Chituwa 13:5 - Tonga Bible 1986

⁵ Ndipo penipo Ambuya atikutoleni mu charu cha ŵaKanani, ŵaHiti, ŵaAmori, ŵaHivi, ndi ŵaYebusi cho angurapiya ku auskemwe kwachipaska imwe, charu chakutaŵala mukaka ndi uchi, mukasunganga uteŵeti uwu mu mwezi uwu.

Chituwa 13:5 Referans Kwoze

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Yoswa 24:11

Ndipo mungwambuka Yordane munguza ku Yeriko, ŵanthu ŵaku Yeriko ŵangurwana namwe, ndi Amori nawo, ŵaPereze, ŵaKanani, ŵaHiti, ŵaGirgashi, ŵaHivi ndi ŵaYebusi; wose yaŵa ndinguŵapereka mu janja linu.

Chituwa 6:8

Ndipo ndikutoliyeninge mu charu cho ndingurapa kuchipaska kwaku imwe kuŵa chihara. Ndine Ambuya.’ ”

Chituwa 34:11

“Phwereni cho nditukulanguliyani msana wale. Ehe, ndikaŵadikiska, ngamo paurongo pinu ŵaKanani, ŵaHiti, ŵaPerizi, ŵaHivi ndi ŵaYebusi.

Chituwa 3:17

sono ndipangana kuti ndikakutuzganingimo mu suzgu yamu Egipiti, kuya namwe ku charu cha ŵaKanani, ŵaHiti, ŵaAmori, ŵaPerizi, ŵaHivi ndi ŵaYebusi, charu chakuzara mukaka ndi uchi.” ’

Marangu 26:1

“Muchisere mu charu cho Ambuya Chiuta winu watukupaskani kuŵa chihara, ndipo po mwachito ndi kuja mwenimo,

Marangu 19:1

“Penipo Ambuya Chiuta winu wamumara mitundu yeniyo, charu chawo Ambuya Chiuta winu wampaska imwe, ndipo imwe mwakuŵakwamphuwa ndi mwamuja mu misumba yawo ndi mu nyumba zawo,

Marangu 12:29

“Penipo Ambuya Chiuta winu wadumuwa mitundu panthazi pinu yeniyo mwamuseremu ndi kuyironda ndi kuyihara ndi kuja mu malo ghawo,

Marangu 7:1

“Penipo Ambuya Chiuta winu wamukukutoriyani mu charu mwakucho musere kwachironda kuti chiŵe chinu, kudikiskiya kutali mitundu yinandi kutuwa pa maso pinu, ŵaHiti, ŵaGirgashi, ŵaKanani, ŵaAmori ŵaPerizi, ŵaHivi, ndi ŵaYebusi, mitundu yinkhonde ndi yiŵi, yikuru ndi yanthazi kuruska imwe.

Maŵerengedu 32:11

‘Kwakuneneska palivi nanga njumoza wa ŵanthu wo ŵakutuwa mu Egipiti, kutuliya pa ŵamoyo ŵavirimika machumi ghaŵi ndi kuruska po, ŵakachiwonanga charu cho ndingurapiya kumupaska Abrahamu, Yisaki ndi Yakobe, chifukwa kuti ŵandirondo ine ndi mtima wose cha;

Maŵerengedu 14:30

Palivi yumoza wakaserenga mu charu cho ndingurapa kuti mwamujamo, kweni Kalebe pe mwana waku yefune ndi Yoswa mwana waku Nuni.

Maŵerengedu 14:16

‘Nchifukwa chakuti Ambuya ŵengavi nthazi kuŵaserezga ŵanthu yaŵa mu charu cho anguŵarapiya, chifukwa cho aŵakosore mu bozwa.’

Chituwa 33:1

Ambuya anguti kwaku Mosese, “Tuwanipo, kwerani kutuwapo pano iwe ndi ŵanthu wo watole kuno kutuwa mu charu cha Egipiti, kuya ku charu cho ndingupangana kwaku Abrahamu, Yisaki, ndi Yakobe kuti, ‘Ndikachipaskanga ku mphapu zinu.’

Chiyambo 50:24

Ndipo Yosefe wanguti ku ŵana ŵanyake, “Ine nde pafupi kufwa; kweni Chiuta wakachezganga namwe, ndipo wakakutuzganinga mu charu ichi kuya ku charu chenicho wangurapiya kwaku Abrahamu kwaku Yisaki, ndi kwaku Yakobe.”

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Chituwa 12:24

Mukasunganga mdauku uwu kuŵa dangu kwinu ndi ku ŵana ŵinu muyaya.

Chituwa 13:10

Viyo mukasunganga dangu lenili pa nyengo yake yakutemeka chirimika ndi chirimika.

Chituwa 13:11

“Ndipo penipo Ambuya akutoliyani mu charu cha ŵaKanani uli ndimo angurapiya kwaku imwe ndi ku auskemwe, ndipo akachipaskanga kwaku imwe,

Chituwa 32:13

Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”

ŴaLevi 20:24

Kweni kwaku imwe ndakamba kuti, ‘Mukaharanga charu chawo, ndipo ndikachipaskanga kwaku imwe kuŵa chinu, charu chakutaŵala mkaka ndi uchi.’ Ine ndine Ambuya Chiuta winu, yo wakupatuwaniko ku mitundu yinyake ya ŵanthu.

Maŵerengedu 11:12

Kumbi ndikuŵabala ndine ŵanthu wose yaŵa? Kumbi wose mbangu pakuti mukambe kwaku ine kuti, Uŵabape nge ndimo mlezi wabapiya litema lakonkha, kuti ndirute nawo ku charu cho mungurapiya auskeu?

Maŵerengedu 13:27

Ndipo ŵangumutauliya kuti, “Tingwachifika ku charu cho mungutitumako; charu nchakutaŵala mkaka ndi uchi ndipo vipasi vyake ndi ivi.

Yeremiya 11:5

mwakuti ndifiske rapu lo ndingurapiya ku auskemwe, kuŵapaska charu chakutaŵala mukaka ndi uchi, nge ndimo kuliri msana wale.” Sono ndinguŵamuka, “Viyo ndimu kuŵiye Ambuya.”

Yeremiya 32:22

ndipo munguŵapaska charu ichi, chenicho mungurapiya ku auskeu kuŵapaska; charu chakuzara mukaka ndi uchi;

Ezekiele 20:6

Pa zuŵa liya ndinguŵarapiya kuti ndikaŵatuzganga mu charu cha Egipiti kuya nawo ku charu cho ndikuŵasankhiya, charu cha kudika mukaka ndi uchi, charu chakutowa kuruska vyaru vyose vinyake.

Chituwa 6:4

Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.

1 Mikoka 1:15

ŵaHivi, ŵaArki, ŵaSini,