Chituwa 13:21 - Tonga Bible 1986

²¹ Ndipo Ambuya anguruta paurongo pawo ndi msana mu mzati wa mtambo kuŵarongozga mu nthowa, ndipo ndi usiku mu mzati wa moto kuwapaska ukweru, mwakuti ŵendenge ndi msana ndi so ndi usiku;

Chituwa 13:21 Referans Kwoze

Nehemiya 9:12

Ndi mzati wa mtambo munguŵalongozga ndi msana, ndipo ndi mzati wa moto ndi usiku, kuŵambulikiya nthowa yakukamo iwo.

Sumu 99:7

Angurongoro nawo mu mzati wa mtambo; ŵangusunga visimisimi ndi marangu gho anguŵapaska.

Marangu 1:33

yo wakudanjiliyaninga wakumupenjiyani malo ghakujinthapo mahema ghinu. Wanguruta mu usiku ndi moto, ndi msana ndi bingu kukulongoni nthowa yo mutenere kwendamo.

Sumu 105:39

Angutandika bingu kuŵa chivwinkhu, ndi moto wakuŵapaska ukweru ndi usiku.

Sumu 78:14

Ndi msana wanguŵarongozga ndi bingu, ndipo usiku wose ndi kungweruka kwa moto.

Nehemiya 9:19

imwe mu malisungu ghinu ghakuru kuti munguŵajowo cha mu bozwa; mzati wa mtambo weniwo unguŵarongozga mu nthowa wengavi kutuwako kwaku wo ndi msana, nanga ndi mzati wa moto ndi usiku weniwo unguŵambulikiya nthowa yakuti ŵendengemo.

Maŵerengedu 14:14

ndipo ŵakaŵatauliyanga ŵakuja mu charu ichi. Iwo ŵavwa kuti imwe Ambuya mwe pamoza ndi ŵanthu yaŵa; pakuti imwe Ambuya muwoneka chisku ndi chisku, ndi kuti mtambo winu utuma pachanya pawo ndi kuti imwe mutiŵadanjiriya, ndi msana mu mzati wa mtambo, ndi usiku mu mzati wa moto.

Maŵerengedu 10:34

Mtambo wa Ambuya wenga pachanya pawo ndi msana ŵachiruta kutuliya pa ugoŵi.

Chituwa 16:10

Ndipo penipo Aroni warongoronga ku mpingu wose wa ŵaYisraele wangulereska ku bizwa, ndipo wanguwona unkhankhu wa Ambuya unguwoneka mu mtambo.

Marangu 31:8

Ambuya atikudanjiriyani, akaŵanga pamoza namwe, kuti akatondekanga cha Chingana nkhumurekani mwija: mungopanga cha chingana nkhudonda cha.”

Sumu 68:7

A Chiuta, po mungurongozge ŵanthu ŵinu, po mwachapukiyanga kuporota mu bozwa,

Sumu 77:20

Mungurongozga ŵanthu ŵinu nge ndi muskambu, ndipo Mosese ndi Aroni ndiwo ŵenga ŵakuŵatufuliya.

Sumu ya Zisumu 3:6

Nchine cho chituza kutuliya ku bozwa, nge ndi mzati wa usi wakununkhira fungu la muro ndi vyakusunkhizga, pamoza ndi vyachema vyose vya ufwa wa wakuguliska?

Chituwa 10:10

Ndipo wanguti kwaku wo “Ambuya ŵaŵe namwe, kuti ndikakuzomerezganinge nadi imwe ndi ŵana ŵinu kuruta cha! Nadi, mwendi kafukwa kaheni mu maghanaghanu ghinu.

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”