kujipaska chiwongo cha zina laku Yisraele.”

Chituwa 12:41

Ndipo pa umari wa virimika machumi pe chumi ghanayi ndi machumi ghatatu (430) mu zuŵa leniliya, maŵanja ghose gha Ambuya ghangutuwa mu charu cha Egipiti.

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Marangu 6:21

Ndipo imwe mukatinge ku ŵana ŵinu, ‘Tenga ŵaŵanda ŵaku Farao mu Egipiti, ndipo Ambuya angutituzga ndi janja lanthazi.

Ŵeruzgi 2:12

Ŵangujowo Ambuya, Chiuta wa auskeu, yo wanguŵatuzga mu charu cha Egipiti, ŵangundondoloska ŵachiuta ŵanyake, ŵamu ŵachiuta ŵa ŵanthu wo ŵajanga kwakuŵazunguliya ndipo ŵanguŵalambiya wo; ndipo ŵangusosomole Ambuya ku ukari.

Sumu 136:11

Wangutuzga ŵaYisraele mu Egipiti, chifukwa nchamuyaya chifundu chake;

Danyele 9:15

Sono, Ambuya Chiuta widu, imwe mungutuzga ŵanthu ŵinu mu charu cha Egipiti ndi janja lanthazi, mwajitore mbiri mpaka zuŵa lino; ifwe talakwa, tachita uheni.